1~Timoteo 1:1 - CHUYA QELLQA La Biblia en Quechua de Ayacucho 2012

¹ Ñoqa Pablom Cristo Jesuspa apostolnin kani, salvaqninchik Dioswan hinaspa suyasqanchik Cristo Jesuspa kamachisqanman hina.

Quechua Ayacucho Bible 1987

¹ Kuyasqay Timoteo, Ñoqa Pablom Cristo Jesuspa *f**apostolnin kani salvaqninchik Dioswan confiakusqanchik Cristo Jesus kamachiwasqanrayku.

Chuya Qellqa 1992

¹ Ñoqa Pablom, Cristo Jesuspa apostolnin kani, salvaqninchik Dioswan hinaspa suyasqanchik Cristo Jesuspa kamachisqanman hina.

1~Timoteo 1:1 Iomraidhean Croise

Isaías 12:2

Diosnilláy, qanmi kanki salvaqniyqa, qamllapim hapipakusaq, ñoqallayqa manañam manchakusaqchu, amparoypas takiypas qamllam kanki, qamllam salvaqniyqa kanki, nispa.

Isaías 43:11

Ñoqallam Tayta Diosqa kani, ñoqamanta hukqa manam pipas salvakuqqa kanchu.

Isaías 43:3

Ñoqaqa salvaqniki Tayta Diosmi kani, Israelpa Chuya Diosninmi kani. Rantikipim Egipto nacionta pagarqani, rantikipim Etiopía naciontawan Seba nacionta qoykurqani.

Isaías 45:15

Cheqaptapunipas qamqa mana rikuna Diosmi kanki, qamqa Israel llaqtapa salvaqnin Diosmi kanki.

Isaías 45:21

Rimariychik hinaspa pruebakunata apamuychik, kikikichikpura tapunakuychik: ¿Pitaq ñawpaqmantaraq kaykunamanta rimarqa? ¿Manachum ñoqa Tayta Dios chaykunataqa willakurqani? Ñoqamanta sapaq Diosqa manam kanchu, ñoqa hina allin ruwaqqa manam kanchu, ñoqamanta hukqa manam pipas salvanchu.

Isaías 49:26

Ñakarichisuqnikikunatam kikinkupa aychanta mikuchisaq, kikinkupa yawarninwanmi vinowan hina sinkachisaq, chaymi llapa runakuna Salvaqniki Tayta Dios kasqayta reqsinqaku, Jacobpa Atiyniyuq Diosnin kasqaytam reqsinqaku, libraqnikiqa ñoqa Dios kasqaytam yachanqaku.

Isaías 60:16

Nacionkunam allinnin mikuyta qosunki, reykunam qori-qollqenta apamusunki; chaynapim reqsiwanki, ñoqa Tayta Dios salvaqniki kasqayta, Jacobpa Atiyniyuq Diosnin reclamaqniki kasqayta.

Isaías 63:8

Tayta Diosmi nirqa: “Cheqaptapunipas llaqtayqa mana llullakuq churiykunam”, nispa. Chayraykum paykunata salvarqa.

Oseas 13:4

Ñoqaqa Señornikichik Tayta Diosmi kani, Egiptopi kasqaykimantaraqmi Diosnikichik kani. Ñoqamanta huk Diostaqa manam reqsirqankichikchu, ñoqamanta hukqa manam pipas salvasunkichikmanchu.

Lucas 1:47

espirituypas Salvaqniy Diospim kusikun.

Lucas 2:11

Salvaqnikichikmi “Davidpa Llaqtanpi” nacerapusunkichik, payqa Cristom hi-naspa Señormi.

Hechos 9:15

Señorñataqmi nirqa: Riypuni, chay runaqa serviwananpaq akllakusqaymi, paymi ñoqamanta willakamunqa huklaw nacionkunapi runakunaman, reykunaman hinaspa Israelpa mirayninkunaman.

Romanos 1:1

Jesucristopa serviqnin ñoqa Pablom rimaykamuykichik. Diosmi apostolnin kanaypaq qayaykuwaspan allin noticiata willakunaypaq akllaykuwarqa.

1~Corintios 1:1

Ñoqa Pablotam munayninman hina Dios qayaykuwarqa Jesucristopa apostolnin kanaypaq. Iñiqmasinchik Sostenespiwanmi

1~Corintios 9:17

Chayraykum kikillaymanta ruwaptiyqa premioy kapuwanqa, sichum mana voluntadwan ruwaspayqa Diospa kamachisqallantam ruwachkani.

