1~Timoteo 4:7 - CHUYA QELLQA La Biblia en Quechua de Ayacucho 2012

⁷ Amayá mana pasaq cuentokunataqa uyariychikchu, aswanqa Diospa munasqanpaq kaqkunataña ruway.

Quechua Ayacucho Bible 1987

⁷ Amayá uyariychu mana valeq cuentokunataqa, aswanqa ejerciciota rurachkaq hinayá Diosman agradaqta ruray.

Chuya Qellqa 1992

⁷ Amayá mana pasaq cuentokunataqa uyariychikchu, aswanqa Diospa munasqanpaq kaqkunataña ruway.

1~Timoteo 4:7 Iomraidhean Croise

Hechos 24:16

Chayraykum Diospa qayllanpipas hinaspa runakunapa qayllanpipas concienciaypa mana acusasqan kawsakuyta munani.

1~Timoteo 1:4

Amataqyá kasuchunkuchu cuentokunatapas nitaq ñawpaq taytakunapa sutinmanta manaña tukuy atina listatapas, chaykunaqa atipanakuykunallatam hatarichin, Diospa ruwayninkunapiqa manataqmi imapipas yanapakunchu, chay munayninkunataqa iñiyllawanmi reqsinchik.

1~Timoteo 1:9

Yachasqanchikpi hinapas leyqa qosqa karqa manam allin ruwaq runakunapaqchu, aswanqa leyta qepanchaqkunapaqmi, mana kasukuqkunapaqmi, millay ruwaqkunapaqmi, huchasapakunapaqmi, Diosta mana manchakuqkunapaqmi, tayta-maman wañuchiqkunapaqmi, runa wañuchiqkunapaqmi,

1~Timoteo 2:10

Aswanqa allin kaqkunata ruwaspayá Diosta hatunchaq warmikuna hina qawachikuchunku.

1~Timoteo 3:16

Mayna hatunmi Diosman iñinanchikpaq pakasqa kaqkuna qawachiwasqanchikqa: “Diosmi runayarurqa, Espíritu yanapaptinmi acusaqninkunata vencerqa, payqa angelkunapa qawasqanmi karqa, llapallan nacionkunapim willakusqa karqa, kay pachapi kaqkunapa iñisqanmi karqa, hanaq pachapipas chaskisqam karqa”.

1~Timoteo 4:8

Cuerponchikwan ejercicio ruwayqa asllatam yanapawanchik, Diospa munasqan kaqkuna ruwaymi ichaqa lliwpi allinpaq yanapawanchik, kayqa kunan kawsaypipas hinaspa hamuq kawsaypipas allinninchikpaqmi.

1~Timoteo 6:11

Qanmi ichaqa Diospa runan kanki, chaynaqa chay llapa mana allin ruwaykunamanta ayqekuy hinaspa imatapas allinta ruway, Diosllapaqña kawsaspa, iñiypi, kuyakuypi, pacienciakuspa hinaspa llampu sonqolla kaspa.

1~Timoteo 6:20

Timoteo, imam yachasqaykikunatayá sonqoykipi takyachiy, amayá mana pasaq rimaykunataqa chaskiychu nitaq iñisqanchikpa contranpi: “Ñoqaykuqa yachaywanmi rimaniku”, nispa rimaqkunatapas.

1~Timoteo 6:3

Sichum pipas yachachinqa hukniraq yachachikuyta, manataq Señorninchik Jesucristopa yachachikuyninman hinachu nitaq cheqap yachachikuyman hinachu

1~Timoteo 6:5

millay pensamientoyuq runakunapa atipanakuyninkuna, cheqap kaq mana yachaykuna, Diosta servispayqa apuyarusaqmi niykuna. [Chaykunamanta karunchakuy]

2~Timoteo 2:16

Mana respetowan yanqapas-yanqa rimaqkunataqa ama uyariychu, chayna rimaqkunaqa aswan-aswanmi Diosmanta karunchakunku.

2~Timoteo 2:23

Runakunapa yanqa atipanakusqanmanqa ama chapukuychu, yachasqaykipi hinapas chaykunaqa peleollatam hatarichin.

2~Timoteo 3:12

Cheqaptaqa Cristo Jesuspa munasqanman hina kawsayta munaqqa qatikachasqam kanqa.

2~Timoteo 3:5

yanqallam Diosta serviq tukunqaku, paykunaqa ruwayninkuwanmi cheqap kaqpa atiyninta wischupakunqaku. Chayna runakunawanqa ama hukllawakuychu.

2~Timoteo 4:4

Cheqap kaq yachachikuykunamanta karunchakuruspankum tukuy rikchaq cuentokunataña allinpaq hapinqaku.

Tito 1:14

hinaspa judiokunapa cuentolla rimasqankuta amaña uyarinankupaq, cheqap kaqmanta karunchakuqkunapa kamachikuyninkunatapas ama kasukunankupaq.

Tito 2:12

Diospa kuyakuyninmi yachachiwanchik, mana allinkunata saqespa hinaspa aychapa munayninta saqespa, chaynapi allin yuyaymanaywan, allin ruwaywan hinaspa Diospa munasqanman hinaña kay pachapi kawsananchikpaq.

Tito 3:9

Ichaqa yanqa atipanakuykunamanta karunchakuy, ñawpaq taytakunapa sutin yachaymanta hinaspa Moisespa leyninmanta atipanakuspa piñanakuykunamanta, chaykunaqa mana imapaq valeqmi nitaqmi ima allintapas apamuwanchikchu.

Hebreos 5:14

Mikuyqa yuyayniyuqkunapaqmi, paykunaqa entiendeqña kaspankum allin kaqtapas hinaspa mana allin kaqtapas reqsinku.