1~Timoteo 5:5 - CHUYA QELLQA La Biblia en Quechua de Ayacucho 2012

⁵ Sapallan qeparuq cheqap mana piniyuq viudaqa Diosmanmi hapipakun, payqa tuta punchawmi mana qonqaspa Diosta mañakun.

Quechua Ayacucho Bible 1987

⁵ Cheqap necesitaq mana piyniyoq viudaqa Diosmanmi confiakun hinaspam tuta-punchaw mañakun.

Chuya Qellqa 1992

⁵ Sapallan qeparuq cheqap mana piniyuq viudaqa Diosmanmi hapipakun, payqa tuta punchawmi mana qonqaspa Diosta mañakun.

1~Timoteo 5:5 Iomraidhean Croise

Isaías 12:2

Diosnilláy, qanmi kanki salvaqniyqa, qamllapim hapipakusaq, ñoqallayqa manañam manchakusaqchu, amparoypas takiypas qamllam kanki, qamllam salvaqniyqa kanki, nispa.

Isaías 3:26

Llaqtapi runakunam waqaspa lutokunqaku, saqesqa warmi hinam allpapi tiyanqaku.

Isaías 49:21

Chaymi sonqoykipi kaynata ninki: “¿Pitaq ñoqapaq kaykunata wachakurqa? Ñoqaqa mana wawayuq qolluqmi karqani, qarqosqa hinaspa preso apasqam karqani. ¿Pitaq kaykunata qespichirqa? Ñoqaqa sapallayñam qeparurqani, ¿maypitaq paykunaqa karqaku?”, nispa.

Isaías 50:10

Tayta Diosllata kasukuqkuna, serviqninpa willakusqanta uyariqkuna, tutayaypi purispa achkita mana tariy atiqkuna, Tayta Diosllaman hapipakuychik, Diosllaykichikman hapipakuychik.

Isaías 54:1

Tayta Diosmi kaynata nin: ¡Mana wachakuq qolluq warmi, llumpayta kusikuy! ¡Mana wachakuq warmi, qaparispa takiy! Qosanpa saqesqan warmiqa, qosayuq warmimantapas achka wawasapam kanqa.

Lamentaciones 1:13

Tayta Diosmi ninata kachaykamuspa tulluykunata kañarurqa, purisqaypi toqllata churaruspanmi qepamanraq kutirichiwarqa, sapallayta saqeruwaptinmi sapa punchaw ñakarirqani.

Lucas 18:1

Mana pisipaspa Diosta tukuy tiempo mañakunamanta yacha-chispanmi kay rikchanachiyta Jesús nirqa:

Lucas 18:7

Chaynaqa, ¿manachum Tayta Diospas tuta punchaw qayakuqnin churinkunata nanachikunman? ¿Yaqachu suyachikunman?

Lucas 2:37

Viudayaruspam pusaq chunka tawayuq watanpiña karqa. Payqa manam templomanta lloqsiqchu, aswanqa tuta punchawmi ayunowan hinaspa oracionwan Señorta servirqa.

Hechos 26:7

Chay promesapa cumplikunantam Israelpa mirayninmanta kaq chunka iskayniyuq ayllukunapas, tukuy sonqonkuwan Diosta tuta punchaw yupaychaspanku suyachkanku. Reynilláy Agripa, chay promesa suyasqayraykum judiokuna acusawachkanku.

Hechos 6:1

Chay punchawkunapim Cristoman iñikuqkuna aswan-aswan mirarqaku. Chaymi griego rimaq iñiqkuna hebreo rimaq iñiqkunamanta quejakurqaku: Sapa punchaw mikuyta aypuspankum ñoqaykumanta kaq viudakunata mana allintachu atiendenku, nispanku.

Hechos 9:39

Chaynata Pedroman willaykuptinkum paykunawan pasarqa. Chayaruptinmi Pedrota wañuqpa kasqan cuartoman pusaykurqaku, chaymi llapa viudakuna Pedroman asuykuspanku waqastin Dorcaspa ruwasqan pachakunata qawa-chirqaku.

Hechos 9:41

Pedroñataqmi makinmanta hapiykuspan sayarichirqa, hinaspam iñiqkunatawan viudakunata qayaykuspan kawsachkaqtaña paykunaman qawaykachirqa.

Romanos 1:12

hinaspa hukninchikmanta hukninchikkama iñiyninchikpi kallpanchanakunanchikpaq.

Romanos 1:5

Diospa kuyakuyninman hinam apóstol kanaypaq Jesucristontakama akllasqa karqani, chaynapi llapallan nacionkuna Jesucristopi iñispanku payllataña kasukunankupaq.

1~Corintios 7:32

Manam munaymanchu llakisqa kanaykichikta. Soltero qariqa Señorpa kaqninkunallapim ocupakun, paypa munasqanta ruwananpaq.

1~Corintios 7:34

Casada warmiqa manam soltera warmi hinachu, soltera warmiqa Señorpa kaqninkunapim ocupakun cuerponpiwan espiritunpi Diospaq sapaqchasqa kananpaq. Casada warmiñataqmi ocupakun kay pachapi kaqkunamanta chaynapi qosanta agradananpaq.

Efesios 6:18

Chuya Espiritupa yanapakuyninwanyá Diosta mañakuychik tukuy tiempo hinaspa rikchan-rikchanlla kaychik, ama hukmanyaspa llapallan iñiqkunapaqpas Diosta mañapuychik,

Filipenses 4:6

Amayá imamantapas afanakuychikchu, aswanqa Diosta mañakuspayá payman lliwta willakuychik hinaspa graciasta qokuychik.

1~Timoteo 2:1

Imamantapas puntataqa kaytam nimuykichik, llapallan runakunapaqmi Diosta mañakunaykichik, orakunaykichik, ruegakunaykichik hinaspa agradecekunaykichik.

1~Timoteo 5:16

Sichum Jesucristoman iñikuq warmipa otaq qaripa ayllunmanta viudayaruqkuna kaptinqa, paymi chay viudakunataqa yanapanan, chaynapi iglesiata ama gastoman churananpaq, chayna kaptinqa cheqap mana piniyuq viudakunallatam iñiqkunaqa yanapanqaku.

1~Timoteo 5:3

Mana piniyuq viudakunatapas yanapaykuyá.

2~Timoteo 1:3

Tuta punchawmi qanmanta yuyarispay mañakuyniypi Diosman graciasta qoni, paytam chuya sonqolla servichkani ñawpaq taytaykuna hina.

1~Pedro 3:5

Ñawpaq tiempopi chuya warmikunapas chaynatam allichapakuqku, paykunaqa Diospi hapipakuspam qosankutapas kasukuqku.

Rutwan Sutichasqa Libro 2:12

Diosyá tukuy chaykuna ruwasqaykimanta kutichipusunki, Israelpa yupaychasqan Diosyá bendecisunki payman hapipakamusqaykirayku, nispa.