2~Corintios 1:17 - CHUYA QELLQA La Biblia en Quechua de Ayacucho 2012

¹⁷ Chay piensasqayqa ¿manachum allin karqa? ¿Mana iñiq runa hinachu ruwarqani? ¿Arí, niruchkaspaychu “Manam” nirqani?

Quechua Ayacucho Bible 1987

¹⁷ ¿Chay piensasqayqa manachum allin karqa? ¿Mana iñiq runa hinachu rurarqani? Paykunaqariki “Arí” niruchkaspapas “Manam” ninkuraqmi.

Chuya Qellqa 1992

¹⁷ Chay piensasqayqa ¿manachum allin karqa? ¿Mana iñiq runa hinachu ruwarqani? ¿Arí, niruchkaspaychu “Manam” nirqani?

2~Corintios 1:17 Iomraidhean Croise

Jeremías 23:32

Yanqakunata mosqoruspa runaykunata pantachiq profetakunapa contranpim kachkani. Paykunaqa llullakunata willaspankum llaqtayta pantarachinku. Paykunataqa manam kachamurqanichu nitaqmi kamachimurqanichu, paykunaqa manam llaqtaypa allinnintachu rimarqaku. Ñoqa Tayta Diosmi chaynata nini.

Sofonías 3:4

Profetankunapas hatun tukuq hinaspa iskay uya llullakunam, sacerdotenkupas Diospa altarnintam qachacharunku, Diospa kamachikuynintam saruparunku.

Mateo 1:19

Rimaymasin Joseyñataqmi chuya sonqoyuq kasqanrayku Mariata mana penqayman churayta munaspan upallalla saqeruyta munarqa.

Mateo 5:37

Rimaynikichikqa kanan “arí” otaq “manam” nispallam, chaymanta aswan rimasqaykichikqa supaymantam hamun.

Juan 8:15

Qamkunaqa aychaman hinallam juzgankichik. Ñoqaqa manam pitapas juzganichu.

2~Corintios 1:12

Kaywanmi kusisqa kachkaniku, ñoqaykuqa kay pachapipas chaynataq qayllaykichikpipas allintam kawsarqaniku. Diosmi yanapawarqaku mana engañakuspa payllapaqña kawsanaykupaq, chaynataqa kawsarqaniku manam yachayniyuq kasqaykuraykuchu.

2~Corintios 11:18

Achkaqmi aychaman hina alabakunku chaynaqa ñoqapas alabakusaqyá.

Gálatas 1:16

Churin Jesucristotam reqsiykachiwarqa mana judío kaqkunamanpas allin noticiata willakamunaypaq. Jesucristomanta yachanaypaqqa manam ima runatapas tapurqanichu,

Gálatas 2:2

Rirqaniqa revelacionpi Diospuni Jerusalenman riy niwaptinmi. Chaypim lliw iñiqkunaman willarqani, mana judío kaqkunaman allin noticia imayna willakamusqaymanta, kamachiqninkuwanpas sapaqpi huñunakuspaymi willarqani, chaynapi Jesucristomanta willakamusqay mana yanqa kananpaq.

1~Tesalonicenses 2:18

Chayraykum qamkuna watukuyta munarqaniku. Ñoqa Pablom achka kutita qamkunaman hamuyta munarqani, ichaqa Satanasmi harkakuwarqaku.

Santiago 5:12

Wawqe-panillaykuna, tukuy imamantapas astawanqa amayá hanaq pacharaykupas, kay pacharaykupas, nitaq imaraykupas juraychikchu. Chayrayku, “arí” nisqaykichikqa “arí” nisqa kachun, “manam” nisqaykichikpas “manam” nisqa kachun, chaynapi Dios mana castigasunaykichikpaq.

Jueces 9:4

Baal-berit idolopa templonmanta medio kilo masnin qollqeta Abimelecman qoykuptinkum, payta puriysinanpaq chaywan qella runakunata contratarurqa.