1~Timoteo 1:14 - CHUYA QELLQA La Biblia en Quechua de Ayacucho 2012

¹⁴ Señorninchikmi kuyakuyninta ñoqaman achkanpi chaqchurimuwarqa hinaspam Jesucristopi kaq iñiytawan kuyakuyta qoykuwarqa.

Quechua Ayacucho Bible 1987

¹⁴ Señorninchik llumpayta favorecewaspanmi kallpanchawarqa creenaypaq hinaspa kuyakuq kanaypaq, chayqa tarikun Cristo Jesusllapim.

Chuya Qellqa 1992

¹⁴ Señorninchikmi kuyakuyninta ñoqaman achkanpi chaqchurimuwarqa hinaspam Jesucristopi kaq iñiytawan kuyakuyta qoykuwarqa.

1~Timoteo 1:14 Iomraidhean Croise

Éxodo 34:6

Moisespa ñawpaqninta pasaspanmi Tayta Dios nirqa: “¡Ñoqaqa Tayta Diosmi kani, llakipayakuq, kuyapayakuq Diosmi kani, ñoqaqa llampu sonqom kani, mana chaylla piñakuruqmi kani, cheqap kuyapayakuqmi kani!

Mateo 20:9

Chaymi pichqa hora tardeykuyta llamkaq riqkuna hamuspanku huk punchaw llamkaypa pagonta chaskirqaku.

Hechos 15:11

Yachasqanchikman hinaqa Señor Jesús kuyawasqanchikraykullam Diosqa salvawanchik, ñoqanchiktapas chaynataq paykunatapas, nispa.

Romanos 16:20

Hawkayay qokuq Diosninchikmi Satanastaqa chakikichikman churaspa chaylla sarupanqa. Señorninchik Jesucristopa kuyakuyninyá qamkunawan kachun.

1~Corintios 15:10

Ichaqa Diospa kuyapayakuyninman hinam kunanqa apostolña kani, paypa kuyapayawasqanqa manam yanqapaqchu karqa, ñoqaqa llamkachkani wakin apostolkunamantapas mastaraqmi, ichaqa manam kikillaymantachu aswanqa Diospa yanapakuyninwanmi.

1~Corintios 3:10

Ñoqaqa Diospa qowasqan kuyakuywanmi maestro albañil hina kani, hinaptinmi ñoqa cimientota churarqani hukñataqmi chaypa hawanman perqan, chay perqaqkunaqa sapakamam imam perqasqankuta cuidadowan ruwananku.

2~Corintios 13:14

Chaynaqa, Señor Jesucristopa kuyakuyninwan, Dios Taytapa kuyapayakuyninyá hinaspa Chuya Espiritupa kallpanchakuyninyá llapallaykichikwan kachun.

2~Corintios 4:15

Tukuy chaykunataqa ñakarirqaniku allinnikichikpaqmi, chaynapi achkallaña runakuna Diospa kuyakuyninta chaskispa aswan-aswan Diosman graciasta qospa hatunchanankupaq.

2~Corintios 8:9

Qamkunaqa yachankichikñam Señorninchik Jesucristopa kuyawasqanchikta. Payqa apu kachkaspam qamkunata kuyasusqaykichikrayku wakchayarurqa, chaynapi wakcha kayninwan qamkuna apu kanaykichikpaq.

Gálatas 1:13

Qamkunaqa uyarirqankichikchá judiokunapa yachachikuyninta kasu-kuspay ñawpaqta imaynam kawsas-qayta. Chaynataq Diospa iglesianku-nata imaynam qatikachaspay chinkachiy munasqaytapas.

1~Tesalonicenses 1:3

Yuya-rinikutaqmi Dios Taytanchikpa qayllanpi iñiynikichikman hina llamkasqaykichikta, kuyakuynikichikman hina servisqaykichikta hinaspa Señorninchik Jesucristorayku ñakarispa qaqa hina sayasqaykichiktapas.

1~Tesalonicenses 5:8

Punchawmanta kaqkunaqa cuidakusunchik, soldadopa qasqon harkaqwan churakuq hinayá iñiyninchikwan chaynataq kuyakuyninchikwan harkachikusun, salvasqa kasqanchikyá harkawaqninchik casconchik kachun.

1~Timoteo 2:15

Chaymi warmiqa wachakuspa hinaspa wawankunata allinta uywaspa, iñiyninpi takyaspa kuyakuq kaspa hinaspa chuyanchakuspan salvakunqa.

1~Timoteo 4:12

Jovenraq kasqaykiraykuqa ama piwanpas despreciachikuychu, aswanqa iñiqkunapa ejemployá kay: Rimaynikipi, allin kawsaynikipi, kuyakuynikipi, iñiynikipi chaynataq chuya sonqo kaynikipipas.

1~Timoteo 6:11

Qanmi ichaqa Diospa runan kanki, chaynaqa chay llapa mana allin ruwaykunamanta ayqekuy hinaspa imatapas allinta ruway, Diosllapaqña kawsaspa, iñiypi, kuyakuypi, pacienciakuspa hinaspa llampu sonqolla kaspa.

2~Timoteo 1:13

Ñoqamanta allin yachachikuy chaskisqaykiman hinayá iñiypi Cristo Jesuspa kuyakuyninpi kawsay.

2~Timoteo 2:22

Joven kaypa munapayayninkunamanta ayqekuspa allin kaqkunata maskay, allin ruwayta, iñiyta, kuyakuyta hinaspa hawkayayta, haykam chuya sonqonkumanta Señorninchikta qayakuqkunawan kuska.

Tito 2:2

Mayor señorkunaqa kananku: Allin yachayniyuqmi, respetachikuqmi, allin yuyaymanayniyuqmi, allin iñiyniyuqmi, kuyakuyniyuqmi hinaspa pacienciakuqmi.

1~Pedro 1:3

Señorninchik Jesucristopa Taytan Diostayá qapaqchasunchik, paymi hatun kuyapayakuyninman hina Jesucristopa kawsarimusqanwan musoqmanta nacechiwarqanchik. Chay confianzawan suyaspam kawsachkanchik.

1~Juan 4:10

Cheqap kuyakuyqa kaynam: Manam ñoqanchikchu Diostaqa kuyarqanchik, aswanqa paymi ñoqanchikta kuyawaspanchik sapallan Churinta kachamurqa rantinchikpi wañunanpaq, chaynapi huchanchikkuna pampachasqa kananpaq.

Apocalipsis 22:21

Señor Jesucristopa kuyakuyninyá qamkunawan kachun. Amén.