1~Timoteo 3:16 - CHUYA QELLQA La Biblia en Quechua de Ayacucho 2012

¹⁶ Mayna hatunmi Diosman iñinanchikpaq pakasqa kaqkuna qawachiwasqanchikqa: “Diosmi runayarurqa, Espíritu yanapaptinmi acusaqninkunata vencerqa, payqa angelkunapa qawasqanmi karqa, llapallan nacionkunapim willakusqa karqa, kay pachapi kaqkunapa iñisqanmi karqa, hanaq pachapipas chaskisqam karqa”.

Quechua Ayacucho Bible 1987

¹⁶ Mayna hatunmi Diosman iñinanchikpaq revelawasqanchikqa: Diosmi runayarurqa. Espiritu yanapaptinmi acusaqninkunata vencerqa. Payqa angelkunapa qawasqanmi karqa. Llapallan nacionkunapim willakusqa karqa. Kay pachapi kaqkunapa iñisqanmi karqa. Hanaq pachapipas chaskisqam karqa.

Chuya Qellqa 1992

¹⁶ Mayna hatunmi Diosman iñinanchikpaq pakasqa kaqkuna qawachiwasqanchikqa: “Diosmi runayarurqa, Espíritu yanapaptinmi acusaqninkunata vencerqa, payqa angelkunapa qawasqanmi karqa, llapallan nacionkunapim willakusqa karqa, kay pachapi kaqkunapa iñisqanmi karqa, hanaq pachapipas chaskisqam karqa”.

1~Timoteo 3:16 Iomraidhean Croise

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Miqueas 5:2

Belén Efrata, Judá ayllukunamanta taksallan llaqta, qanmantam Israelpi munaychakuq hatarinqa, payqa paqarimurqa ñawpaqmantaraqmi, tukuy imapa qallariyninmantapacham.

Mateo 1:23

Manaraq qari reqsiq sipasmi wiksayakuspan qari wawata wachakunqa, paytam “Emanuel” nispa sutichanqaku, chayqa “Diosmi ñoqanchikwan” ninanmi.

Mateo 13:11

Chaymi payñataq nirqa: Diosmi qamkunamanqa munaycha-kuyninpi pakasqa kaqkunata yachachisunkichik, paykunamanmi ichaqa mana reqsichinchu.

Mateo 28:2

Qonqaymantam huk terremoto pasakurqa; Señorpa angelninñataqmi hanaq pachamanta uraykamuspan sepulturaman asuykurqa, hinaspam rumita asurachispan chaypa hawanpi tiyaykurqa.

Mateo 3:16

Jesusmi bautizarachikuspan yakumanta lloqsimurqa, chayllamanmi hanaq pacha kicharikuykuptin Diospa Espiritunta rikururqa paloma hina payman uray-kamuchkaqta.

Mateo 4:11

Chaynapim diabloqa saqerurqa, angelkunañataqmi hamuspanku Jesusta servirqaku.

Marcos 1:13

Chaypim purun animalkunapa kasqanpi tawa chunka punchaw kamurqa, hinaspam Satanaspa tentasqan karqa; angelkunañataqmi Jesusta servirqaku.

Marcos 16:19

Señor Jesusmi discipulonkunawan rimayta tukuruspan hanaq pachaman hoqarisqa karqa, hinaspanmi Diospa alleq lawninpi tiyaykurqa.

Marcos 16:5

Chaymi sepulturaman yaykuruspanku, huk joventa yuraq qoysu pachayuqta alleq lawpi tiyachkaqta rikururqaku, hinaspam mancharikurqaku.

Lucas 2:32

Paymi llapa nacionkunapaq achkiy kanqa, llaqtayki Israelpaqñataqmi hatunchakunan kanqa, nispa.

Lucas 20:44

Davidpuni “Señorniy” nispa Cristota nichkaptinqa, ¿imaynataq churinqa kanman? nispa.

Lucas 22:43

[Hinaptinmi hanaq pachamanta huk ángel rikuriykamurqa kallpanchananpaq.

Lucas 24:4

Chaywan mancharisqallaña kachkaptinkum, qonqayllamanta kancharichkaq pachayuq iskay runakuna waqtankupi rikuriykurqa.

Lucas 24:51

Bendecichkaspan-mi paykunamanta rakikuykuspan hanaq pachaman hoqarisqa karqa.

