2~Corintios 10:5 - CHUYA QELLQA La Biblia en Quechua de Ayacucho 2012

⁵ Tuñichintaqmi Dios reqsiypa contranpi hatun tukuspa hatariqkunatapas chaynataq Diospa contranpi hoqarikuqkunatapas, runakunapa imaymana piensasqantam Cristomanña hapichiniku kasukunankupaq.

Quechua Ayacucho Bible 1987

⁵ Tuñichintaqmi Dios reqsiypa contranpi piensaqkunatapas chaynataq paypa contranpi hoqarikuqkunatapas, runakunapa imaymana piensasqantaqa Cristomanñam wataniku kasukunankupaq.

Chuya Qellqa 1992

⁵ Tuñichintaqmi Dios reqsiypa contranpi hatun tukuspa hatariqkunatapas chaynataq Diospa contranpi hoqarikuqkunatapas, runakunapa imaymana piensasqantam Cristomanña hapichiniku kasukunankupaq.

2~Corintios 10:5 Iomraidhean Croise

Génesis 8:21

Chaymi Tayta Dios sacrificiopa miskillaña asnariyninta chaskiykuspan sonqonpi nirqa: Kunanmantaqa manañam runakunapa huchanmanta kay pachata ñakasaqñachu. Runaqa warma kasqanmantapas mana allinkunalla ruway munaqmi. Kayna puchukachisqayta hinaqa manañam huktawanqa lliw unanchasqaykunataqa puchukachisaqñachu.

2~Reyes 19:22

¿Pitataq kamirqanki? ¿Pitataq ñakarqanki? ¿Pipa contranpitaq qaparispa rimarqanki? ¿Pitataq hatunchakuspa qawarqanki? ¡Israel nacionpa chuya Diospa contranpim chaykunataqa ruwarqanki!

2~Reyes 19:28

Uyarinim ñoqapa contraypi piñakusqaykitapas, hatun tukuspa kamiwasqaykitapas, chayraykum argollata senqaykiman churasaq, simikimanñataqmi bozalta churasaq, hinaspaymi maymi hamusqayki ñanninta kutichisqayki, nispa.

Jobwan Sutichasqa Libro 42:6

Chayraykum tukuy ima rimasqayta reqsikuni, allpapiwan uchpapim tiyaykuspay wanakuni, nispa.

Éxodo 5:2

Rey Faraonñataqmi nirqa: ¿Pitaq Tayta Diosqa payta kasuspay Israelpa mirayninkunata kachaykunaypaqqa? Tayta Diostaqa manam reqsinichu, manataqmi Israel miraykunatapas kachariymanchu, nispa.

Proverbios 15:26

Tayta Diosqa millakunmi mana allin runakunapa tanteasqantaqa, sumaq rimaykunawanmi ichaqa kusikun.

Proverbios 24:9

Mana yachayniyuq runaqa huchallapim yuyaymanan, burlakuq runataqa lliwmi cheqninku. -24-

Isaías 2:17

Hatun tukuq runakunam uchuychasqa kanqaku, hatunchakuq runakunam tuñichisqa kanqaku. Chay tiempopiqa Tayta Diosllañam hatunchasqa kanqa.

Isaías 55:7

Mana allinkuna ruwaq runayá mana allin kawsayninta saqechun, millakuypaq yuyaymanaqyá chayna kayninta saqechun. Dios taytamanyá kutirikuchun, payqa llakipayariykunqam, Diosninchikmanyá kutirikuchun payqa kuyapayakuq kayninman hinam pampachaykunqa.

Isaías 59:7

Mana allin ruwaymanmi kallpankichik, mana huchayuqta wañuchiqmi kallpankichik; tukuy mana allin ruwaykunallapim yuyaymanankichik, maymanpas ñakarichiq hinaspa purmachiqllam rinkichik.

Isaías 60:14

Ñakarichiqnikikunapa churinkunam uchuychakuspanku ñawpaqnikiman hamunqaku, usuchisuqnikikunam ñawpaqnikipi qonqoranqaku, paykunam sutichasunki: “Tayta Diospa llaqtan, Israelpa Chuya Diosninpa Sión llaqtan”, nispanku.

Jeremías 23:29

Palabrayqa nina hinam, rimasqayqa qaqa rumipas ñutuq martillo hinam. Ñoqa Tayta Diosmi chaynata nini.

Jeremías 4:14

Jerusalén llaqtapi runakuna, sonqoykichikpi huchata mayllakuychik chaynapi salvakunaykichikpaq. ¿Haykapikamataq chay mana allin yuyaymanaykunawan intuchikunkichik?

Ezequiel 17:24

Chaynapim llapallan purun sachakunapas Tayta Dios kasqayta yachanqaku, hatun tukuq sachata pampaman wikapaspaymi taksa kaq sachataña wiñachisaq, verde sachatam chakichini chaki sachatañataqmi verdeyachini. Ñoqa Tayta Diosqa imam nisqaytaqa cumplinipunim, nispa.

Daniel 4:37

Chayraykum ñoqa Nabucodonosor hanaq pachapi Reyta alabaspay hatunchani, paytam yupaychanipas, paypaqqa tukuy ima ruwasqankunapas cheqapmi, payqa allinkuna ruwaqmi, hatun tukuqkunatapas payqa uchuychanmi.

