1~Samuel 8:7 - CHUYA QELLQA La Biblia en Quechua de Ayacucho 2012

⁷ Hinaptinmi Samuelta Tayta Dios nirqa: Uyariy runakunapa tukuy ima mañakususqaykita, manam qamtachu qepan-chakusunkiqa, aswanqa ñoqatam, manam paykunaqa reynin kanayta munankuchu.

Quechua Ayacucho Bible 1987

⁷ Hinaptinmi Tayta Diosñataq Samuelta nirqa: —Uyariyá runakunapa tukuy ima mañakususqaykita, manam qamtachu qepanchakusunkiqa aswanqa ñoqatam. Manam munankuchu paykunapa reynin kanayta.

Chuya Qellqa 1992

⁷ Hinaptinmi Samuelta Tayta Dios nirqa: Uyariy runakunapa tukuy ima mañakususqaykita, manam qamtachu qepanchakusunkiqa, aswanqa ñoqatam, manam paykunaqa reynin kanayta munankuchu.

1~Samuel 8:7 Iomraidhean Croise

Éxodo 16:8

Moisesqa nirqataqmi: Tardemanmi Tayta Dios aychata qosunkichik mikunaykichikpaq, paqarin tutapaytañataqmi saksanaykichikkama tantata qosunkichik. Tayta Diosmi uyarirun paypa contranpi rimasqaykichikta. Ñoqaykuqa, ¿pitaq kaniku? Rimasqaykichikqa manam ñoqaykupa contraykupichu, aswanqa Tayta Diospa contranpim, nispa.

Isaías 66:4

Ñoqapas ñakariytam paykunapaq akllasaq, ancha manchakusqankutam paykunaman apamusaq. Qayakuptiymi mana pipas contestawarqachu, rimapayaptiymi mana pipas uyariwarqachu, aswanqa qawachkaptiymi mana allinta ruwarqaku, mana munasqay kaqtam akllakurqaku.

Jeremías 34:14

Sapa qanchis watamantam castaykichik-manta kaq criadoykichiktaqa kacha-rinkichik. Servisunaykichikpaq kikin-kumanta rantikususpaykichikqa soqta watallatam servisunkichik, nispay. Ñawpaq taytaykichikkunam ichaqa mana kasuwarqakuchu nitaqmi uyari-warqakupaschu.

Ezequiel 2:3

Paymi kaynata niwarqa: Runapa churin, qamtam Israelpa mirayninkunaman kachasqayki. Payku-nam ñoqapa contraypi hoqarikurunku. Paykunapas chaynataq ñawpaq taytankupas kunan punchawkamam mana kasuwankuchu.

Ezequiel 3:7

Israelpa mirayninkunam ichaqa mana uyarisunkichu, chaynaqa kanqaku ñoqatapas mana kasuwasqankuraykum. Israelpa mirayninkunaqa mana kasukuq rumi sonqo runakunam.

Números 22:20

Chay tutam Balaamman Tayta Dios rikuriykuspan nirqa: Chay runakuna pusaqniki hamuptinqa riyá, ichaqa ñoqapa nisqallaytam ruwanki, nispa.

Mateo 10:40

Pipas qamkunata chaskisuqnikichikqa ñoqatam chaskiwan, ñoqata chaskiwaqniyñataqmi pim kachamuwaqniyta chaskin.

Lucas 10:16

Qamkunata uyariq runaqa ñoqatam uyariwan, qamkunata wischupakuq runaqa ñoqatam wischupakuwan, ñoqata wischupakuqñataqmi pim kachamuwaqniyta wischupakun, nispa.

Lucas 19:14

Ichaqa llaqtamasinkunam payta cheqnispanku qepallanta huk comisionta pasachirqaku kaynata nimunankupaq: “Manam munanikuchu chay runa reyniyku kanantaqa”, nispanku.

Lucas 19:27

Rey kanaypaq mana munaq enemigoykunatapas pusamuspaykichik qayllaypi wañuchiychik”, nispa.

Juan 13:16

Cheqaptapunim nikichik, sirvienteqa manam maschu patronninmantaqa, nitaqmi willakuq riqpas maschu kachaqninmantaqa.

Jueces 8:23

Chaymi Gedeón nirqa: Manam ñoqapas nitaq mirayniykunapas kamachikikumanchu, Tayta Diosmi qamkunataqa kamachisunkichik.

1~Samuel 10:19

Diosmi imaymana sasachakuynikichikpipas, llakikuynikichikpipas yanapasurqankichik, ichaqa qamkunam qepanchakuruspa ninkichik: “Reyta qowayku ñoqaykuta kamachiwanankupaq”, nispaykichik. Chaynaqa, Diospa qayllanman hamuychik aylluntin hinaspa castantin, nispa.

1~Samuel 12:1

Israel runakunatam Samuel nirqa: Tukuy ima mañakuwasqaykichiktam ruwarqani, reytapas churaykapuykichikñam.

1~Samuel 12:12

Ichaqa Amonpa reynin Nahasta contraykichikpi peleaq hamuqta rikuspam huk reyta qonaypaq mañakuwarqankichik, yupaychasqanchik Diospuni reyninchik kachkaptinmi huk munaychakuqtaraq mañakuwarqankichik.

1~Samuel 8:22

Hinaptinmi Samuelta Tayta Dios nirqa: Mañakusqankuman hina huk reyta akllapuy, nispa. Chaymi Samuelqa Israel runakunata kamachirqa maymi llaqtankuman kutinankupaq.

1~Samuel 8:8

Egipto nacionmanta hurqomusqay punchawmantapunim kunankama, karunchakuruspanku idolokunataña servichkanku, chaynallatam qamtapas ñoqata hina ruwasuchkanki.