1~Timoteo 6:4 - CHUYA QELLQA La Biblia en Quechua de Ayacucho 2012

⁴ chayqa, hatun tukuqmi, mana imapas yachaqmi, muspaypi hina rimakuspa atipanakuqmi, chayna atipanakuykunamantam mirarun envidianakuykuna, piñanakuykuna, kaminakuykuna hinaspa hukman piensaykuna,

Quechua Ayacucho Bible 1987

⁴ hatun tukuqmi, mana imapas yachaqmi hinaspa muspaypi hina rimakuspa atipanakuqmi, chayna atipanakuykunamantam mirarun envidianakuykuna, piñanakuykuna, kaminakuykuna hinaspa hukman piensaykuna,

Chuya Qellqa 1992

⁴ chayqa, hatun tukuqmi, mana imapas yachaqmi, muspaypi hina rimakuspa atipanakuqmi, chayna atipanakuykunamantam mirarun envidianakuykuna, piñanakuykuna, kaminakuykuna hinaspa hukman piensaykuna,

1~Timoteo 6:4 Iomraidhean Croise

Proverbios 13:7

Kanmi mana imayuq kachkaspapas apu tukuq runakuna, kantaqmi tukuy imayuq kachkaspapas wakcha tukuqkuna.

Proverbios 25:14

Wayrapa apanan mana parayuq puyu hinam mana imallantapas qokuykuchkaspa “qorqanim” nispa alabakuq maqlla runaqa.

Proverbios 26:12

Yachayniyuqpaq hapikuruq runamantaqa mana yachayniyuqmi aswan allinqa.

Isaías 58:4

Ayunaspaykichikmi peleayllapi kakunkichik, ayunaspaykichikmi quejanakuyllapi kakunkichik, wañuchinakuq hinam qamkunaqa takanakunkichik, ayunaspaykichikqa amayá kunan ruwasqaykichikta hinachu ayunaychik, chaynapi mañakusqaykichikpas hanaq pachapi uyarisqa kananpaq.

Hechos 15:2

Chaymi Pablowan Bernabeyqa llum-payta paykunawan atipanakurqaku. Chayraykum Pablotawan Bernabeyta hinaspa wakin iñiqkuta akllarurqaku, Jerusalenman rispa apostolkunawan hinaspa chaypi kaq iñiqkunapa ancia-nonkunawan chay asuntomanta rima-munankupaq.

Hechos 18:15

Sichum rimasqaykichikmanta, sutikunamanta hinaspa leynikichikmanta quejaykichik kaptinqa, kikikichikyá imaynatapas allichakuychik, chaykunamanqa manam chapukuymanchu, nispan.

Hechos 8:9

Samaria llaqtapim karqa Simón sutiyuq layqa, paymi layqakuq runa karqa hinaspam chay llaqtapi runakunata engañaq: “Ñoqaqa ancha yachayniyuq runam kani”, nispa.

Romanos 12:16

Huk sonqolla kawsaychik, ama hatunchakuspa aswanqa humillakuspa kawsakuychik, amataq llumpay yachayniyuqpaqpas hapikuychikchu.

Romanos 13:13

Hinaspa achkiypi purichkaq hina kawsasun: Ama mikukuyllapichu, sinkakuyllapichu, hukwan-hukwan tupakuyllapichu, liryanakuyllapichu nitaq envidianakuyllapichu.

Romanos 14:1

Pipas pisi iñiyniyuq kaptinqa ama imamantapas atipanakuspayá allinllata chaskiykuychik.

Romanos 2:8

Kikillanpaq munaqkunatawan cheqap kaqkunata mana kasukuspa mana allinllapi puriqkunatam ichaqa piñakuywan castiganqa.

1~Corintios 11:16

Chaynaqa, pipas kaymanta atipanakuyta munaspaqa yachachunyá, ñoqanchikpipas chaynataq iglesiakunapipas chay costumbreqa manam kanchu.

1~Corintios 11:18

Willawasqankutam uyarini, qamkunapa huñunakuynikichikpis rakinakuykuna kan. Cheqaptaqa niwasqankuman hinam creeni.

1~Corintios 3:18

Amayá kikillaykichikqa engañakuychikchu, pipas kay pachapi yachaykunawan yachaq tukuqqa, mana yachayniyuq hinallam kanan, chaynapi cheqap yachayniyuq kananpaq.

1~Corintios 3:3

Qamkunaqa aychaman hinallaraq kawsasqaykichikraykum envidianakunkichik, liryanakunkichik hinaspa cheqninakunkichik. Chaykunata ruwaspaqa, ¿manachum aychaman hinallaraq hinaspa runakunapa ruwasqanman hinallaraq kawsachkankichik?

2~Corintios 11:20

Qamkunaqa hawkaraqmi kakun-kichik: Servichikusuptikichikpas, engañasuptikichikpas, tukuy imaykichikta qechusuptikichikpas, hatun tukuptinkupas hinaspa uyapi laqechusuptikichikpas.

