1~Timoteo 2:1 - CHUYA QELLQA La Biblia en Quechua de Ayacucho 2012

¹ Imamantapas puntataqa kaytam nimuykichik, llapallan runakunapaqmi Diosta mañakunaykichik, orakunaykichik, ruegakunaykichik hinaspa agradecekunaykichik.

Quechua Ayacucho Bible 1987

¹ Imamantapas puntataqa Diosninchiktam mañakunanchik llapallan runakunapaq, paykunapaqmi orakunanchik ruegakunanchik hinaspa agradecekunanchik.

Chuya Qellqa 1992

¹ Imamantapas puntataqa kaytam nimuykichik, llapallan runakunapaqmi Diosta mañakunaykichik, orakunaykichik, ruegakunaykichik hinaspa agradecekunaykichik.

1~Timoteo 2:1 Iomraidhean Croise

Esdras 6:10

Chaynapi hanaq pachapi munaychakuq Diosman sacrificiokunata ofrecespa allin kanaypaq chaynataq churiykunapaqpas Tayta Diosta mañakunankupaq.

Jeremías 29:7

Chay yachasqaykichik llaqtapa hawkayaynintayá maskaychik, chaypaqyá ñoqata mañakuwaychik, chaynapi llaqta hawkalla kaptin qamkunapas hawkalla kanaykichikpaq.

Hechos 17:30

Ñawpaq tiempokunapim runakunapa huchallikusqanta Dios pacienciakurqa, kunanmi ichaqa kay pachapi llapallan runakunata huchankumanta wanakunankupaq kamachin.

Romanos 1:8

Imamantapas puntataqa, iñisqay-kichikmanta tukuy hinastinpi allin-ta willakusqankuta yachaspaymi Jesu-cristopa sutinpi llapallaykichikmanta Diosman graciasta qoni.

Romanos 6:17

¡Ichaqa Diosmanyá gracias kachun! Ñawpaqtaqa huchapa esclavonmi karqankichik, kunanmi ichaqa yachachikuykuna chaskisqaykichikta tukuy sonqomanta kasukuchkankichik.

1~Corintios 15:3

Tukuymanta llalliqtaqa chaskisqayman hinam yachachirqaykichik: Qellqapa nisqanman hinam Cristoqa huchanchikkunarayku wañurqa.

2~Corintios 8:6

Chaymi Titota ruegarqaniku imaynam qallarisqanman hina chay kuyakuy ofrendata qamkuna ukupi huñuyta tukumunanpaq.

Efesios 3:13

Chaynaqa, qamkunarayku ñakarisqaywanqa amayá hukmanyaruychikchu, chayqa aswanraq alabakunaykichikpaqmi.

Efesios 5:20

Tu-kuy imamantayá Señorninchik Jesu-cristopa sutinpi Dios Taytaman graciasta qoychik.

Efesios 6:18

Chuya Espiritupa yanapakuyninwanyá Diosta mañakuychik tukuy tiempo hinaspa rikchan-rikchanlla kaychik, ama hukmanyaspa llapallan iñiqkunapaqpas Diosta mañapuychik,

Filipenses 1:3

Sapa kuti yuyarispaymi qamkunamanta Diosninchikman graciasta qoni.

Filipenses 4:6

Amayá imamantapas afanakuychikchu, aswanqa Diosta mañakuspayá payman lliwta willakuychik hinaspa graciasta qokuychik.

1~Tesalonicenses 3:12

Señoryá huknikichikmanta huknikichikkama kuyanakuynikichikta llimparichichun, chaynallataq llapallan runakuna kuyanaykichikpaqpas, imaynam qamkunapaq kuyakuyniykuta hina.

2~Tesalonicenses 1:3

Wawqe-panillaykuna, qamkunamantam Diosman tukuy tiempo graciasta qonayku, chayqa allinmi, chaynataqa ruwanayku qamkunapa iñiynikichik wiñasqanraykum chaynataq sapakamapa kuyanakuynikichik mirasqanraykum.

1~Timoteo 2:4

Diosninchikqa munachkanmi llapallan runakuna salva-kunankuta hinaspa cheqap kaq reqsinankuta.

1~Timoteo 5:5

Sapallan qeparuq cheqap mana piniyuq viudaqa Diosmanmi hapipakun, payqa tuta punchawmi mana qonqaspa Diosta mañakun.

2~Timoteo 2:24

Señor serviqqa manam peleokunapichu purinan, aswanqa llapallanwanmi allinlla kanan, payqa chaylla allin yachachikuqmi hinaspa mana piñakuqmi kanan.

Tito 2:11

Diosmi kuyakuyninta qawachi-warqanchik llapallan runakuna salvasqa kanankupaq.

Tito 3:2

Amayá pimantapas mana allintaqa rimachunkuchu, hawkalla kawsakuspa kuyapayakuq kachunku, llampu sonqo kasqankuta lliw runakunaman ima ruwasqankupipas qawachikuchunku.

Hebreos 6:11

Aswanqa munachkanikum kawsanaykichikkamaqa sapakama hina chayna kallpanchakuyllawan kanaykichikta, chaynapi suyasqaykichikta chaskinaykichikpaq.

Santiago 5:16

Huchaykichikta willanakuspayá Diosta mañakuychik, chaynapi sanoyanaykichikpaq. Justo runapa tukuy sonqonwan Dios mañakusqanqa llumpay atiyniyuqmi.