1~Samuel 9:3 - CHUYA QELLQA La Biblia en Quechua de Ayacucho 2012

³ Huk punchawmi Cispa china asnonkuna chinkarurqa, chaymi churin Saulta nirqa: Hatarispa hukkaqnin criadonchikta pusarikuspayki asnonchikkunata maskaramuy, nispa.

Quechua Ayacucho Bible 1987

³ Huk punchawmi taytan Cispa china asnonkuna chinkarurqa chaymi payqa churin Saulta nirqa: —Huk kaqnin sirvientenchikwan riy asnokuna maskaq —nispa.

Chuya Qellqa 1992

³ Huk punchawmi Cispa china asnonkuna chinkarurqa, chaymi churin Saulta nirqa: Hatarispa hukkaqnin criadonchikta pusarikuspayki asnonchikkunata maskaramuy, nispa.

1~Samuel 9:3 Iomraidhean Croise

Jueces 10:4

Jairpam kimsa chunka churinkuna karqa, paykunam kimsa chunka asnokunapi sillakuqku, kimsa chunkataqmi llaqtankupas karqa. Chay llaqtakunaqa kunankamam “Jairpa llaqtankuna” nispa sutichasqa, chay llaqtakunaqa Galaad lawpim kachkan.

Jueces 5:10

Yuraq china asnopi sillakuqkuna, pillonpi tiyaqkuna, chakillawan illaqkuna willakuychik.

1~Samuel 10:14

Tion-mi Saulta criadontinta tapurqa: ¿Maytataq rirqankichik? nispa. Saulñataqmi nirqa: Asnokuna maskaqmi, ichaqa mana tarispam Samuelmanña tapukuq rirqaniku, nispa.

1~Samuel 10:2

Chaynaqa, kunan rakinakuykuptillan-chikmi, Selsa lawpi, Raquelpa sepulturanpa hichpanpi iskay runakunawan tupanki. Kayqa kachkan Benjamín casta runakunapa allpanpim. Chay runakunam nisunki: Maskasqayki asnokunataqa tarirunkuñam, taytaykiqa manañam llakikunñachu, aswanqa qamkunamantaña llakikuspam kaynata nichkan: ¿Imatataq churillaymanta ruwaykullasaq? nispa.

1~Samuel 9:2

Cispa churinmi karqa Saúl, kuyayllapaq joven, Israel ukupiqa manam pipas pay hina sumaq rikchayniyuq hatunkaray runaqa karqachu, hombronkamallam haypaqku llapa runakunapas.

1~Samuel 9:20

Ama llakikuychu kimsa punchawña chinkaruq china asnoykikunamantaqa, ñam tarirunkuña; chaywanpas Israel runakunapa llumpay munasqankuqa kanqa qampaqwan aylluykikunapaqmi, nispa.

1~Samuel 9:4

Chaymi Saúl rirqa Efraín law orqokunaman, chaymantam pasarqa Salisa lawkama, ichaqa manam asnokunata tarirqachu. Saalim lawman rispapas, Benjamín castakunapa allpanman rispapas manam tarirqachu.