2~Corintios 10:1 - CHUYA QELLQA La Biblia en Quechua de Ayacucho 2012

¹ Ñoqa Pablom, Cristopa kuyakuq hinaspa llampu sonqonrayku nikichik. Qamkunawan kaspayqa humildes kani, qamkunamanta karupi kaspayñataqsi manchakuypaq kani.

Quechua Ayacucho Bible 1987

¹ Llampu sonqollaña hinaspa kuyakuqllaña Cristoraykum ñoqa Pablo ruegakuykichik. Qamkunawan kaspayqa humildes kani: qamkunamanta karupi kaspayñataqsi manchakuypaq kani.

Chuya Qellqa 1992

¹ Ñoqa Pablom, Cristopa kuyakuq hinaspa llampu sonqonrayku nikichik. Qamkunawan kaspayqa humildes kani, qamkunamanta karupi kaspayñataqsi manchakuypaq kani.

2~Corintios 10:1 Iomraidhean Croise

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Mateo 11:29

Yugoyta apaspayá ñoqamanta yachaychik, ñoqaqa llampu sonqo hinaspa mana chaylla piñakuruqmi kani, chaynata ruwaspam ñoqapi samayta tarinkichik.

Mateo 21:5

Paymi kaynata qellqarqa: Sión llaqtata niychik: “Reynikim qanman hamuchkan, asnopi silladam humildella hamuchkan, carga asnopa wawanpi silladam hamuchkan”, nispaykichik.

Hechos 8:32

Chay Qellqa leesqanqa kaynatam nirqa: “Nakanapaq carnerota hinam wañuchinankuman aparqaku, millwan rutuchikuq oveja hinam ñakarichiqninkunapa qayllanpi simillanta wichqaykurqa, manam imatapas rimarirqachu.

Romanos 10:20

Isaiaspas mana manchakuspanmi Diospa nisqanta kaynata nirqa: “Mana maskaqniykunam tariruwarqaku, mana ñoqamanta tapukuqkunamanmi rikuriykurqani”, nispa.

Romanos 12:1

Chaynaqa, wawqe-panillay-kuna, Diosninchikpa llakipaya-kuyninraykum ruegakuykichik, cuer-poykichiktayá Diosman qoychik, kawsachkaq ofrendata hina hinaspa chuyata, paypa munasqanman hina. Kaynam cheqap yachaywan Diosta yupaychayqa.

Romanos 15:15

Kay cartataqa mana imatapas pakaykuspam qellqamuchkaykichik, tukuy kaykunata mana qonqarunaykichikpaq. Kaytaqa ruwachkani Diospa kuyakuyninman hinam.

1~Corintios 2:3

Qamkunamanmi mana kallpayuq hina hinaspa manchakuymanta katkatatastin hamurqani.

1~Corintios 4:10

Ñoqaykuqa Cristoraykum mana yachayniyuqpaq hapisqa kaniku, qamkunam ichaqa Cristopi yachayniyuq kankichik. Ñoqaykutaqa mana kallpayuqpaqmi hapiwanku, qamkunam ichaqa kallpasapa kachkankichik. Runakunam qamkunata res-petasunkichik, ñoqaykutañataqmi despreciawanku.

1~Corintios 4:21

¿Imatataq munankichik? ¿Qamkunaman rispay azotewan hamunaytachu? Icha ¿Kuyakuywan sumaq sonqolla hamunaytachu?

2~Corintios 10:10

Wakinkunañataqmi ninku: “Payqa cartankunapiqa manchakuyllapaqtañam riman, kaypi kaspañataqmi pisi kallpayuq hina, rimayninpas mana kasunapaq hinallam”, nispanku.

2~Corintios 10:2

Chaynaqa, ruegakuykichikmi qawaqnikichik hamus-payqa cheqniwaqniykunapaq rabiakunaytaqa ama munaychikchu. Haykam aychaman hina kawsasqaykupaq hapiwaqniykunawanmi hapinakusaq.

2~Corintios 10:7

Qamkunaqa imatapas rikchayllantam qawankichik, sichum pipas Cristopaña kasqanta hapikuspanqa, yachananmi ñoqaykupas pay hina Cristopaña kasqaykuta.