Mateo 15:19

Runapa sonqonmantaqa lloqsimun mana allin yuyaymanaykunawan wañuchinakuykuna, waqllikuykuna, huchapakuykuna, suwakuykuna, llullakuykuna hinaspa kamikuykunam.

Lucas 1:51

Atiyninwanmi admirakuypaq kaqkunata ruwarqa, hatun tukuqkunapa imam ruway munasqankutam yanqacharun.

Romanos 1:21

Paykunaqa Diosta reqsichkaspankupas manam Diosta hinachu hatuncharqaku, nitaqmi graciastapas qorqakuchu. Aswanraqmi yanqakunata yuyaymanaspanku mana allin sonqonkuta tutayarachinku.

Romanos 1:5

Diospa kuyakuyninman hinam apóstol kanaypaq Jesucristontakama akllasqa karqani, chaynapi llapallan nacionkuna Jesucristopi iñispanku payllataña kasukunankupaq.

Romanos 16:26

Kunanqa profetakunapa qellqasqanwanmi llapallan nacionkunaman qawachisqaña kachkan. Chaymi wiña-wiñaypaq kawsaq Dios kamachiptin llapallan nacionkunapipas kay allin noticiataqa yachankuña, iñikuspa kasukunankupaq.

Romanos 7:23

chaywanpas cuerpoypiqa huk kamachikuymi kachkan, chay kamachikuymi yuyaymanayniypi kaq kamachikuypa contranpi kachkan, hinaspanmi aychaypi kaq huchapa kamachikuyninman presota apawan.

1~Corintios 1:19

Chuya Qellqapas kaynatam nin: “Yachaysapa runapa yachaynintam chinkarachisaq, yuyaysapa runapa yuyaynintam yanqacharusaq”, nispa.

1~Corintios 3:19

Kay pachapi yachaykunaqa Diospa qayllanpiqa mana valeqmi. Imaynam Qellqapa kayna nisqanman hina: “Diosmi trampawan hapichkaq hina yachaysapakunataqa kikinpa sakri kaynillanpi hapirun”, nispa.

2~Corintios 11:20

Qamkunaqa hawkaraqmi kakun-kichik: Servichikusuptikichikpas, engañasuptikichikpas, tukuy imaykichikta qechusuptikichikpas, hatun tukuptinkupas hinaspa uyapi laqechusuptikichikpas.

2~Corintios 9:13

Kay yanapakuywanmi runa-kunaman allin noticiata chaskispa kasukusqaykichikta qawachinkichik, chaymi paykunapas Diosta yupaychanqaku. Yupaychanqakutaqmi paykunapaqwan llapallan runakunapaq ofrenda qosqaykichikmantapas.

Deuteronomio 15:9

Yanqañataq sonqoykichikpi mana allinkunata tanteawaq-chik hinaspa “debekuqkunata pam-pachana qanchis kaq watam hich-pamuchkanña” nispaykichik castamasikichikmanta wakchakunata mana allin ñawikichikwan qawaspa imallawanpas mana yanapaykuwaqchikchu; chayna kaptinqa contraykichikpi Tayta Diosta mañakuptinmi chay ruwasqaykichikwan huchallikuwaqchik.

Filipenses 4:7

Diosninchikmi hawkayayta qosunkichik, chaytaqa manam runaqa entiendeyta atinchu, chay hawkayaymi sonqoykichiktawan yuyaymanaynikichikta Jesucristopi waqaychanqa.

2~Tesalonicenses 2:4

Paymi Diospa sutinwan sutichakuqkunapa contranpi chaynataq yupaychana kaqkunapa contranpi hatarinqa. Diospa templonpi tiyaykusparaqmi “Diosmi kani” nispa Dios tukunqa.

2~Tesalonicenses 2:8

Hinaptinmi chay millay runa rikurimunqa. Paytam Señorqa samayllanwan wañuchinqa, kancharistin rikurimuspanmi paytaqa chinkarachinqa.

Hebreos 4:12

Diospa palabranqa kawsay qokuqmi hinaspa atiyniyuqmi. Iskay lawnin filoyuq espadamantapas aswan kuchukuqraqmi. Runamanqa yaykun almankamaraqmi, espiritunkamaraqmi, tullunpa piezankunakamaraqmi, chilinankamaraqmi, hinaspam piensasqankunatawan sonqonpa munapayasqankunata reqsichin.

Hebreos 5:9

Chaykunawan qespichisqa karuspanmi llapallan kasuqnin runakunapaq wiñaypaq salvaqnin rikurirun.

1~Pedro 1:2

Qamkunataqa Dios Taytam yachayninman hina ñawpaqmantaraq akllasurqankichik. Espiritunwanmi chuyanchasurqankichik kasukuq kanaykichikpaq hinaspa Jesucristopa yawarninwan mayllasqa kanaykichikpaq. Diospa kuyakuyninwan hinaspa hawkayayninyá qamkunapi llimparichun.

1~Pedro 1:22

Kunanqa Espirituntakama cheqap kaqta kasukuspam, almaykichiktapas chuyancharunkichikña wawqe-panin-chikkunawan kuyanakunaykichikpaq. Chaynaqa, qamkunapurayá chuya sonqoykichikwan hinaspa tukuy kallpaykichikwan kuyanakuychik.