1~Timoteo 6:2 - CHUYA QELLQA La Biblia en Quechua de Ayacucho 2012

² Sichum esclavokunapa patronnin iñiqmasin kaptinqa amayá iñiqmasin kasqanraykuqa mana kaqpaqqa hapichunchu. Aswanqa chay patronnin iñiqmasin hinaspa kuyay wawqen kasqanraykuyá allinta servichun. Kaykunatayá yachachiy hinaspa kamachiy.

Quechua Ayacucho Bible 1987

² Sichu sirvientekunapa patronnin iñiqmasin kaptinqa amayá iñiqmasin kasqanraykuchu menospaq hapichun. Aswanqa allintaraqyá servichunku chay patronqa iñiqmasin kasqanrayku hinaspa kuyay wawqen kasqanrayku. Kaykunata yachachispaykiyá kamachiy.

Chuya Qellqa 1992

² Sichum esclavokunapa patronnin iñiqmasin kaptinqa amayá iñiqmasin kasqanraykuqa mana kaqpaqqa hapichunchu. Aswanqa chay patronnin iñiqmasin hinaspa kuyay wawqen kasqanraykuyá allinta servichun. Kaykunatayá yachachiy hinaspa kamachiy.

1~Timoteo 6:2 Iomraidhean Croise

Joel 2:28

Chaykunapa qepantam llapa runakunaman Espirituyta chaqchurimusaq; churikichikkunam qaripas warmipas profetizanqaku, yuyaqkunam mosqonqaku, jovenkunawan sipaskunapas visionkunatam rikunqaku.

Números 16:3

Paykunam huñunakuruspanku Moisespa hinaspa Aaronpa contranpi kaynata nirqaku: ¡Qamkunapa munaychakuynikichikqa kaykamallayá kachun! Diosqa kay runakunataqa llapallantam sapaqcharqa, Tayta Diospas llapanchikwanmi kachkan. ¿Chaynaqa, imanasqataq qamkunalla Tayta Diospa llaqtanpi munaychakuchkankichik? nispanku.

Mateo 23:8

Qamkunaqa amayá “yachachikuq” nispaqa sutichachikuychikchu. Qamkunaqa wawqentin hinallam kankichik, hukllataqmi Yachachiqnikichikpas.

Mateo 25:40

Hinaptinmi Reyñataq ninqa: “Cheqaptapunim nikichik, pipas kay waw-qeykunamanta taksan kaqllapaqpas ruwaspaykichikqa ñoqapaqmi ruwarqankichik”, nispan.

Mateo 6:24

Manam pipas iskay patrontaqa servinmanchu, hukninta cheqnispanchá huknintañataq kuyanman, otaqmi hukninman hapipakuruspan huknintañataq wischupakunman. Manam Diostawan qori-qollqetaqa serviwaqchikchu.

Hechos 1:15

Huk punchaw yaqa pachak iskay chunka iñiqkuna huñunasqa kachkaptinkum sayariykuspa Pedro nirqa:

Romanos 11:17

Imaynam allin aceitunas sachapa kallmanta kuchuruspa huk purun aceitunas sachapa kallmantaña injertachkaq hinam, judiokunapa Diosmanta karunchakurusqankurayku qamkunaña injertasqa karunkichik. Chaymi allin aceitunas sachapa sapinwan alimentasqa kachkankichik.

Romanos 8:29

Diosqa ñawpaqmantaraq reqsisqankunatam Churinman rikchakuqña kanankupaq akllaykurqa, chaynapi Churin Cristoqa llapallanchikpa piwi wawqenchik kananpaq.

Gálatas 5:6

Jesucristowan huklla kaptinchikqa manam imananchu qari kayninchikpi señalasqa otaq mana señalasqa kayninchikpas. Iñiyllam valenqa, chay iñiyqa kuyakuywan ruwaypim qawachikun.

Efesios 1:1

Diospa munasqanman hina Cristo Jesuspa apostolnin ñoqa Pablom, Éfeso llaqtapi Jesucristoman iñispa payllapaqña sapaqchakuspa kawsaqkunaman qellqamuykichik.

