1~Samuel 7:6 - CHUYA QELLQA La Biblia en Quechua de Ayacucho 2012

⁶ Israelpa mirayninkunam Mizpa llaqtapi huñunakururqaku, chaypim yakuta hurqospanku ofrendata hina Diospa ñawpaqninpi machqerqaku, chay punchawmi ayunaspanku Diospa contranpi huchallikusqankuta lliw reqsikurqaku. Samuelmi Israelpa mirayninkunata Mizpa llaqtapi juzgarqa.

Quechua Ayacucho Bible 1987

⁶ Israelpa mirayninkunamá huñunakururqaku Mizpa llaqtapi. Chaypim yakuta horqospanku Tayta Diosman ofrecerqaku, chay punchawmi ayunaspanku lliwpa ñawpaqninpi reqsikurqaku Tayta Diospa contranpi huchallikusqankuta. Chay Mizpa llaqtapim Samuel reqsichikurqa Israelpa mirayninkunapa jefen kananpaq.

Chuya Qellqa 1992

⁶ Israelpa mirayninkunam Mizpa llaqtapi huñunakururqaku, chaypim yakuta hurqospanku ofrendata hina Diospa ñawpaqninpi machqerqaku, chay punchawmi ayunaspanku Diospa contranpi huchallikusqankuta lliw reqsikurqaku. Samuelmi Israelpa mirayninkunata Mizpa llaqtapi juzgarqa.

1~Samuel 7:6 Iomraidhean Croise

Génesis 31:49

Suticharqakutaqmi “Mizpa” nispankupas. Chaynataqa suticharqaku Labán kaynata nisqanraykum: Tayta Diosmi qawawasun qamtawan ñoqata maypiña kaptinchikpas.

2~Samuel 14:14

Lliwpas wañuqllam kanchik, pampaman yaku tallisqa hina waspiruqllam kanchik. Nitaqmi Diospas runapa vidantaqa qechunchu, aswanqa qarqosqa runa payman kutirikamunanpaqmi tukuy imata ruwaspan yanapan.

1~Reyes 8:47

chay preso kasqanku allpapi qanman kutirikamuspa qayakamusunkiman kaynata: “Mana allinkunata ruwaspam qampa contraykipi huchallikuruniku”, nispanku.

1~Crónicas 11:18

Hinaptinmi chay kimsa allinnin qari-qari runakuna, Filistea tropakunapa campamentonman yaykuruspanku, Belén llaqtapa punkunpi pozomanta yakuta hurqoramuspa Davidman aparamurqaku. Davidmi ichaqa mana tomayta munaspan chay yakuta Tayta Diospaq ofrendata hina tallispan

2~Crónicas 20:3

Chaymi Josafatqa mancharikuspan Tayta Diosta mañakurqa yanapananpaq, Judá nacionpi llapallan runakunamanmi willachirqa ayunanankupaq.

Nehemías 9:27

Chaymi ñakarichisqa kanankupaq enemigonkuman qoykurqanki, ñakariyninkupim qayakamusurqanki, qamñataqmi hanaq pachamanta uyariykurqanki, kuyapayakuynikiman hinam libraqninkunata kachamurqanki, chaynapi enemigonkumanta libramunankupaq.

Jobwan Sutichasqa Libro 16:20

Kutipawaqniykunaqa amigoykunallam, chaywanpas Diospa ñawpaqninpim ñoqallayqa waqallasaq.

Jobwan Sutichasqa Libro 3:24

Ñoqapa mikunayqa llakillañam, tomanaypas nanaywan ñakariyllañam.

Jobwan Sutichasqa Libro 33:27

Diosqa lliw runatam qawachkan, sichum pipas ninqa: “Huchallikurunim, allin arreglotam qewiruni, Diosmi ichaqa mana imanawanchu,

Jobwan Sutichasqa Libro 40:4

Ñoqallayqa manam imachu kani, ¿Imataraqtaq nillaykiman? Upallakusaqñam ñoqaqa.

Jobwan Sutichasqa Libro 42:6

Chayraykum tukuy ima rimasqayta reqsikuni, allpapiwan uchpapim tiyaykuspay wanakuni, nispa.

Jeremías 31:19

Qanmantam rakikururqani, ichaqa wanakunim; huchaykunatam reqsikuni, qasqoytam takakuni; joven kayniypi huchaykunamantam penqakuspay uchuychakuni”, nispa.

Jeremías 36:9

Judá nacionpi Josiaspa churin rey Joacim pichqa wataña munaychakuchkaptinmi, chay watapa isqon kaq killanpi qayachirqaku, Jerusalén llaqtapi chaynataq Judá nacionpi kaq llaqtakunapi yachaqkunata, Jerusalenman hamuspanku Tayta Diospa qayllanpi ayunanankupaq.

Jeremías 9:1

Amalaya ñawiy pukyu hina rikurirunman, amalaya weqeypas kallpaq yaku hina rikurirunman, chaynapi llaqtamasiykunapa wañusqanmanta tuta punchaw waqanaypaq.