2~Corintios 1:1

Diospa munayninman hina Jesu-cristopa apostolnin ñoqa Pablom, wawqenchik Timoteopiwan, Corinto llaqtapi Diospa iglesiaman hinaspa Acaya lawpi kaq iñiqkunaman qellqa-muykiku.

Gálatas 1:1

Ñoqa Pablom apóstol kani, apóstol kayniyqa manam runapa akllawasqanman hinachu, aswanqa kikin Jesucristom hinaspa Dios Taytam akllawarqa, paymi Jesucristota wañusqanmanta kawsarichimurqa.

Gálatas 1:11

Wawqe-panillaykuna yachaychikyá, ñoqapa kay allin noticia willakusqayqa manam runakunapa rikurichimusqanchu.

Colosenses 1:27

Chay pakasqa kaqtaqa Diosmi mana judío kaqkunamanpas reqsichiyta munarqa, chay pakasqa kaqqa qamkunapi Cristopa kawsasqanmi, chayraykum wiñaypaq kawsakuyta suyachkankichik.

2~Tesalonicenses 2:16

Kuyawaspanchik wiñay consuelo qowaqninchik hinaspa kuyakuywan suyakuy qowaqninchik, Señorninchik Jesucristowan Dios Taytanchikyá,

1~Timoteo 1:12

Señorninchik Jesucristom allinpaq hapiwaspan serviqnin kanaypaq akllaykuwarqa hinaspam kallpanchaykuwarqa, chaymi llumpayta agradecekuni.

1~Timoteo 2:3

Kayqa allinpunim hinaspa salvaqninchik Diospa allinpaq qawasqanmi.

1~Timoteo 2:7

Chaypaqmi Dios akllawarqa apostolnin kaspay mana judío kaq runakunaman Jesucristomanta willakamunaypaq. Paykunatam yachachichkani cheqap yachachikuykunata hinaspa imaynam iñinankuta. Ñoqaqa cheqaptapunim rimachkani, manam llullakunichu.

1~Timoteo 4:10

Chayraykum ñakaristinpas llamkanchik wiñay kawsaq Diosninchikpi hapipakuspa. Payqa llapa runapa salvaqninmi, ichaqa tukuymanta llalliqtaqa haykam iñiqkunatam salvan.

Tito 1:3

hinaspa imam tiemponpi, allin noticia willakuynintakama palabran willakusqa kananpaq, chayta willakunaypaqmi salvaqninchik Dios ñoqata kamachiwarqa.

Tito 2:10

ama imantapas suwakuspayá confianza runakuna kachunku chaynata ruwaspam salvaqninchik Diospa yachachikuyninkunata vidankuwan tukuy imapi sumaqllataña qawachinqaku.

Tito 2:13

Chaynataqa kawsananchik ancha munayniyuq Dios salvaqninchik Jesucristopa sumaqllaña kancharichkaq kutimunanta kusikuywan hinaspa confianzawan suyaspanchikmi.

Tito 3:4

Aswanqa salvaqninchik Diosmi sumaq sonqo kaynintawan kuyakuyninta runakunaman reqsichiwarqanchik.

Tito 3:6

Salvaqninchik Diosninchikmi Jesucristontakama Chuya Espiritunta chaqchurimuwarqanchik.

1~Pedro 1:21

Señorninchik Jesucristontakamam Diospiqa iñinkichik, paymi wañuqkuna ukumanta Cristota kawsarichimuspan hatuncharqa, chaynataqa ruwarqa iñiynikichik hinaspa imapas suyasqaykichik Diosllapiña kanapaqmi.

1~Pedro 1:3

Señorninchik Jesucristopa Taytan Diostayá qapaqchasunchik, paymi hatun kuyapayakuyninman hina Jesucristopa kawsarimusqanwan musoqmanta nacechiwarqanchik. Chay confianzawan suyaspam kawsachkanchik.

2~Pedro 1:1

Jesucristota serviq apóstol ñoqa Simón Pedrom, haykam ñoqayku hina kuyayllapaq iñiyta chaskiqkunaman kay cartata apachimuykichik. Diosninchikpas hinaspa salvaqninchik Jesucristopas allin kaqkuna ruwaqmi.

1~Juan 4:14

Ñoqaykum rikurqaniku hinaspam willakuniku, Dios Taytam Churinta kachamurqa runakunata salvananpaq.

Judas 1:25

Señorninchik Jesucristontakamayá Diosta nisunchik: Yupaychaykikum, qamqa kanki qaynapas kunanpas wiña-wiñaypaq ancha hatunchasqam, ancha atiyniyuqmi, ancha munayniyuqmi, nispa. Amén.