2~Corintios 11:1 - CHUYA QELLQA La Biblia en Quechua de Ayacucho 2012

¹ Loco hina rimasqaykunatayá aguantaykuwankichik. ¡Arí, aguantaykuwaychikyá!

Quechua Ayacucho Bible 1987

¹ Aguantaykuwankichikmá yanqakunata niptiypas. ¡Arí, aguantaykuwaychikyá!

Chuya Qellqa 1992

¹ Loco hina rimasqaykunatayá aguantaykuwankichik. ¡Arí, aguantaykuwaychikyá!

2~Corintios 11:1 Iomraidhean Croise

2~Reyes 5:3

Paymi patronanta nirqa: Sichum Samaria llaqtapi profetapa ñawpaqninman patronniy riruptinqa lepra onqoyninmantam sanoyarachinman, nispa.

Números 11:29

Chaymi Moisés nirqa: ¿Imamantataq envidiakunki? Amalaya llapallan runankunaman Espiritunta Tayta Dios qoykunman, chaynapi llapallankuña profetizanankupaq, nispa.

Mateo 17:17

Chaymi Jesusñataq nirqa: ¡Mana iñiyniyuq huchasapa miraykuna! ¿Haykapikamataq qamkunawan kasaq? ¿Haykapikamataq aguantasqaykichik? Chay warmata kayman apamuychik, nispa.

Hechos 18:14

Pablo rimarinanpaq kachkaptinmi, llapa judiokunata Galión nirqa: Judiokuna, sichum kay queja kanman imapas mana allin ruwaymanta otaq pipa contranpipas sayariymanta, hinaptinqa mana imanispaychá uyarikichikman.

Hechos 26:29

Hinaptinmi Pablo nirqa: Asllamanta otaq achkamanta kaspapas Diosyá munachun ama qamllachu, aswanqa kaypi lliw uyariqniykunapas Cristoman ñoqa hina iñikunaykichikta, ichaqa amayá ñoqa hina cadenasqachu, nispa.

1~Corintios 1:21

Kay pachapi runakunaqa kikinkupa yachayninwanmi Diosta mana reqsirqakuchu, hinaptinmi Diosqa hatun yachayniyuq kaspa iñiqkunata salvayta munarqa Cristomanta allin noticiata willachispan, chaynatam kay pachapi runakunapaq ruwarqa, kay allin noticia mana valeqpaq rikchakuchkaptinpas.

1~Corintios 3:18

Amayá kikillaykichikqa engañakuychikchu, pipas kay pachapi yachaykunawan yachaq tukuqqa, mana yachayniyuq hinallam kanan, chaynapi cheqap yachayniyuq kananpaq.

1~Corintios 4:10

Ñoqaykuqa Cristoraykum mana yachayniyuqpaq hapisqa kaniku, qamkunam ichaqa Cristopi yachayniyuq kankichik. Ñoqaykutaqa mana kallpayuqpaqmi hapiwanku, qamkunam ichaqa kallpasapa kachkankichik. Runakunam qamkunata res-petasunkichik, ñoqaykutañataqmi despreciawanku.

1~Corintios 4:8

Qamkunaqa saksasqañam kachkankichik, apuyarunkichikñam kanpas, mana ñoqallaykuwanmi munaychakuchkankichikña. ¡Amalaya reyña kawaq-chik ñoqaykupas qamkunawan kuska reyña kanaykupaq!

2~Corintios 11:19

Qamkunaqa yachayniyuq kachkaspam kusikuywanraq locokunata uyarinkichik.

2~Corintios 11:21

Penqakuywanraqmi nini: Ñoqaykuqa manam chaypaq hinachu karqaniku. Pipas imamantapas alabakuptinqa, ñoqapas loco hinam aswanraq alabakusaq.

2~Corintios 11:4

Ichapas hukkaqnin hamuspan willasunkichikman mana ñoqaykupa willasqayku Jesusmanta otaq mana chaskisqaykichik espiritumanta otaq hukpa sutinpi salvakuymanta hinaptinqa qamkunaqa chayllachusmi chaskikuykuwaqchik.

2~Corintios 12:11

Qamkuna alabawanaykichik kachkaptinmi, loco hina kikillaymanta alabakurqani, ichaqa qamkunam chayta ruwachiwarqankichik. Ñoqaqa mana valeqña kaspaypas chay hatu-hatun apostolkunamantaqa manam menoschu kani.

2~Corintios 5:13

Loco hinapas kaniku Diospaqmi, yuyayniyuqpas kaniku qamkunapaqtaqmi.

Hebreos 5:2

Sumo sacerdoteqa Diosta mana kasukuqkunamanta hinaspa huchapi kaq runamasinkunamantam llakipayarikun, paypas runa kayninpi pantaruq kasqanrayku.

Josué 7:7

Chaymi Josué nirqa: ¡Dios Taytalláy! ¿Imapaqtaq kay llaq-tata Jordán mayuta chimpachimurqanki amorreokunaman qoykuwaptikiku chinkarachiwanankupaq? ¡Ima allinchá kanman karqa Jordán mayupa waklaw chimpanpi qepakamuyniykuqa!