1~Timoteo 3:1 - CHUYA QELLQA La Biblia en Quechua de Ayacucho 2012

¹ Cheqapmi kayqa: “Iñiqkuna nana-chikuyta pipas munaspanqa, allin llamkaytam munachkan”.

Quechua Ayacucho Bible 1987

¹ Cheqapmi kayqa: “Iñiqkuna nanachikuyta pipas munaspanqa, allin oficiotam munachkan”.

Chuya Qellqa 1992

¹ Cheqapmi kayqa: “Iñiqkuna nanachikuyta pipas munaspanqa, allin llamkaytam munachkan”.

1~Timoteo 3:1 Iomraidhean Croise

Proverbios 11:30

Allin kawsakuypa rurunqa kawsaymi, alma ganaqmi ichaqa allin yachayniyuq.

Lucas 15:10

Chaynaqa, nikichikmi, chaynatam Diospa angelninkunapas kusikun huk huchasapa runa wanakuruptinqa, nispa.

Hechos 1:20

Judasmantam Salmos libropi kaynata nin: “Wasinpas paypaqa chunniruchunyá, amataqyá pipas chaypiqa yachachunchu”, nispa. Chaypiqa nichkantaqmi: “Llamkayninpipas hukñayá llamkachun”, nispa.

Hechos 20:28

Chaynaqa, cuidakuychikyá, cuidaychiktaqyá iñiqkunatapas, paykunata michinaykichikpaqmi Chuya Espíritu qamkunata akllasurqankichik, paykunaqa Señorninchik Jesucristopa yawarninwan rantisqanmi.

Romanos 11:13

Mana judío kaqkunamanmi ichaqa kayta nikichik: Diosqa akllaykuwarqa mana judío kaqkunapa apostolnin kanaypaqmi, chaynapim tukuy sonqoywan ruwachkani,

Efesios 4:12

Paykunatam churarqa iñiqkunata allinta yachachispa Diospa obranpi llamkanankupaq, chaynapi Cristopa cuerpon wiñachisqa kananpaq.

Filipenses 1:1

Jesucristo serviq ñoqa Pablom Timoteopiwan qellqamuykiku Filipos llaqtapi kaq llapallan iñiqkunaman, michiqkunaman hinaspa diaconokunaman, qamkunaqa Jesucristollapaqña sapaqchasqam kachkankichik.

1~Tesalonicenses 5:14

Wawqe-panillaykuna, ruegakamuy-kikum qellakunatapas qaqchanaykichikpaq, hukmanyasqakunatapas kallpanchanaykichikpaq, mana kallpayuqkunatapas yanapanaykichikpaq hinaspa llapallanwanpas pacienciakunaykichikpaq.

1~Timoteo 1:15

Kay palabraqa cheqapmi, lliwmi chaskispa iñinanchik, Jesucristom kay pachaman hamurqa huchasapakuna salvananpaq, paykunamantaqa aswan huchallikuqmi kani.

1~Timoteo 4:9

Kay palabraqa cheqapmi, chaymi lliw runakuna chaskinanku.

2~Timoteo 2:11

Kay palabraqa cheqapmi: Sichum paywan wañukusun, paywantaqmi kawsakusunpas,

Tito 1:7

Iglesiapi nanachikuq ancianoqa Diospa mayordomon kasqanraykum kanan: Mana pipapas anyanan, mana hatun tukuq, mana piñakuq, upyaypi mana purikuq, mana piwanpas peleakuq, mana qollqella kuyaq.

Tito 3:8

Kay palabraqa cheqapmi, chayraykum aswanraq yachachinaykita munani, chaynapi Diosman iñiqkuna imapas allin ruwaykunapi kanankupaq. Kayqa mayna sumaqmi hinaspa runakunapa allinninpaqmi.

Hebreos 12:15

Cuidakuychikyá, yanqañataq Diospa kuyapayakuyninta mana haypawaqchikchu, chaynapi qatqe sachapa sapin hina wiñaspa achkaqta chaqwaspan lliwta qatqeyarachisunkichikman.

1~Pedro 2:25

Qamkunaqa chullaruq ovejakuna hinam karqankichik, kunanmi ichaqa Cristomanña kutirikunkichik, paymi allin michiq hina almaykichikta michichkan.

1~Pedro 4:15

Chay-naqa, hukkaqnikichik ñakarispaqa amayá ñakarichun runa wañuchiq hinachu, suwakuq hinachu, mana allinkuna ruwaq hinachu nitaq chaqwakuna ruwaq hinachu.

1~Pedro 5:2

Nanachi-kunaykichikpaq qosusqaykichik Diospa ovejankunatayá michiychik. Chaytaqa Diospa munasqanman hinayá ruwaychik, amayá hikutasqallachu nitaq qollqeraykullachu, aswanqa tukuy son-qoykichikmanta.