Lamentaciones 2:11

Ñawillaypi weqellaykunapas tukurunñam, llaqtaypa tuñisqanta qawaspaymi ancha hukmayasqa kachkani, ñuñuq wawakuna yarqaymanta plazakunapi wañuqta qawaspaymi hukmanyasqallaña kachkani.

Lamentaciones 3:49

Mana taniytam weqellaykuna sutuchkan, manañam hawkayaypas kanñachu,

Lamentaciones 5:16

Umaykupi coronaykupas wichirunmi, ¡imallapiraq rikukuniku, huchallikurunikum!

Ezequiel 20:4

Runapa churin, qam juzgay paykunataqa. Juzgaspayki ñawpaq taytankupa millakuypaq kaqkuna ruwasqankuta reqsichiy.

Oseas 5:1

Sacerdotekuna kayta uyariychik, Israelpa mirayninkuna chaylla uyariychik, reypa mirayninkuna uyariychik: Mizpa lawpi tranpa churasqa hina, chaynataq Tabor orqopi challwanapaq malla hina kasqaykichikmantam juzgasqa kankichik.

Joel 2:12

Tayta Diosmi kaynata nin: Qamkunaqa tukuy sonqowan kutirikamuwaychik, ayunowan, waqakuywan hinaspa qapariywan kutirikamuwaychik.

Levítico 16:29

Kaymi qamkunapaq wiña-wiñaypaq decretoy kanqa: Qanchis kaq killapa chunka punchawninpim ayunankichik hinaspam ama llamkankichikchu, amataqmi llaqtamasikichikpas llamkanqachu nitaq qamkunawan kaq huklaw llaqtayuqpas.

Levítico 26:40

Mana allin ruwasqankumanta chaynataq ñawpaq taytankupa mana allin ruwasqankumanta reqsikuptinkupas, qepanchawasqankuta hinaspa mana kasukusqankuta reqsikuptinkupas,

Lucas 15:18

Chaynaqa, kutispayá taytayta nimusaq: Taytáy, Diospa contranpiwan qampa contraykipim huchallikuruni.

Josué 18:26

Mizpa, Cafira, Mozah,

Jueces 10:10

Chaymi Israelpa mirayninkuna, Tayta Diosta kaynata qayakurqaku: Qampa contraykipim huchallikuruniku. Qam Diosniykuta qepanchakuruspaykum Baal idolokunataña yupaycharqaniku, nispanku.

Jueces 10:15

Chaymi Tayta Diosta Israelpa mirayninkuna nirqaku: Huchallikurunikum, qamyá ñoqaykuwan munasqaykita ruway; ama hina kaspa kunan libraykullawayku, nispanku.

Jueces 2:4

Tayta Diospa angelnin chaynata niruptinmi Israelpa mirayninkuna qaparispa waqarqaku.

Jueces 20:23

Chaynataqa ruwarqaku Israelpa mirayninkuna tutaykuqkama Tayta Diospa qayllanpi waqasqankuraykum, chaypim Tayta Diosta kaynata tapurqaku: ¿Huktawanchu castamasiyku Benjamín aylluwan peleaq risaqku? nispanku. Hinaptinmi Tayta Dios nirqa: Riychik, nispa.

Jueces 20:26

Chaymi Israelpa llapallan mirayninkunaqa Tayta Diospa qayllanpi waqaspa mañakunankupaq Bet-el llaqtaman rirqaku, hinaspam chay punchaw tutaykunankama ayunarqaku, ofrecerqakutaqmi lliw kañanapaq animalkunatawan allinlla kasqankumanta ofrendakunatapas.

Jueces 3:10

Otonielman Tayta Diospa espiritun huntaykuptinmi Israel miraykunata kamachispan guerrapi peleaq lloqsirqa, hinaptinmi Siria nacionpa reynin Cusan-risataimta Otonielpa makinman Tayta Dios churaykuptin vencerurqa.

1~Samuel 1:15

Chaymi Ana nirqa: Manam taytalláy vinotapas nitaq ima sinkachikuqtapas tomarqanichu, ñoqaqa sonqoypi ancha llakisqam kachkani, chaymi Diospa qayllanpi sonqoymanta mañakuchkani.

1~Samuel 10:17

Chaymantam Samuelqa Israel runakunata Tayta Diospa ñawpaqninpi Mizpa llaqtapi huñururqa.

1~Samuel 12:10

Chaymi paykuna qaparispa Tayta Diosta nirqaku: Diosnillayku, qamta qepanchaspam huchallikuruniku; Baal idolokunatawan Astarot idolokunatañam yupaycharqaniku. Kunanqa qamyá enemigoykumanta libraykullawayku, qamllataña servillanaykupaq, nispa.

1~Samuel 7:15

Samuelmi wañukunan punchaw-kama lliw Israel runakunapa kamachiqnin karqa.