1~Samuel 8:8 - CHUYA QELLQA La Biblia en Quechua de Ayacucho 2012

⁸ Egipto nacionmanta hurqomusqay punchawmantapunim kunankama, karunchakuruspanku idolokunataña servichkanku, chaynallatam qamtapas ñoqata hina ruwasuchkanki.

Quechua Ayacucho Bible 1987

⁸ Egipto nacionmanta horqomusqay punchawmantapunim kunankama tukuy imata contraypi rurarqaku, chaynallatam qanwanpas kunan rurachkanku. Arí, ñoqamanta karunchakuruspankumá taytacha-mamachakunataña adorachkanku.

Chuya Qellqa 1992

⁸ Egipto nacionmanta hurqomusqay punchawmantapunim kunankama, karunchakuruspanku idolokunataña servichkanku, chaynallatam qamtapas ñoqata hina ruwasuchkanki.

1~Samuel 8:8 Iomraidhean Croise

Éxodo 16:3

Hinaspam nirqaku: Allinchá kanman karqa Egipto na-cionpi Tayta Dios wañurachiwaptin-kuqa, chay nacionpiqa aychayuq man-kakunapa ladonpim tiyarqaniku, tantatapas saksanaykukamam mikuq kaniku; kunanñataqmi kay chunniqman pusaramuwankiku yarqaymanta wañuchiwanaykikupaq, nispanku.

Éxodo 17:2

Chaymi runakunañataq Moiseswan atipanakuspa nirqaku: ¡Yakuta tomanaykupaq qowayku! nispanku. Hinaptinmi paykunata Moisés nirqa: ¿Imanasqataq ñoqata mañapayawankichik? ¿Imanasqataq Tayta Diosta tentaspa pruebankichik? nispa.

Éxodo 32:1

Orqoman risqanmanta Moisés manaña rikurimuptinmi, Aaronman asuykuspanku llapa runakuna kaynata nirqaku: Pusawanankupaq dioskunata ruwapuwayku, Egipto nacionmanta hurqomuwaqniyku Moisestaqa imachá pasarun, manam yachanchikchu, nispanku.

Jeremías 34:14

Sapa qanchis watamantam castaykichik-manta kaq criadoykichiktaqa kacha-rinkichik. Servisunaykichikpaq kikin-kumanta rantikususpaykichikqa soqta watallatam servisunkichik, nispay. Ñawpaq taytaykichikkunam ichaqa mana kasuwarqakuchu nitaqmi uyari-warqakupaschu.

Ezequiel 2:3

Paymi kaynata niwarqa: Runapa churin, qamtam Israelpa mirayninkunaman kachasqayki. Payku-nam ñoqapa contraypi hoqarikurunku. Paykunapas chaynataq ñawpaq taytankupas kunan punchawkamam mana kasuwankuchu.

Números 16:41

Paqarinnintinmi Israelpa mirayninkuna Moisespa chaynataq Aaronpa contranpi rimaspanku nirqaku: Qamkunam Tayta Diospa llaqtanta wañuchichkankichik, nispanku.

Deuteronomio 9:24

Qamkunaqa reqsisqay punchawmantapunim Tayta Diosta mana kasukuq runakuna karqankichik.

Jueces 13:1

Israelpa mirayninkunam Tayta Diospa qayllanpi huktawan huchallikururqaku, hinaptinmi tawa chunka watapaq Filistea castakunaman Tayta Dios qoykurqa.

Jueces 2:20

Chaymi Israel runakunapa contranpi Tayta Dios piñakuruspan nirqa: Kay runakunaqa ñawpaq taytankuwan pacto ruwasqayta qepanchaspam nisqaykunatapas mana kasukunkuchu,

Jueces 4:1

Aod wañukuptinmi, Israelpa mirayninkuna kasqallan Tayta Diospa qayllanpi mana allinkunata ruwarqaku,

Jueces 6:1

Israelpa mirayninkuna Tayta Diospa qayllanpi mana allinkunata ruwaptinkum madianitakunaman qanchis watapaq qoykurqa.

1~Samuel 8:7

Hinaptinmi Samuelta Tayta Dios nirqa: Uyariy runakunapa tukuy ima mañakususqaykita, manam qamtachu qepan-chakusunkiqa, aswanqa ñoqatam, manam paykunaqa reynin kanayta munankuchu.

1~Samuel 8:9

Chaynaqa, uyariy mañakusqankuta, ichaqa puntata anyaykuy hinaspa qawaykachiy reypa imaynam paykunapi munaychakunanmanta, nispa.