1~Timoteo 4:16 - CHUYA QELLQA La Biblia en Quechua de Ayacucho 2012

¹⁶ Kikikitayá cuidakuy hinaspa imam yachachisqaykimantapas. Chaypitaqyá takyay, chaynata ruwaspam kikikipas salvakunki chaynataq uyarisuqnikikunatapas salvanki.

Quechua Ayacucho Bible 1987

¹⁶ Chaynaqa cuidakuspayá allinta yachachiy. Chaynata ruraspaykiqa mana allinkunamantam salvakunki, salvankitaqmi uyarisuqnikikunatapas.

Chuya Qellqa 1992

¹⁶ Kikikitayá cuidakuy hinaspa imam yachachisqaykimantapas. Chaypitaqyá takyay, chaynata ruwaspam kikikipas salvakunki chaynataq uyarisuqnikikunatapas salvanki.

1~Timoteo 4:16 Iomraidhean Croise

1~Crónicas 28:10

Amam qonqankichu, kunanmi Tayta Dios akllaykusunki santuarionpaq templota ruwanaykipaq. ¡Chaynaqa, kallpanchakuspaykiyá ruway! nispa.

2~Crónicas 19:6

hinaspam chay juezkunata nirqa: Sumaqta yuyaymanaspa imatapas ruwaychik, qamkunaqa manam imatapas arreglankichik runakunapa sutinpichu aswanqa Tayta Diospa sutinpim, juzgaptikichikqa paymi qamkunawan kachkan.

Éxodo 23:13

Chaynaqa, tukuy nisqaykunatayá kasukuychik. Amam mañakunkichikchu nitaqmi rimankichikpaschu sapaq dioskunapa sutintaqa.

Isaías 55:11

chaynam simiymanta lloqsiq palabraykunapas, manam yanqapaqchu willakusqa kanqa, aswanqa munasqaytam ruwanqa, munasqayman hinam kamachisqayta ruwanqa.

Jeremías 23:22

Ñoqapa qayllaypi kaspankuqa llaqtaymancha palabraykunata willanmanku karqa; mana allin kawsayninkumantawan mana allin ruwayninkumanta wanakunankupaqchá willanmanku karqa.

Marcos 13:9

Qamkunaqa kikikichikyá cuidakuychik, juezkunaman entregasqam kankichik, sinagogakunapim maqasqa kankichik. Ñoqaraykum kamachikuqkunapa chaynataq reykunapa qayllanman apasqa kankichik, chaynapim paykunamanpas ñoqamanta willakunkichik.

Lucas 21:34

Allintayá cuidakuychik, amayá vicio-kunawan, machakuykunawan hinaspa kay pachapi imamantapas afanakuykunawan sonqoykichikta rumiyarachiychikchu, yanqañataq chay punchawqa qonqayta chayaramusunkichikman.

Hechos 26:22

Ichaqa Dios yanapawaptinmi kunankamapas hatunmanpas taksamanpas hina kaqllata willakuchkani. Manam ñoqaqa huktachu rimachkani aswanqa profetakunapa chaynataq Moisespa nisqallantam. Paykunam ñawpaqmantaraq nirqaku:

Hechos 6:4

Ñoqaykuñataqmi Dios mañakuytawan palabran yachachiyta ñawpaqman apasaqku, nispanku.

Romanos 11:14

chayta qawaykuspanku wakin castaykunapas qamkunamanta envidiakuspanku salvakunankupaq.

Romanos 16:17

Wawqe-panillaykuna, ruegakamuy-kichikmi yachachikuykuna chaskisqaykichikpa contranpi kaqkunamantayá cuidakuychik. Paykunaqa iñiqkunata rakinachispankum pantachikuyllata ruwachkanku, paykunamantaqa karunchakuychik.

Romanos 2:7

Haykam allin ruwaypi takyaspa alabasqa kayta, hatunchasqa kayta hinaspa mana haykapipas wañuyta maskaqkunamanmi wiñay kawsayta qonqa.

1~Corintios 1:21

Kay pachapi runakunaqa kikinkupa yachayninwanmi Diosta mana reqsirqakuchu, hinaptinmi Diosqa hatun yachayniyuq kaspa iñiqkunata salvayta munarqa Cristomanta allin noticiata willachispan, chaynatam kay pachapi runakunapaq ruwarqa, kay allin noticia mana valeqpaq rikchakuchkaptinpas.

