1~Samuel 8:19 - CHUYA QELLQA La Biblia en Quechua de Ayacucho 2012

¹⁹ Llapa runakunam ichaqa Samuelpa nisqanta mana uyariqpas tukurqakuchu, aswanmi paykunaqa nirqaku: ¡Manam imananchu! ¡Reyniyku kanantam munaniku!

Quechua Ayacucho Bible 1987

^19-20 Chaynata Samuel niptinpas runakunataqa manam imapas qokurqachu aswanmi paykunaqa kaynataraq nirqaku: —Manam imananchu. Huklaw nacionkuna hina reyniyoq kaytam ñoqaykuqa munaniku, payña asuntoykutapas arreglanantam munaniku. Munanikuqa reyña gobiernawaspanku guerrapipas kamachiwanankutam —nispa.

Chuya Qellqa 1992

¹⁹ Llapa runakunam ichaqa Samuelpa nisqanta mana uyariqpas tukurqakuchu, aswanmi paykunaqa nirqaku: ¡Manam imananchu! ¡Reyniyku kanantam munaniku!

1~Samuel 8:19 Iomraidhean Croise

2~Reyes 21:9

Israelpa mirayninkunam ichaqa mana kasukurqakuchu. Rey Manasesqa, paykunapa qayllanmanta Tayta Diospa chinkachisqan nacionkunamantapas aswantaraqmi mana allinkunata ruwachirqa.

Isaías 66:4

Ñoqapas ñakariytam paykunapaq akllasaq, ancha manchakusqankutam paykunaman apamusaq. Qayakuptiymi mana pipas contestawarqachu, rimapayaptiymi mana pipas uyariwarqachu, aswanqa qawachkaptiymi mana allinta ruwarqaku, mana munasqay kaqtam akllakurqaku.

Jeremías 44:16

Tayta Diospa sutinpi willawasqaykiku palabrakunataqa manam kasukusaqkuchu.

Jeremías 7:13

Mana allin kawsasqaykichikmanta achka kutita rimapayachkaptiypas manam uyariwarqankichikchu, nitaqmi kasukurqankichikchu; Ñoqa Tayta Diosmi chaynata nini.

Ezequiel 33:31

Chaynapim runaykunaqa costumbrenkuman hina uyarinankupaq hamuspanku ñawpaqnikipi tiyaykusparaq uyarisunki, ichaqa manam ruwayman churanqakuchu. Paykunaqa kuyanakuqkunapa takinta hinaraqmi rimanku, sonqonkum ichaqa qollqellapi yuyaymanachkan.

Deuteronomio 17:14

Señornikichik Tayta Diospa qosunaykichik allpaman yaykuruspa, chay allpapiña yachaspañataq niwaqchik: “Muyuriqniykupi llapallan nacionkuna hinam ñoqaykupas kamachiwanankupaq reyniyuq kayta munaniku”, nispaykichik.

1~Samuel 12:12

Ichaqa Amonpa reynin Nahasta contraykichikpi peleaq hamuqta rikuspam huk reyta qonaypaq mañakuwarqankichik, yupaychasqanchik Diospuni reyninchik kachkaptinmi huk munaychakuqtaraq mañakuwarqankichik.