Gálatas 5:15

Sichum kikikichikpura kachunakuspa mikunakuspaykichikqa, cuidakuychikyá yanqañataq tuñichinakuspa tukunakuruwaqchik.

Gálatas 5:26

Amayá hatun tukuqqa kasunchu, hukninchikmanta hukninchikwanqa ama piñanakusunchu nitaq envidianakusunchu.

Gálatas 6:3

Sichum pipas mana imapas kachkaspa hatun tukuspanqa kikillantam engañakuchkan.

Filipenses 1:15

Cheqaptapunipas wakinkunaqa envidiakuspa hinaspa cheqnikuspam Cristomanta willakunku, wakiqkunam ichaqa allin sonqowan willakunku.

Filipenses 2:14

Lliwtayá ruwaychik ama kaminakuspa nitaq kutipanakuspa,

Filipenses 2:3

Amayá cheqnikuspaqa nitaq hatun tukuspaqa imatapas ruwaychikchu, aswanqa uchuychakuspayá kikikichikmantapas aswan allinpaqraq wakinkunata hapiychik.

Colosenses 2:18

Premioykichiktaqa amayá qechurachikuychikchu uchuychakuq tukuspa angelkuna yupaychaqkunawanqa, paykunaqa revelacionta chaskiq tukuspankum aychaman hina piensasqallankuwan yanqapaq hatun tukurunku.

2~Tesalonicenses 2:4

Paymi Diospa sutinwan sutichakuqkunapa contranpi chaynataq yupaychana kaqkunapa contranpi hatarinqa. Diospa templonpi tiyaykusparaqmi “Diosmi kani” nispa Dios tukunqa.

1~Timoteo 1:4

Amataqyá kasuchunkuchu cuentokunatapas nitaq ñawpaq taytakunapa sutinmanta manaña tukuy atina listatapas, chaykunaqa atipanakuykunallatam hatarichin, Diospa ruwayninkunapiqa manataqmi imapipas yanapakunchu, chay munayninkunataqa iñiyllawanmi reqsinchik.

1~Timoteo 1:7

Paykunaqa allin yachachikuq tukusparaqmi leymanta yachachikuyta munanku, rimasqankutawan yachachisqankutam ichaqa mana entiendeyta atinkuchu.

1~Timoteo 3:6

Chayllaraq iñikuq runaqa manam iñiqkunamanta nanachikuqqa kanmanchu, yanqañataqmi hatun tukuruspan diablo hina castigasqa kanman.

2~Timoteo 2:14

Kay nisqaykunata yuyarichiy, ima rimaypipas Diospa qayllanpi ama atipanakunankupaq, chay ruwayninkuqa manam valenchu, aswanqa uyariqkunatam tuñichin.

2~Timoteo 2:23

Runakunapa yanqa atipanakusqanmanqa ama chapukuychu, yachasqaykipi hinapas chaykunaqa peleollatam hatarichin.

2~Timoteo 3:4

runamasin traicionaqkuna, loco hina ruwaqkuna, añañankakuna hinaspa Diosta maskananku kachkaptinpas aychankupa munasqallan maskaqkuna,

Tito 3:9

Ichaqa yanqa atipanakuykunamanta karunchakuy, ñawpaq taytakunapa sutin yachaymanta hinaspa Moisespa leyninmanta atipanakuspa piñanakuykunamanta, chaykunaqa mana imapaq valeqmi nitaqmi ima allintapas apamuwanchikchu.

Santiago 1:19

Kuyasqay wawqe-panillaykuna, qamkunaqa chaylla uyariqyá kaychik, allinta tanteaspayá rimaychikpas, amataqyá piñakuqllañaqa kaychikchu.

2~Pedro 2:12

Chayna runakunaqa animalkuna hina mana yuyayniyuqmi hinaspa kikillankupaq munasqallanpi kawsaqkunam kanku, nacemurqakupas hapispa wañuchisqa kanankupaqmi, rimankupas mana yachas-qankutam, ichaqa animalkuna hinam wañunqaku,

2~Pedro 2:18

Riman-kupas yanqa mana pasaqkunatam, aychapa munasqan mana allin ruway-kunamanmi huchanmanta chayllaraq ayqekuqkunatapas aysanku.

Judas 1:10

Chay runakunam ichaqa mana reqsisqankunatapas ñakaykarinku. Mana entiendekuq animalkuna hinam munasqankuta ruwanku kikinkupa mana allinninkupaq.

Judas 1:16

Paykunaqa runamasinpa qepan-pim rimanku, quejakuspallam purinku, kikillankupa munasqankuman hinam purinku, hatun tukuspankuraqmi rimankupas, hinaspam runakunata alabanku imatapas paykunamanta chaskirunankurayku.

Apocalipsis 3:17

Qanmi ninki: “Apum kani, apuyarunim, manam imatapas munaniñachu” nispayki, ichaqa manam musyakunkichu llakipayaypaq mana imayuq kasqaykita, wakcha, ñawsa hinaspa qalalla kasqaykitapas.