Juan 1:14

Chay Simim runayaruspan ñoqanchikwan yacharqa. Atiynintapas rikurqanchikmi, chay atiytam sapallan Churin kasqanrayku Taytamanta chaskirqa, payqa kuyakuywan hinaspa cheqap kaywan huntarisqam karqa.

Juan 13:3

Jesusqa yacharqam tukuy imatapas Taytan payman qoykusqanta, yacharqataqmi paymanta hamuspa payman kasqallan kutinantapas.

Juan 15:26

Ichaqa kallpanchasuqnikichik cheqap Espiritutam Taytaypa rantinpim kachamusaq, paymi ñoqamanta willasunkichik.

Juan 16:28

Taytapa kasqanmantam kay pachaman hamurqani, kunanñataqmi kay pachata saqespay Taytayman kutisaq, nispa.

Juan 17:5

Taytáy, kunanyá ñawpaqnikipi hatunchaway, chayna hatunchasqam karqani manaraqpas kay pacha kachkaptin.

Juan 20:12

Chaynapim rikururqa yuraq pachayuq iskay angelkunata. Paykunam tiyachkasqaku Jesuspa cuerpon churasqankupi, hukninmi kachkasqa sawnan lawpi hukninñataqmi haytan lawpi.

Juan 6:62

¿Imaniwaqchiktaq runapa Churinta ñawpaq kasqanman wichariqta rikuspaykichikqa?

Hechos 1:19

Jerusalenpi yachaq runakuna chayta yacharuspañataqmi chay chakrata suticharqaku Aceldamawan, paykunapa rimayninpiqa “yawar chakra” ninanmi.

Hechos 10:34

Pedroñataqmi kaynata nirqa: Kunanmi chayraq yachaykuni, Diospa qayllanpiqa hina chaynakamalla kasqanchikta,

Hechos 14:27

Antioquiaman chayaruspankum llapa iñiqkunata huñururqaku, hinaspam willakurqaku payninkunatakama Diospa tukuy ima ruwamusqanta, chaynataq mana judío kaqkunamanpas iñikunankupaq punkuta Dios kichaykusqanmanta.

Hechos 20:28

Chaynaqa, cuidakuychikyá, cuidaychiktaqyá iñiqkunatapas, paykunata michinaykichikpaqmi Chuya Espíritu qamkunata akllasurqankichik, paykunaqa Señorninchik Jesucristopa yawarninwan rantisqanmi.

Romanos 10:12

Chaynaqa, judiokunawan mana judío kaqkunapas chay hinallam kanku. Señorninchikqa lliwchanchikpaqmi chullalla. Payqa haykam mañakuqkunamanmi chaninninpi qon.

Romanos 10:18

Ichaqa ñoqam tapukuni: ¿Manachu willakuytaqa uyarirqaku? ¡Paykunaqa uyarirqakupunim! Chuya Qellqapim kaynata nin: “Lliw kay pachamanmi willakuyninkuqa chayarqa, palabrankunañataqmi kay pachapa patankama chayarqa”, nispa.

Romanos 16:25

Jesucristomanta allin noticiakunata willaspay yachachisqayman hina Diosninchik qaqata hina takyachisunkichik. Kaykunaqa kachkan ñawpaqmantaraq pakasqa kaqkunata kunan reqsichiwasqanchikman hinam. Chaynaqa, ¡payllatayá yupaychasun!

Romanos 16:26

Kunanqa profetakunapa qellqasqanwanmi llapallan nacionkunaman qawachisqaña kachkan. Chaymi wiña-wiñaypaq kawsaq Dios kamachiptin llapallan nacionkunapipas kay allin noticiataqa yachankuña, iñikuspa kasukunankupaq.

Romanos 3:4

Manam, llapallan runakunaña llulla kachkaptinkupas aswanraqmi Diosqa cheqap kaqwan imatapas ruwan. Chuya Qellqapim kaynata nin: “Cheqap rimaq kasqaykitam reqsichikunki, chaynapim juzgasqa kaspaykipas vencenkipuni”, nispa.

Romanos 8:3

Runa débil kasqanraykum leypa mana ruway atisqanta Dios ruwarun: Diosmi sapallan churinta huchasapa runaman rikchakuqta kachamurqa huchapa rantinpi wañunanpaq, chaynapi huchata paypa aychanpi puchukachinanpaq.

