1~Timoteo 6:9 - CHUYA QELLQA La Biblia en Quechua de Ayacucho 2012

⁹ Apuyaylla munaqkunaqa tentachikuspam trampaman hina mana valeq kaqkunallaman wichiykunku, chaykunaqa apakun llakillamanmi hinaspa wañuyllamanmi.

Quechua Ayacucho Bible 1987

⁹ Apuyaylla munaqkunaqa tentachikuspam pantayllaman hinaspa mana valeq kaqkunallaman wichiykunku, chaykunaqa apakun llakillamanmi hinaspa wañuyllamanmi.

Chuya Qellqa 1992

⁹ Apuyaylla munaqkunaqa tentachikuspam trampaman hina mana valeq kaqkunallaman wichiykunku, chaykunaqa apakun llakillamanmi hinaspa wañuyllamanmi.

1~Timoteo 6:9 Iomraidhean Croise

1~Reyes 21:6

Acabñataqmi nirqa: Jezreel llaqtayuq Nabottam nirqani: “Uvas huertaykita rantikuruway, mana rantipi munaptikiqa chaypa rantinpim huk uvas huertata qosqayki” nispay, ichaqa manam qowayta munarqachu.

Proverbios 15:27

Apuyayllata maskaq runaqa wasintam tuñichin, sobornachikuyta cheqniqmi ichaqa kawsakunqa.

Proverbios 20:21

Qallariyninpi imapas chaylla armasqa kaqkunaqa qepa punchawkunapim sasachakuyta apamun.

Proverbios 21:6

Llullakuywan huñusqa qori-qollqeqa wañuy maskaqkunapa yanqa munayllanmi.

Proverbios 22:16

Apuyananrayku wakchata ñakarichiq runaqa, otaq apuman qoykuq runaqa, wakchayaypim tukunqa.

Proverbios 23:4

Ama apuyayllata maskaychu, aswanqa chaypi yuyarayayta saqey.

Isaías 5:8

¡Imallapiraq rikukunkichik, wasikunata chakrakunata rantiypaq-rantiqkuna! ¿Qamkunallachu kay allpapi kawsankichik?

Zacarías 11:5

Chay ovejakunataqa rantiqninkunapas mana llakipayarispam wañuchinku, hinaptinmi rantikuqninkunapas kaynataraq ninku: “Tayta Diosyá yupaychasqa kachun, llumpaytañam apuyaruni” nisparaq. Michiqninkupas chay ovejakunamantaqa manam llakipayarikunchu, nispa.

Números 31:8

Paykunatawan kuskatam Madianpa pichqa reyninkutapas wañuchimurqaku, chay reykunam karqa: Evi, Requem, Zur, Hur hinaspa Reba. Beorpa churin Balaamtapas espadawanmi wañurachirqaku.

Mateo 13:22

Kichka-kichka ukuman wichiykuq muhuñataqmi rikchakun, Diospa palabranta uyarichkaspan kay pachapi preocupacionkunawan hinaspa qori-qollqe kuyaywan engañarachikuq runaman. Tukuy kaykunam Diospa palabran uyarisqanta pamparuptin mana rurunñachu.

Mateo 19:22

Jovenñataqmi chayta uyariykuspan, apu kasqanrayku llakisqallaña kutikurqa.

Mateo 26:15

nirqa: ¿Jesusta entregaykuptiy haykatataq qowankichikman? nispa. Chaymi kimsa chunka qollqeta paga-nankupaq prometerqaku.

Mateo 6:19

Kay pachapiqa amayá qori-qollqellataqa huñukuychikchu, chaykunaqa puyurachikuq, ismuruq hinaspa suwapa aparunallanmi.

Marcos 4:19

ichaqa kay pachapi kaqkunamanta preocupakuykunam, qori-qollqella maskaykunam hinaspa tukuy ima munapayaykunam paymanta munaychakuruspan Diospa palabranta chinkarachin, chaynapi mana rurunankupaq.

Lucas 12:21

Chaynam kanqa kikillanpaq imapas maskaq runaqa, Diospa qayllanpiqa pasaypaq mana imayuqmi kachkan, nispa.

Lucas 21:35

Toqlla hinam kay pachapi llapallan runakunata qonqayllamanta hapiramunqa.

Hechos 8:20

Pedroñataqmi nirqa: ¡Qollqekiwan kuskayá infiernoman ripuy, qamqa Diospa atiynintam qollqewan rantiyta piensarqanki!

Efesios 4:22

Huchaman aysaqnikichikmanta karunchakuspayá amaña ñawpaq kawsaynikichikpi hinañachu puriychik, chayna kawsayqa pantachisuspaykichikmi mana allinllata munachisunkichik.

Deuteronomio 7:25

Llapa idolonkunatapas kañankichikmi, chay idolokunata llusichisqanku qorita qollqetapas amam munapayankichikchu, yanqam urmachisunkichikman, Señornikichik Tayta Diospa qayllanpiqa chaykunaqa millakuypaqmi.

1~Timoteo 1:9

Yachasqanchikpi hinapas leyqa qosqa karqa manam allin ruwaq runakunapaqchu, aswanqa leyta qepanchaqkunapaqmi, mana kasukuqkunapaqmi, millay ruwaqkunapaqmi, huchasapakunapaqmi, Diosta mana manchakuqkunapaqmi, tayta-maman wañuchiqkunapaqmi, runa wañuchiqkunapaqmi,

1~Timoteo 3:7

Iñiqkuna nanachikuqtaqa mana iñiqkunapas lliwmi respetananku. Mana chayqa paymanta mana allinta rimaptinkum paypas diablopa pantachikuyninman urmaykunman.

1~Timoteo 6:10

Qollqella kuyayqa tukuy mana allin ruwaykunapa qallariyninmi. Achkaqmi qollqeta kuyaruspanku Diosman iñisqankumantapas karunchakurunku, hinaspam sasachakuykunapiwan ñakariykunapi tarikunku.

1~Timoteo 6:17

Llapa apukunata kamachiy ama hatun tukunankupaq nitaq tukuruq-lla kapuqninkupipas hapipakunan-kupaq, paykunaqa kawsaq Dioslla-man hapipakuchunku, payllam chanin-ninpi llapa imakunatapas kusikunan-chikpaq qowaqninchikqa.

2~Timoteo 2:26

chaynapi pantaypi kasqankuta reqsikuspanku diablopa presochasqanmanta lluptinankupaq. Paykunaqa diablopa watasqanmi kachkanku paypa munayninta ruwanankupaq.

Tito 2:12

Diospa kuyakuyninmi yachachiwanchik, mana allinkunata saqespa hinaspa aychapa munayninta saqespa, chaynapi allin yuyaymanaywan, allin ruwaywan hinaspa Diospa munasqanman hinaña kay pachapi kawsananchikpaq.

Josué 7:11

Israelpa mirayninkunam huchallikurunku, paykunawan pacto ruwasqaytam pakirunku. Chinkachisqa kananpaq ñakasqa kaqkunata suwakuruspam llullakurunku, hinaspam tukuy imankutawan kuskata pakarunku.

2~Pedro 2:3

Qollqe ganakuyta munas-pankum, allin yachachikuq tukuspanku qamkunamanta negociota ruwakunqaku, paykunaqa ñawpaqmantaraqmi senten-ciasqaña kachkanku, chaylla chinka-runankupaq.

Judas 1:11

¡Ay, imaynaraq kanqaku! Paykunaqa Cainpa ruwasqantam qatipakuchkanku, qollqeraykum Balaam hina pantarunku, chaynataqmi Coré hina wañurunku mana kasukusqankurayku.