1~Samuel 8:6 - CHUYA QELLQA La Biblia en Quechua de Ayacucho 2012

⁶ “Reyta qowayku” nisqankum Samuel-paqqa mana sonqonpaq hinachu karqa. Chaymi Samuelqa Diosta mañakurqa.

Quechua Ayacucho Bible 1987

⁶ Chayna mañakusqankuqa manam Samueltaqa gustarqachu. Chaymi Samuel Tayta Diosta mañakurqa.

Chuya Qellqa 1992

⁶ “Reyta qowayku” nisqankum Samuelpaqa mana sonqonpaq hinachu karqa. Chaymi Samuelqa Diosta mañakurqa.

1~Samuel 8:6 Iomraidhean Croise

Éxodo 32:21

Aarontañataqmi Moisés nirqa: ¿Imanasurqankitaq kay runakuna hatun huchaman urmaykachinaykipaq? nispa.

Éxodo 32:32

Aswanqa huchankutayá pampachaykuy, mana pampachaspaykiqa libropi qellqasqaykimanta sutiytapas chinkarachiy, nispa.

Oseas 13:10

¿Maytaq chay reyniki llaqtaykikunapi salvasunaykipaq? ¿Maypitaq chay kamachiqnikikuna kachkan? Qamkunaqa paykunatam reyta qosunaykichikpaq mañakurqankichik.

Números 16:15

Hinaptinmi Moisesqa anchata piñakuruspan Tayta Diosta nirqa: Ofrendankutapas ama chaskiychu, paykunapataqa manam asnollankutapas hapikuykurqanichu, nitaqmi paykunataqa imanarqanipaschu, nispa.

Números 16:22

Chaymi Moiseswan Aaronñataq qonqoranpa pampaman kumuykuspa nirqaku: Dios Taytallayku, runakuna kawsachiq Dios, ¿chulla runapa huchallanmantachu llapa runakunapaq piñakurunki? nispanku.

Números 16:46

Moisesmi Aaronta nirqa: Altarmanta sansata qontichinaman churaspa inciensota hinaspayki chaylla runakunapa kasqanman kallpaspa huchankuta pampachananpaq Tayta Diosta mañakamuy. Tayta Diosmi sinchita piñakurun, chaymi runakuna wañuyta qallaykunkuña, nispa.

Filipenses 4:6

Amayá imamantapas afanakuychikchu, aswanqa Diosta mañakuspayá payman lliwta willakuychik hinaspa graciasta qokuychik.

Santiago 1:5

Mayqannikichikpapas yachaynikichik pisilla kaptinqa, Diostayá mañakuychik, payqa lliw mañakuqninkunamanqa mana piñakuspam chaninninpi qoykunqa.

1~Samuel 10:19

Diosmi imaymana sasachakuynikichikpipas, llakikuynikichikpipas yanapasurqankichik, ichaqa qamkunam qepanchakuruspa ninkichik: “Reyta qowayku ñoqaykuta kamachiwanankupaq”, nispaykichik. Chaynaqa, Diospa qayllanman hamuychik aylluntin hinaspa castantin, nispa.

1~Samuel 12:12

Ichaqa Amonpa reynin Nahasta contraykichikpi peleaq hamuqta rikuspam huk reyta qonaypaq mañakuwarqankichik, yupaychasqanchik Diospuni reyninchik kachkaptinmi huk munaychakuqtaraq mañakuwarqankichik.

1~Samuel 12:17

Yachasqaykichikpi hinapas trigo rutuy tiempoqa manam paramunchu. Ichaqa Tayta Diostam ñoqa mañakusaq rayota toqyachimuspa parata chayachimunanpaq, chayraqmi yachankichik, rey mañakusqaykichikqa Tayta Diospa qayllanpi llumpay mana allin kasqanta.

1~Samuel 12:19

Hinaspankum llapallan runakuna Samuelta nirqaku: Ama hina kaspayki Tayta Diosta mañaykapuwayku ama wañuchiwanankupaq, cheqaptapunim llumpay huchasapallaña kachkaspapas reyta mañakusqaykuwan aswanraq huchallikuruniku, nispanku.

1~Samuel 12:23

Arí, ñoqamanta karunchasqa kachun Tayta Diospa qayllanpi qamkunarayku mana mañakuspa huchallikuyniyqa. Ñoqaqa aswanraqmi yachachisqaykichik Diospa munasqanman hina sumaq kawsakuyta.

1~Samuel 15:11

Pesakunim Saulta reypaq churas-qaymanta. Payqa ñoqamanta karunchakuruspam kamachisqaykunata mana ruwarqachu, nispa. Chay nisqanwanmi Samuel llakikururqa, hinaspam Diosta tukuy tuta mañakurqa.

1~Samuel 7:5

Samuelmi kaynata nirqa: Mizpa llaqtaman Israel runakunata huñumuychik. Chaypim Tayta Diosta qamkunapaq mañakusaq, nispa.