1~Timoteo 2:4 - CHUYA QELLQA La Biblia en Quechua de Ayacucho 2012

⁴ Diosninchikqa munachkanmi llapallan runakuna salva-kunankuta hinaspa cheqap kaq reqsinankuta.

Quechua Ayacucho Bible 1987

⁴ Diosninchikqa munachkanmi llapallan runakuna salvakunankuta hinaspa cheqap yachachikuy reqsinankuta.

Chuya Qellqa 1992

⁴ Diosninchikqa munachkanmi llapallan runakuna salvakunankuta hinaspa cheqap kaq reqsinankuta.

1~Timoteo 2:4 Iomraidhean Croise

Isaías 45:22

Tukuy hinastinpi yachaqkuna ñoqaman hamuwaychik, ñoqam lliw runakuna salvaq Diosqa kani, manam sapaq Diosqa kanchu.

Isaías 49:6

Tayta Diosmi kaynata nin: “Manam serviqllaychu kanaykiqa, manam Jacobpa mirayninkunata hatarichimuqllachu kanaykiqa, manam Israelmanta puchuqkunata kutirichimuqllachu kanaykiqa; Aswanqa lliw nacionkunata kancharinaykipaqmi churasqayki, chaynapi kay allpa pachaman salvacionniyta chayachinaykipaq”, nispa.

Isaías 53:11

Ñakarisqanpa rurunta qawaspam sinchita kusikunqa; Tayta Diospa serviqninmi achkaqta mana huchayuqtaña ruwanqa, paykunapa mana allin ruwasqankutam apanqa.

Isaías 55:1

Llapallan yakunayasqakuna, yaku tomaq hamuychik; mana qollqeyuqkuna, mikunaykichikpaq trigota mana imallapaq apakuychik, vinotawan lecheta mana qollqellapaq apakuychik.

Ezequiel 18:23

Ñoqaqa manapunim munanichu mana allin ruwaq runapa wañunantaqa, aswanqa mana allin ruwasqanmanta wanakuspa kawsakunantam munani.

Ezequiel 18:32

Ñoqaqa manam pitapas wañunantaqa munanichu. Chaynaqa, ñoqaman kutirikamuspa kawsakuychik. Ñoqa Tayta Diosmi chaynata nini.

Ezequiel 33:11

Pay-kunaman ñoqa Tayta Diospa nisqayta kaynata niy: Ñoqa Tayta Diosmi sutiyrayku kaynata nikichik: Mana allin ruwaq runapa wañunantaqa manam munanichu, aswanqa mana allin ruwasqanmanta wanakuspa kawsakunantam munani. Chaynaqa, Israel miraykuna, ¡mana allin kawsasqaykichikmanta wanakuspa kutirikamuwaychik! ¿Imanasqataq huchaykichikpi wañunkichik? nispa.

Habacuc 2:14

Imaynam lamar qochata yaku pampaykuy, chaynam Tayta Diospa atiyninta reqsiq runakunapas kay pachata huntaykunqa.

Mateo 28:19

Chaynaqa, llapallan nacionkunaman riychik, hinaspayá discipulokunata hatarichimuspa, Taytapa, Churipa, Chuya Espiritupa sutinpi bautizamuychik.

Marcos 16:15

Chaymi paykunata Jesús nirqa: Tukuy hinastinman rispaykichik kay evangeliota llapa runakunaman willakamuychik.

Lucas 1:77

Hinaspam llaqtanman willamunki huchankumanta pampachasqa kaspa salvasqa kanankuta.

Lucas 14:23

Chaymi serviqninta patronnin nirqa: “Rispaykiyá ñankunamanta, chakrakunamanta mana munachkaqtapas pusamuy wasiyman huntamunankupaq.

Lucas 24:47

chaynapi Jerusalenmanta qallaykuspa lliw nacionkunapi paypa sutinpi willakuptinku, runakuna huchankumanta wanakuspa pampachasqa ka-nankupaq.

Juan 14:6

Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Juan 17:17

Cheqap kaynikiwanyá chuyanchay, palabraykiqa cheqapmi.

Juan 6:37

Taytapa qowasqankunaqa llapallanmi ñoqaman hamunqa, ñoqaman hamuqtaqa manam qarqonichu.

Romanos 11:14

chayta qawaykuspanku wakin castaykunapas qamkunamanta envidiakuspanku salvakunankupaq.

1~Timoteo 4:10

Chayraykum ñakaristinpas llamkanchik wiñay kawsaq Diosninchikpi hapipakuspa. Payqa llapa runapa salvaqninmi, ichaqa tukuymanta llalliqtaqa haykam iñiqkunatam salvan.

2~Timoteo 2:25

Mana kasukuqkunatapas llampu sonqolla-wanmi corregiykunan, icharaqpas wana-kunanpaq Dios tiempota qoykunman, chaynapi cheqap kaqta reqsinankupaq,

2~Timoteo 3:7

Paykunaqa musoq yachachikuykunata yachayta munaspapas cheqap yacha-chikuytaqa manam entiendenkuchu.

Tito 1:1

Ñoqa Pablom Diospa serviqnin hinaspa Jesucristopa apostolnin kani. Paymi kamachiwarqa Diospa akllasqankunata iñichinaypaq hinaspa kay allin noticiaman hina Diospa cheqap kaqninkunata reqsichinaypaq,

Tito 2:11

Diosmi kuyakuyninta qawachi-warqanchik llapallan runakuna salvasqa kanankupaq.

Hebreos 10:26

Sichum cheqap kaqta chaskiruchkaspa hinallaraq huchallikusun, hinaptinqa manañam hucharayku sacrificioqa kanñachu,

Santiago 3:14

Sichum qamkunapi envidianakuykuna kaptinqa hinaspa kikillaykichikpaq imatapas munaspaqa, amayá hatun tukuychikchu yachayniyuq kasqaykichikmantaqa, chaynata ruwaspaqa cheqap kaqpa contranpim llullakuchkankichik.

2~Pedro 3:9

Manam wakinkunapa nisqanpi hinachu Señorqa imam promesantaqa unachimuchkan, aswanqa mayqanllaykichikpas mana chinkanaykichikta munaspam. Chaynataqa pacienciakun llapallaykichik Señorman kutirikunaykichikta munaspam.

2~Juan 1:1

Ñoqa ancianom, Diospa akllasqan señoramanwan wawankunaman qellqamuykichik. Qamkunataqa cheqaptam kuyaykichik, manataqmi ñoqallachu aswanqa haykam cheqap kaq reqsiqkunapiwanmi.

Apocalipsis 14:6

Rikurqanitaqmi huk angeltapas cielopa chawpinta pawachkaqta, paymi wiñaypaq kaq allin noticiata apachkasqa kay pachapi llapallan runakunaman, nacionkunaman, ayllukunaman, tukuy rikchaq rimayniyuqkunaman hinaspa llaqtakunaman.