2~Corintios 11:21

Penqakuywanraqmi nini: Ñoqaykuqa manam chaypaq hinachu karqaniku. Pipas imamantapas alabakuptinqa, ñoqapas loco hinam aswanraq alabakusaq.

2~Corintios 11:30

Alabakunay kaptinqa mana kallpayuq kasqaymantam alabakusaq.

2~Corintios 12:5

Chay runamantam ñoqaqa alabakusaq, ichaqa manam kikiymantaqa alabakuymanchu, aswanqa mana kallpayuq kasqaymantam alabakusaq.

2~Corintios 3:12

Confianzawan suyasqaykuraykum mana manchakuspa willakuniku.

2~Corintios 5:20

Chaynaqa, Cristopa rantinpi willakunaykupaq churasqam kaniku, Diosmi ñoqaykutakama qamkunaman rimapayasunkichik. Cristopa sutinpim ruegakuykiku Dioswan allinyanakunaykichikpaq.

2~Corintios 6:1

Qamkuna yanapaq kasqaykuraykum ruegakamuykiku, amayá Diospa kuyakuynintaqa yanqaqa chaskiychikchu.

2~Corintios 7:4

Ancha confianzawanmi qamkunata rimapayamuykichik, qamkunamantam llumpayta alabakuni, ñakarisqaykupipas kallpanchasqa hinaspa kusisqam kaniku.

Gálatas 4:13

Yachasqaykichikpi hinapas puntataqa onqorusqayraykuñam allin noticiataqa willarqaykichik.

Gálatas 5:2

Ñoqa Pablopa nisqaytayá uyariychik: Judiokuna hina señalachikuptikichikqa Cristoman hapipakuynikichikpas yanqapaqmi kanqa.

Efesios 3:1

Ñoqa Pablom, Jesucristota servisqayrayku preso kachkani mana judío kaqkunapa allinnikichikpaq.

Efesios 4:1

Ñoqaqa Señorta servisqayraykum preso kachkani, chaynaqa ruegakamuykichikmi Diospa akllasqankuna hina allinta kawsanaykichikpaq.

Filipenses 4:5

Lliw runakunawanyá reqsichikuychik kuyakuq sonqo kasqaykichikta. Señorninchikpa kutimunanqa hichpallañam kachkan.

Colosenses 1:23

Ichaqa chayna kanaykichikpaqqa qaqa hinayá iñiynikichikpi sayaychik ama iskayrayaspa, salvakunaykichikpaq allin noticia uyarisqaykichikman hapipakuspa. Kay allin noticiaqa willakusqa kachkan kay pachapi llapallan runakunamanmi, chayta willakunaypaqmi ñoqa Pablopas churasqa karqani.

2~Tesalonicenses 3:17

Ñoqa Pablom makiywanpuni qellqamuspay rimaykamuykichik, hina kikiytaqmi cartaykunapiqa firmani.

Filemón 1:19

Ñoqa Pablom makiywanpuni qellqamuchkayki: “Ñoqam pagapusqayki”, nispa. Allilla rimaypiqa tukuy imayuq kasqaykimantawan pim kasqaykimantaqa qampas debewankim.

Filemón 1:9

ichaqa kuyakuywanmi ruegakamuyki. Ñoqa Pabloqa machuñam kani, kunanñataqmi Jesucristorayku preso kaspay

1~Pedro 2:11

Kuyasqay wawqe-panillaykuna, huklaw llaqtayuqta hinaspa illakuyllapi kaqta hinam ruegakuykichik, aychaykichikpa mana allinkuna munasqantaqa amayá ruwaychikchu, chaykunaqa almaykichikpa contranpim peleachkan.

Apocalipsis 1:9

Ñoqa, wawqekichik Juanmi ñakariqmasikichik kani chaynataq Diospa munaychakuyninpi Jesusrayku imapipas pacienciakuqmasikichikmi kani, Diospa palabranmanta hinaspa Jesucristomanta willakusqayraykum Patmos islapi preso karqani.