1~Corintios 9:22

Pisi iñiyniyuqpaqmi pisi iñiyniyuq churakurqani, lliwpaqmi tukuy imaymana kayman churakurqani paykunata gananayrayku, chaynapi hukkaqllantapas salvanaypaq.

1~Corintios 9:27

Aswanqa cuerpoytam yachakachini, hinaspam kasuwananpaq churani, yanqañataq hukkunamanpas willakuq kachkaspay kikiyñataq wischusqa karuyman.

Efesios 4:14

manam kasunqa warmakuna hinañachu, warmakunaqa hukta-hukta creeruspankum wayrawan apachikuchkaq hina runakunapa yachachisqanwan apachikunku, paykunataqa sakri runakunam sumaqllataña rimaspa pantachin.

Colosenses 4:17

Wawqenchik Arquipotapas niychiktaqyá Señorninchik Jesucristopa kamachisqanta paypa sutinpi ruwayman churananpaq.

1~Tesalonicenses 2:16

paykunaqa mana judío kaqkuna salvakunankupaq allin noticia willanaykutam harkakuwanku. Chaynata ruwaspankum aswan mastaraq huchankuta llimparichichkanku, ichaqa ñam paykunapaq wiñay castigo chayaramunña.

1~Timoteo 1:3

Macedonia lawman rispay ruegakusqayman hinayá Éfeso llaqtapi qepaykuy wakinkunata kamachinaykipaq, chaynapi amaña sapaq yachachikuykunata yachachinankupaq.

1~Timoteo 4:15

Chaykunataqa yuyaywanyá ruway hinaspa allinta takyay, chaynapi imaynam aswan-aswan ñawpaqman risqaykita qawanankupaq.

1~Timoteo 4:6

Sichum kaykunata wawqe-panin-chikkunaman yachachispaykiqa, Jesu-cristopa allin serviqnin hinaspa iñisqanchik palabrakunapi allin yachayniyuqmi kanki, chay yachasqaykitam allinta qatichkanki.

2~Timoteo 2:10

Chaymi akllasqankunata kuyasqayrayku tukuyta ñakarispay aguantachkani, chaynapi paykunapas Cristo Jesusnintakama salvakuspanku wiñay kawsayta haypanankupaq.

2~Timoteo 3:14

Qamyá ichaqa qaqa hina sayaspa yachasqaykikunata umaykipi waqay-chay, qamqa yachankim pikunam yachachisusqaykitapas.

2~Timoteo 4:2

Diospa pala-brantayá tiemponpipas mana tiemponpipas willakuy, runakunatapas faltanta qawachiy, qaqchay, kallpanchay hinas-pa tukuy pacienciawan yachaykachiy.

Tito 1:9

Payqa cheqap yachachikuykuna chaskisqaman hapipakuqmi kanan, chaynapi wakinkunatapas cheqap kaqkunata yachachispa kallpanchananpaq hinaspa chay yachachikuypa contranpi rimaqkunatapas upalla-chinanpaq.

Tito 2:15

Tukuy kaykunatam yachachinayki, kallpanchaspa, mana kasukuqkunata atiywan anyaspa. Amayá piwanpas pen-qaypiqa kaychu.

Tito 2:7

Tukuy ima ruwasqaykipipas qamraqyá ejemploqa kay. Yachachispaykiqa cheqapman hina respetowan yachachiy,

Filemón 1:19

Ñoqa Pablom makiywanpuni qellqamuchkayki: “Ñoqam pagapusqayki”, nispa. Allilla rimaypiqa tukuy imayuq kasqaykimantawan pim kasqaykimantaqa qampas debewankim.

Hebreos 12:15

Cuidakuychikyá, yanqañataq Diospa kuyapayakuyninta mana haypawaqchikchu, chaynapi qatqe sachapa sapin hina wiñaspa achkaqta chaqwaspan lliwta qatqeyarachisunkichikman.

Hebreos 13:9

Tukuy rikchaqmana uyarisqaykichik rikurimuq yachachikuykunawanqa amayá apachikuychikchu. Diospa kuyakuyllanwan sonqoykichik takyachiymi allinqa kanman. Mikuykunallaqa manam haykapipas kallpancharqachu haykam leyman hina hapipakuqkunataqa.

Santiago 5:20

yachaychikyá: Chay huchallikuq runata pantay ñanmanta kutirachimuqqa huk almatam wañuymanta salvarun, hinaspam nana-nanaq huchankunatapas pampachaykachin.