1~Timoteo 5:11 - CHUYA QELLQA La Biblia en Quechua de Ayacucho 2012

¹¹ Kallpanpiraq kaq viudakunataqa amaraq listamanqa churaychu. Pay-kunaqa Jesucristoman promete-kusqankuta qonqaruspankum huktawan casarakuyta munanmanku,

Quechua Ayacucho Bible 1987

¹¹ Kallpanpiraq kaq viudakunataqa amaraq listamanqa churaychu. Paykunaqa Jesucristoman prometekusqankuta qonqaruspankum huktawan casarakuyta munanmanku.

Chuya Qellqa 1992

¹¹ Kallpanpiraq kaq viudakunataqa amaraq listamanqa churaychu. Paykunaqa Jesucristoman prometekusqankuta qonqaruspankum huktawan casarakuyta munanmanku,

1~Timoteo 5:11 Iomraidhean Croise

Isaías 3:16

Tayta Diosmi kaynata nin: Sión llaqtapi hatun tukuq warmikuna, umankuta altoman hoqarisparaq puriqkuna, ñawinkuwan engañananpaq qawaqkuna, ñutuchallamanta puriq qewillirakuna, chakinkupi adornokunata sallsallyachistin puriqkuna,

Oseas 13:6

Mikuyta qoykuptiymi paykuna saksarurqaku, saksaykuspankuñataqmi hatunchakururqaku, hinaspam qonqaruwarqaku.

Deuteronomio 32:15

Ichaqa Jesurunmi wirayaruspan haytakuqllaña rikurirurqa, wiranpas wiswirinankamam anchallataña poqorurqa; hinaspam unanchaqnin Tayta Diosta saqerurqa, waqaychaqnin qaqatam wischupakururqa.

1~Timoteo 4:3

Chayna runakunam harkakunqaku: Ama casarakuychikchu, kay-wak mikuytaqa ama mikuychikchu, nispanku. Diosmi lliw mikuykunataqa unancharqa payman agradecekuspa mikunanchikpaq, chaymi iñiqkunaqa cheqap kaqta yachasqanchikrayku imatapas mikuchwanchik.

1~Timoteo 5:12

hinaspam prometekusqankuta mana cumplispanku huchallikunmanku.

1~Timoteo 5:14

Chaymi ñoqaqa munayman kallpanpiraq kaq viudakunaqa huktawan casarakuspanku wawayuq kanankuta, wasinkupi ocupakunankuta, chaynapi enemigowan ama kamichikunankupaq.

1~Timoteo 5:9

Listaman churaspaqa soqta chunka masnin watayuq viudakunallatayá churay, paykunaqa kanan qosan wañukuptin mana yapakuqkunallam.

Santiago 5:5

Kay pachapi kawsaspaykichikmi aychaykichik kusichiypi, sonqoykichikpa munasqanpi purirqankichik, nakanapaq wirayachisqa ganado hinaraqmi poqorunkichik.

2~Pedro 2:18

Riman-kupas yanqa mana pasaqkunatam, aychapa munasqan mana allin ruway-kunamanmi huchanmanta chayllaraq ayqekuqkunatapas aysanku.

Apocalipsis 18:3

Llapallan nacionkunam vino upyachkaq hina huchapakuyninwan sinkarqaku. Kay pachapi reykunam paywan waqllikurqaku, kay pachapi negociantekunapas Babiloniapa millakuypaq kaqkunata ruwaspa qollqechasqankuwanmi apuyarurqaku, nispa.

Apocalipsis 18:7

Imaynam payqa hatunchakuspan kusikuyllapi karqa, chayman hina waqaytawan sasachakuyta qoychik, payqa sonqonpim nichkan: “Ñoqaqa reina hinañam tiyachkani, ñoqaqa manam viudachu kani, ñoqaqa manañam waqasaqñachu”, nispa.

Apocalipsis 18:9

Kay pachapi paywan huchapakuspa kusikuq reykunapas hatu-hatunta llakikuspam paymanta waqanqaku, kañasqankupa qosniyninta qawaykuspankum waqanqaku.