Romanos 9:5

Paykunaqa ñawpa taytanchikkunapa mirayninmi, paykunapa mirayninmantam Cristopas runa kayninpi nacemurqa, Cristoqa Tukuy imapa hawanpi munaychakuq Diosmi. ¡Wiña-wiñaypaq yupaychasqayá kachun! Amén.

1~Corintios 15:47

Punta kaq runaqa kay pachamantam karqa allpamanta ruwasqa, qepa kaq runam ichaqa hanaq pachamanta hamurqa, payqa Señormi.

1~Corintios 2:7

Rimanikuqa Diospa waqaychaspa pakasqan yachay-mantam, chaytaqa manaraqpas kay pacha unanchasqa kachkaptinmi Diosqa tantearqaña, chaynapi ñoqanchik kancharinanchikpaq.

2~Corintios 1:19

Silvanopa, Timoteopa hinaspa ñoqapa qamkunaman willasqay Diospa Churin Cristo Jesusqa manam “Arí” nirqachu nitaq “Manam” nirqachu. Cristopiqa lliwmi “Arí” niylla.

Gálatas 2:8

Kikin Diosmi, Pedrotaqa judiokunapa apostolnin kananpaq kamachirqa, chaynam ñoqatapas mana judío kaqkunapa apostolnin kanaypaq kamachiwarqa.

Gálatas 4:4

Aswanqa chay punchaw chayaramuptinmi Dios Tayta kuyasqan Churinta kachamurqa, paymi warmimanta nacespa lliw judiokuna hina leyta kasukurqa.

Efesios 1:9

Paymi munasqanman hina ñawpaqmantaraq pakasqa kaqkunata Cristontakama imam ruway munasqanta reqsichiwarqanchik.

Efesios 6:19

ñoqapaqpas mañakuychiktaqyá palabranta Tayta Dios qomuwanapaq, chaynapi simiyta kicharispay mana manchakuywan pakasqa allin noticiata willakunaypaq.

Colosenses 1:23

Ichaqa chayna kanaykichikpaqqa qaqa hinayá iñiynikichikpi sayaychik ama iskayrayaspa, salvakunaykichikpaq allin noticia uyarisqaykichikman hapipakuspa. Kay allin noticiaqa willakusqa kachkan kay pachapi llapallan runakunamanmi, chayta willakunaypaqmi ñoqa Pablopas churasqa karqani.

Colosenses 1:27

Chay pakasqa kaqtaqa Diosmi mana judío kaqkunamanpas reqsichiyta munarqa, chay pakasqa kaqqa qamkunapi Cristopa kawsasqanmi, chayraykum wiñaypaq kawsakuyta suyachkankichik.

Colosenses 1:6

Chay palabraqa qamkunamanwan hinaspa lliw kay pachapi runakunamanmi chayamurqa, hinaspam allinta ruruspan tukuy hinastinpi mirachkan, chaynaqa kachkan uyarisqaykichik hinaspa Diospa kuyakuynin chaskisqaykichik punchawmantaraqmi.

Colosenses 2:2

Chaytam ruwani sonqoykichikpi kallpan-chakunaykichikpaq hinaspa kuyakuypi huklla kaspa tukuy yachaypa huntasqan kanaykichikpaq chaynataq Dios Taytapa hinaspa Cristopa tukuy pakasqa kaqkunata reqsinaykichikpaq.

2~Tesalonicenses 1:10

Chay punchawmi Señor kutimunqa chuya llaqtanpa alabasqan chaynataq iñiqkunapa admirasqan kananpaq. Chaypim qamkunapas kankichik allin noticia willasqaykupi iñisqaykichikrayku.

2~Tesalonicenses 2:7

Chay pakasqa kaqraq mana allinpa espiritunqa ñam llamkachkanña, ichaqa chay harkaqninpa suchurinallantañam suyachkan.

1~Timoteo 3:9

Paykunaqa creesqanchik cheqap kaqpim hapipakunanku, hinaspam chuya concienciayuq kawsananku.

Hebreos 1:3

Paymi Diospa rikchaynin kasqanrayku Diospa kanchariyninta qawachiwanchik. Paymi atiyniyuq palabranwan kamachispan tukuy imakunata takyachin. Payqa huchanchikkunata mayllaykuspanmi Diospa alleq lawninpi tiyaykurqa.