Efesios 1:15

Chayraykum qamkunamanta uyarirqani Señorninchik Jesucristopi iñiyniyuq kasqaykichikta hinaspa llapallan iñiqmasinchikkuna kuyasqaykichikta.

Efesios 3:6

Pakasqa kaqkunaqa kaymi: Jesucristomanta allin noticiawanmi mana judío kaqkuna judiokunapa herencia chaskiqmasinña rikurirunku, paykunawan hukllaña kasqankuraykum Cristo Jesuspi Diospa promesan chaskiqmasinña karunku.

Colosenses 1:2

Colosas llaqtapi Jesucristopi iñiq wawqe-panikunaman qellqamuykiku. Dios Taytanchikpawan Señorninchik Jesucristopa kuyakuyninwan hawkayayninyá qamkunapi kachun.

Colosenses 1:4

Jesucristopi iñiyniyuq kasqaykichikmantawan iñiqkuna kuyasqaykichikmantam uyarirqaniku,

Colosenses 4:1

Patronkuna, qamkunapas esclavoykichikmanyá imam kaqta qopuychik, yachasqaykichikpi hinapas qamkunapapas hanaq pachapim kamachiqnikichik kachkan.

2~Tesalonicenses 1:3

Wawqe-panillaykuna, qamkunamantam Diosman tukuy tiempo graciasta qonayku, chayqa allinmi, chaynataqa ruwanayku qamkunapa iñiynikichik wiñasqanraykum chaynataq sapakamapa kuyanakuynikichik mirasqanraykum.

1~Timoteo 4:11

Kaykunata kamachispa yachachiy.

1~Timoteo 5:1

Amayá mayor señorkunataqa qaqchaychu, aswanqa taytaykita hinayá rimapayay, jovenkunatañataq wawqekikunata hina.

Tito 2:1

Qamqa cheqap yachachikuyman hinayá yachachiy.

Tito 2:15

Tukuy kaykunatam yachachinayki, kallpanchaspa, mana kasukuqkunata atiywan anyaspa. Amayá piwanpas pen-qaypiqa kaychu.

Tito 3:8

Kay palabraqa cheqapmi, chayraykum aswanraq yachachinaykita munani, chaynapi Diosman iñiqkuna imapas allin ruwaykunapi kanankupaq. Kayqa mayna sumaqmi hinaspa runakunapa allinninpaqmi.

Hebreos 3:1

Wawqe-panillaykuna, qamkunaqa kachkankichik Diospaq sapaq-chasqam chaynataq hanaq pachapi huñunasqa kanaykichikpaq qayasqam, chaynaqa Diospa kachamusqan sacerdotekunapa kamachiqnin chaskisqanchik Jesucristopiyá yuyaymanaychik.

Hebreos 3:14

Ñoqanchikqa Cristowan hukllawasqañam kachkan-kichik, ichaqa imaynam qallariyninmanta hapipakuspa takyasqanchikpi hinayá tukupaykama allinta takyasun.

1~Pedro 5:1

Kunanñataqmi qamkuna ukupi kaq ancianokunata rimapayamuni, ñoqapas paykuna hina ancianom kani, rikurqanitaqmi Jesucristopa ñakarisqankunatapas, ñoqapas pay-kunawan kuskam suma-sumaq riku-rimuq achkiyman yaykusaq.

2~Pedro 2:10

Diosqa aswanraqmi castiganqa aychanpa munasqanpi hinaspa qanra vidapi puriqkunataqa, paykunaqa hatun tukusparaqmi atiyniyuqkunatapas desprecianku, nitaqmi manchakunkuchu hanaq pachapi atiyniyuqkunatapas.

Judas 1:8

Chaynataqmi chay mana allin runakunapas musqoyllankuman hapipakuspanku cuerponkutapas huchawanraq qanrachanku, Señorpa atiynintapas kutipakunkum, hanaq pachapi atiyniyuqkunatapas insultankum.