1~Samuel 9:7 - CHUYA QELLQA La Biblia en Quechua de Ayacucho 2012

⁷ Chaymi Saúl nirqa: Hakuchikyá, ichaqa, ¿imatataq payman apasun? Qepinchikpiqa manam ima mikuyllanchikpas kanñachu, ¿imatataq chay Diospa runanman qoykusun? nispa.

Quechua Ayacucho Bible 1987

⁷ Chaymi Saul nirqa: —Hakuchikyá. Ichaqa ¿imatamá apasunchik chay runamanqa? Alforjanchikpiqa manam puchunñachu ima tantallapas. Chaynaqa ¿imatamá qoykuchwanchik chay runamanqa? —nispa.

Chuya Qellqa 1992

⁷ Chaymi Saúl nirqa: Hakuchikyá, ichaqa ¿imatataq payman apasun? qepinchikpiqa manam ima mikuyllanchikpas kanñachu, ¿Imatataq chay Diospa runanman qoykusun? nispa.

1~Samuel 9:7 Iomraidhean Croise

1~Reyes 13:7

Hinaptinmi chay profetata rey nirqa: Wasiyman hakuchik mikuykamunaykipaq, chaypim huk regalota qomusqayki, nispa.

1~Reyes 14:3

Chaynaqa, chunka tantakunata, tortata hinaspa huk aysakupi mielta aparikuspa Ahiaspata riruy. Paymi nimusunki imaynam warmanchik kanantapas.

2~Reyes 4:42

Chaymantam Baal-salisa llaqtamanta huk runa profeta Eliseoman iskay chunka cebadamanta primicia tantakunata apamurqa, chayraq cosechasqa espigayuq trigotapas. Chaymi criadonta Eliseo nirqa: Runakunaman mikunankupaq qoykuy, nispa.

2~Reyes 5:15

Chaymantam riqmasinkunapiwan Eliseopa kasqanman kutiruspanku ñawpaqninpi sayaykuspa Naamán nirqa: Kunanmi yachaykuni, manam kay pachapiqa Dios kanchu aswanqa Israel nacionllapim. Ama hina kaspaykiyá kay serviqnikimanta kay regalokuna apamusqayta chaskiykullaway, nispa.

2~Reyes 5:5

Chaymi Siria nacionpa reynin nirqa: Hinatayá riruy ñoqapas Israelpa reyninmanmi cartata apachisqayki, nispa. Hinaptinmi Naamanqa kimsa pachak kimsa chunka kilo qollqeta, soqta chunka soqtayuq kilo qorita chaynataq chunka musoq pachakunatapas aparikuspan rirqa.

2~Reyes 8:8

Chaymi Hazaelta rey kamachirqa: Regalota aparikuspayki Diospa profetanta watukaramuy hinaspa paynintakama Tayta Diosta tapukaramuy kay onqoyniymanta sanoyanayta otaq mana sano-yanaytapas, nispa.

2~Reyes 8:9

Damasco llaqtapi tukuy ima allinnin kaqkunamanta regalota tawa chunka camellokunapi cargarikuspanmi Eliseota watukuq Hazael pasarqa. Chayaruspanmi paypa qayllanpi sayaykuspan nirqa: Siria nacionpa reynin churiki Ben-adadmi kachamuwan kaynata nispan: “¿Kay onqoyniymanta sanoyasaqchu icha manachu?”, nispa.

Ezequiel 13:19

Qamkunam huk aptay cebadallapaq hinaspa parten tantallapaq llaqtaypa qayllanpi sutiyta penqayman churankichik; wañunanpaq kaqkunatam “manam wañunkichu” ninkichik, kawsananpaq kaqkunatañataqmi “wañunkipunim” ninkichik. Chaynatam llaqtayta engañankichik, llaqtayñataqmi llullakusqaykichikta uyarin.

Jueces 6:18

Amataqyá pasakuyraqchu ofrendayta apamuspa ofrecenaykama, nispa. Chaymi Tayta Dios nirqa: Kutimunaykikamam suyasqayki, nispa.