Hebreos 12:2

Jesusta qawaspayá kallpasunchik, paymantam iñiyninchikqa hamurqa paytaqmi qespichiwaqninchikpas. Jesusmi penqakuytapas qepaman churaykuspan cruzpi ñakarirqa, chaypa qepanta kusikuy kananta yachaspanmi, Diospa alleq lawninpi tiyaykurqa.

Hebreos 7:7

Chaynaqa, mana ancha rimayllawanmi yachanchik, sullka kaqmi mayorninpa bendecisqan kanqa.

Hebreos 8:1

Tukuy nisqaykunapa yachachikuyninqa kaymi: Sumo sacerdotenchikmi kapuwachkanchik, payqa hanaq pachapim Diospa alleqninpi tiyachkan.

1~Pedro 1:12

Diosmi paykunaman nirqa chay willakusqankuqa mana kikillankupaqchu, aswanqa ñoqanchikpaqwan kasqanmanta. Kunanñataqmi salvacionmanta willakuqkunaqa willa-suchkankichik hanaq pachamanta hamuq Chuya Espiritupa yanapakuy-ninwan. Chaykunataqa angelkunapas yachaykuytam munanku.

1~Pedro 1:20

Chaynata wañunanpaqqa manaraqpas kay pacha unanchasqa kachkaptinmi citasqaña karqa, ichaqa kay tukupay tiempokunapim kuyasusqaykichikrayku rikurimurqa.

1~Pedro 1:21

Señorninchik Jesucristontakamam Diospiqa iñinkichik, paymi wañuqkuna ukumanta Cristota kawsarichimuspan hatuncharqa, chaynataqa ruwarqa iñiynikichik hinaspa imapas suyasqaykichik Diosllapiña kanapaqmi.

1~Pedro 3:18

Chaynataqmi Cristopas huk kutillata huchanchikkunamanta ñakarirqa. Payqa mana huchayuqmi karqa, ichaqa mana allin runakunata Diosman pusa-wananchikpaqmi ñakarirqa. Aychapi wañukuchkaspapas espiritupa yana-pakuyninwanmi kawsarimurqa.

1~Pedro 3:22

Paymi hanaq pachaman wicharispan Diospa alleqninpi kachkan, paytam kasunku angelkunapas, autoridadkunapas chaynataq atiyniyuqkunapas.

1~Juan 1:2

Kay kawsaymi rikuriykuwarqaku, chaytam rikurqaniku hinaspam rikusqaykumanta testigo kaspa qamkunamanpas wiñay kawsakuymanta willamuykiku. Kay wiñay kawsayqa Dios Taytawanmi karqa hinaspam ñoqaykuman rikuriykuwarqaku.

1~Juan 3:5

Yachasqaykichikpi hinapas Jesucristoqa kay pachamanqa hamurqa huchanchikta qechunanpaqmi, payqa mana huchayuqmi karqa.

1~Juan 3:8

Pipas hucha ruwaqqa diablopam, diabloqa qallariyninmantapuni huchallikuqmi. Diospa Churinqa rikurimurqa diablopa ruwasqankunata tuñichinanpaqmi.

Apocalipsis 17:5

Urkunpiñataqmi kayna niq sasa entiendena suti qellqasqa kasqa: “Hatun Babilonia llaqta, chuchumikapa hinaspa kay pachapi millakuypaq kaqkunapa maman” niq.

Apocalipsis 17:7

chay ángel niwarqa: ¿Imanasqataq admirasqallaña kach-kanki? Ñoqam willasqayki chay warmimantawan sillakusqan manchakuypaq animalmantapas sasa entiendena kaqta. Chay animalqa kachkan qanchis umayuqmi hinaspa chunka waqrayuqmi.

Apocalipsis 7:9

Chaymantam rikurqani achkallaña runakunata llapallan nacionkunamanta, ayllukunamanta, castakunamanta hinaspa tukuy rikchaq rimayniyuqkunamanta. Paykunaqa yuraq pachayuqkama palmera kallma hapiyniyuqkamam sayachkasqaku hatun tronopi tiyaqpa ñawpaqninpi hinaspa Corderopa qayllanpi. Paykunaqa kasqaku achkallaña mana pipapas yupay atinanmi.