1~Timoteo 1:4 - CHUYA QELLQA La Biblia en Quechua de Ayacucho 2012

⁴ Amataqyá kasuchunkuchu cuentokunatapas nitaq ñawpaq taytakunapa sutinmanta manaña tukuy atina listatapas, chaykunaqa atipanakuykunallatam hatarichin, Diospa ruwayninkunapiqa manataqmi imapipas yanapakunchu, chay munayninkunataqa iñiyllawanmi reqsinchik.

Quechua Ayacucho Bible 1987

⁴ Amataqyá kasuchunkuchu cuentokunatapas nitaq abuelokunapa sutinmanta manaña tukuy atina listatapas. Tukuy kaykunawanqa yanqa atipanakuyllamanmi chayanku. Manam yanapanchu Diospi confiakuspa paypa munasqanta ruranapaqqa.

Chuya Qellqa 1992

⁴ Amataqyá kasuchunkuchu cuentokunatapas nitaq ñawpaq taytakunapa sutinmanta manaña tukuy atina listatapas, chaykunaqa atipanakuykunallatam hatarichin, Diospa ruwayninkunapiqa manataqmi imapipas yanapakunchu, chay munayninkunataqa iñiyllawanmi reqsinchik.

1~Timoteo 1:4 Iomraidhean Croise

2~Corintios 1:12

Kaywanmi kusisqa kachkaniku, ñoqaykuqa kay pachapipas chaynataq qayllaykichikpipas allintam kawsarqaniku. Diosmi yanapawarqaku mana engañakuspa payllapaqña kawsanaykupaq, chaynataqa kawsarqaniku manam yachayniyuq kasqaykuraykuchu.

Efesios 3:2

Qamkunaqa yachankichikñam Diospa kuyakuyninmanta qamkunawan llamkanaypaq kamachiwasqanta.

1~Timoteo 3:16

Mayna hatunmi Diosman iñinanchikpaq pakasqa kaqkuna qawachiwasqanchikqa: “Diosmi runayarurqa, Espíritu yanapaptinmi acusaqninkunata vencerqa, payqa angelkunapa qawasqanmi karqa, llapallan nacionkunapim willakusqa karqa, kay pachapi kaqkunapa iñisqanmi karqa, hanaq pachapipas chaskisqam karqa”.

1~Timoteo 4:7

Amayá mana pasaq cuentokunataqa uyariychikchu, aswanqa Diospa munasqanpaq kaqkunataña ruway.

1~Timoteo 6:11

Qanmi ichaqa Diospa runan kanki, chaynaqa chay llapa mana allin ruwaykunamanta ayqekuy hinaspa imatapas allinta ruway, Diosllapaqña kawsaspa, iñiypi, kuyakuypi, pacienciakuspa hinaspa llampu sonqolla kaspa.

1~Timoteo 6:20

Timoteo, imam yachasqaykikunatayá sonqoykipi takyachiy, amayá mana pasaq rimaykunataqa chaskiychu nitaq iñisqanchikpa contranpi: “Ñoqaykuqa yachaywanmi rimaniku”, nispa rimaqkunatapas.

2~Timoteo 2:14

Kay nisqaykunata yuyarichiy, ima rimaypipas Diospa qayllanpi ama atipanakunankupaq, chay ruwayninkuqa manam valenchu, aswanqa uyariqkunatam tuñichin.

2~Timoteo 2:22

Joven kaypa munapayayninkunamanta ayqekuspa allin kaqkunata maskay, allin ruwayta, iñiyta, kuyakuyta hinaspa hawkayayta, haykam chuya sonqonkumanta Señorninchikta qayakuqkunawan kuska.

2~Timoteo 2:23

Runakunapa yanqa atipanakusqanmanqa ama chapukuychu, yachasqaykipi hinapas chaykunaqa peleollatam hatarichin.

2~Timoteo 4:4

Cheqap kaq yachachikuykunamanta karunchakuruspankum tukuy rikchaq cuentokunataña allinpaq hapinqaku.

Tito 1:1

Ñoqa Pablom Diospa serviqnin hinaspa Jesucristopa apostolnin kani. Paymi kamachiwarqa Diospa akllasqankunata iñichinaypaq hinaspa kay allin noticiaman hina Diospa cheqap kaqninkunata reqsichinaypaq,

Tito 1:14

hinaspa judiokunapa cuentolla rimasqankuta amaña uyarinankupaq, cheqap kaqmanta karunchakuqkunapa kamachikuyninkunatapas ama kasukunankupaq.

Tito 3:9

Ichaqa yanqa atipanakuykunamanta karunchakuy, ñawpaq taytakunapa sutin yachaymanta hinaspa Moisespa leyninmanta atipanakuspa piñanakuykunamanta, chaykunaqa mana imapaq valeqmi nitaqmi ima allintapas apamuwanchikchu.

Hebreos 13:9

Tukuy rikchaqmana uyarisqaykichik rikurimuq yachachikuykunawanqa amayá apachikuychikchu. Diospa kuyakuyllanwan sonqoykichik takyachiymi allinqa kanman. Mikuykunallaqa manam haykapipas kallpancharqachu haykam leyman hina hapipakuqkunataqa.

2~Pedro 1:16

Señorninchik Jesucristopa atiy-ninmantawan kutimunanmanta yacha-chisqaykuqa manam sakri cuentochu, aswanqa kikiykum ñawiykuwan Señorpa ancha atiyninta rikurqaniku.