1~Samuel 7:4 - CHUYA QELLQA La Biblia en Quechua de Ayacucho 2012

⁴ Hinaptinmi Israelpa mirayninkuna wischurqaku Baal sutiyuq idolokunata chaynataq Astarot sutiyuq idolokunatapas, hinaspam Tayta Diosllataña yupaycharqaku.

Quechua Ayacucho Bible 1987

⁴ Chaymi Israelpa mirayninkuna wischurqaku Baal sutiyoq taytachakunata chaynataq Astarot sutiyoq mamachakunatapas hinaspam Tayta Diosllataña adorarqaku.

Chuya Qellqa 1992

⁴ Hinaptinmi Israelpa mirayninkuna wischurqaku Baal sutiyuq idolokunata chaynataq Astarot sutiyuq idolokunatapas, hinaspam Tayta Diosllataña yupaycharqaku.

1~Samuel 7:4 Iomraidhean Croise

1~Reyes 11:33

Chaynataqa ruwasaq qepanchakuruwaspan Sidón llaqtayuq runakunapa yupaychasqan Astoret idolotawan, moabitakunapa yupaychasqan Quemos idolota chaynataq amonitakunapa yupaychasqan Moloc idolotaña yupaychasqanraykum. Payqa manam taytan David hinachu munasqayman hina kawsaspa kamachikuykuna yachachikuykuna qosqayta kasukurqa.

1~Reyes 11:5

Aswanqa Sidón runakunapa Astoret idolontañam yupaycharqa, yupaycharqataqmi amonitakunapa millakuypaq Milcom idolotapas.

1~Reyes 8:48

Sichum preso kasqanku allpamanta tukuy sonqonkuwan, tukuy almankuwan qanman kutirikamuspanku, ñawpaq taytankuman qosqayki allpaman, akllasqayki llaqtaman chaynataq qampaq ruwachisqay temploman qawamuspanku mañakamusuptikiqa,

2~Reyes 23:15

Tuñichirqam Bet-elpi altartapas, chay altartaqa Israel nacionta huchallichiq Nabatpa churin Jeroboammi hatarichirqa. Chaymantam uchpayanankama kañarurqa. Asera idolotapas kañarurqam.

Oseas 14:3

Asiriaqa manam salvawanmankuñachu, guerrapaq caballokunapipas manañam sillakusaqkuñachu; makiykuwan ruwasqayku idolokunatapas manañam: “Diosnillayku” nisaqkuñachu; aswanqa wakchakunapas qam Diosnillaykupin llakipayakuyta tarinku”, nispaykichik.

Oseas 14:8

Chayraqmi Efrainpa mirayninkunaqa ninqaku: “Idolokunamantaqa manam imapas qokuwankuñachu”, nispanku. Ñoqam mañakuyninkutapas uyariykusaq, ñoqataqmi paykunataqa waqaychasaqpas. Paykunapaq kallmasapallaña pino hina kaptiymi paykunapa rurunpas ñoqamanta paqarimunqa.

Jueces 2:11

Israelpa mirayninkunam Tayta Diospa qayllanpi mana allinta ruwarqaku, paykunaqa Baal sutiyuq idolokunatañam yupaycharqaku.

Jueces 2:13

Tayta Diosta qepanchakuruspankum Baal chaynataq Astarot idolokunataña yupaycharqaku.

1~Samuel 7:3

Chaymi paykunata Samuel nirqa: Sichum tukuy sonqoykichikwan Diosman kutirikuspaykichikqa, wischuychikyá qamkuna ukupi kaq idolokunata chaynallataq Astarot idolokunatapas, hinaspayá cheqap Diosllapaqña kawsaspa payta serviychik, chayna kaptinqa kikinpunim filisteokunamanta librasunkichik, nispa.

1~Samuel 7:5

Samuelmi kaynata nirqa: Mizpa llaqtaman Israel runakunata huñumuychik. Chaypim Tayta Diosta qamkunapaq mañakusaq, nispa.