2~Corintios 1:14 - CHUYA QELLQA La Biblia en Quechua de Ayacucho 2012

¹⁴ Wakintaqa entienderunkichikñam, Señor Jesuspa kutimusqan punchawmi ñoqaykumanta kusisqa kankichik, chaynallataqmi ñoqaykupas qamkunamanta kusikusaqku.

Quechua Ayacucho Bible 1987

¹⁴ Wakintaqa entienderunkichikñam, Señor Jesuspa kutimusqan punchawmi kusisqa kankichik ñoqaykumanta, chaynallam ñoqaykupas kusikusaqku qamkunamanta.

Chuya Qellqa 1992

¹⁴ Wakintaqa entienderunkichikñam, Señor Jesuspa kutimusqan punchawmi ñoqaykumanta kusisqa kankichik, chaynallataqmi ñoqaykupas qamkunamanta kusikusaqku.

2~Corintios 1:14 Iomraidhean Croise

Romanos 11:25

Wawqe-panillaykuna, munachkanim Diospa pakasqan kaqkuna yachanaykichikta, chaynapi kikikichikmanta mana hatun tukuq kanaykichikpaq. Wakin judiokunam sonqonkuta rumiyarachinku, chaynaqa kanqaku mana judío kaqkuna iñikuspa salvakuy tukunankukamam.

1~Corintios 1:8

Paytaqmi tukupay tiempokama takyachisunkichik, Señor-ninchik Jesucristo kutimuptin mana pipapas acusasqan kanaykichikpaq.

1~Corintios 11:18

Willawasqankutam uyarini, qamkunapa huñunakuynikichikpis rakinakuykuna kan. Cheqaptaqa niwasqankuman hinam creeni.

1~Corintios 15:31

Arí wawqe-panikuna, sapa punchawmi wañuypa patanpi hinaña kachkani. Ichaqa Señor Jesucristopi kasqaykichikwanmi kusisqa kachkani.

2~Corintios 2:5

Pipas llakichiwaqniyqa manam ñoqallatachu llakichiwan, allinlla rimaypiqa qamkunatapas llapallaykichiktam llakichisunkichik.

2~Corintios 5:12

Manam huktawanchu kiki-llaykumanta alabakuchkaniku, kaykunataqa rimapayachkaykiku huktawan ñoqaykumanta kusikunaykichikpaqmi hinaspa hawallanta qawaspa alabakuqkunata kutipakunaykichikpaqmi. Paykunaqa manam sonqonkupi kaqwanchu alabakunku.

2~Corintios 9:2

Yachaniñam yanapakuy munasqaykichiktaqa, chaymi Macedonia lawpipas kusikuywan willa-kuni: Acaya lawpi kaqkunaqa qayna watamantaraqmi yanapakunankupaq chaylla karqaku, nispay. Chayta yachaykuspankum Macedonia lawpi kaqkunapas yaqa llapallanku yanapakuyta munarqaku.

Filipenses 1:10

chaynapi allin kaqkunata reqsinaykichikpaq, chaymi Jesucristopa kutimunan punchawpaq mana huchayuq hinaspa mana pitapas urmachiq kankichik.

Filipenses 1:26

Chaynaqa, huktawan qamkunaman kutimuptiymi Jesucristota kusikuywan hatunchankichik.

Filipenses 1:6

Yachanipunim, qamkunapi allinkuna qallariq Diosninchikqa Jesucristo kutimunankama chay qallarisqanta tukunanta.

Filipenses 2:16

Qamkunaqa wiñaypaq kawsay qokuq palabratam hatallichkankichik. Chaymi Cristopa kutimunan punchawpiqa qamkunamanta kusikusaq kallpanchakuspay yachachisqayqa mana yanqapaq kasqanmanta.

Filipenses 4:1

Kuyasqay wawqe-panillaykuna, Señorninchik Jesucristopiyá allinta takyaychik. Qamkuna qawaykuytam llumpayllataña munachkani, qamkunaqa huk hatun premiom ñoqapaq kankichik.

1~Tesalonicenses 3:13

Señoryá iñiynikichikpi takyachisunkichik Dios Taytanchikpa qayllanpi chuya kanaykichikpaq hinaspa payllapaqña kawsanaykichikpaq, chaynaqa kankichik Señorninchik Jesucristo llapallan sapaqchasqankunawan kutimunan punchawpaqmi.

1~Tesalonicenses 5:23

Hawkayay qokuq kikin Diosnin-chikyá espirituykichikta, almaykichik-ta hinaspa cuerpoykichikta lliwta chuyanchachun, mana huchayuqta-ñayá waqaychasunkichik Señorninchik Jesucristo hamunankama.