1~Samuel 7:3 - CHUYA QELLQA La Biblia en Quechua de Ayacucho 2012

³ Chaymi paykunata Samuel nirqa: Sichum tukuy sonqoykichikwan Diosman kutirikuspaykichikqa, wischuychikyá qamkuna ukupi kaq idolokunata chaynallataq Astarot idolokunatapas, hinaspayá cheqap Diosllapaqña kawsaspa payta serviychik, chayna kaptinqa kikinpunim filisteokunamanta librasunkichik, nispa.

Quechua Ayacucho Bible 1987

³ chaymi paykunata Samuel nirqa: —Sichu tukuy sonqoykichikwan Tayta Diosman kutirikuspaykichikqa wischuychikyá qamkuna ukupi kaq taytachakunata. Wischuychiktaqyá Astarot sutiyoq mamachatapas hinaspayá Tayta Diosllapaqña kawsaspa payllataña adoraychik. Chayna kaptinqa kikinpunim librasunkichik Filistea runakunamanta —nispa.

Chuya Qellqa 1992

³ Chaymi paykunata Samuel nirqa: Sichum tukuy sonqoykichikwan Diosman kutirikuspaykichikqa, wischuychikyá qamkuna ukupi kaq idolokunata chaynallataq Astarot idolokunatapas, hinaspayá cheqap Diosllapaqña kawsaspa payta serviychik, chayna kaptinqa kikinpunim filisteokunamanta librasunkichik, nispa.

1~Samuel 7:3 Iomraidhean Croise

Génesis 35:2

Chaymi Jacobqa ayllunkunata hinaspa llapallan paywan kaqkunata nirqa: Llapa idolokunata wischuychik hinaspa chuyanchakuychik, bañakuspa pachaykichiktapas mudakuychik,

1~Reyes 11:33

Chaynataqa ruwasaq qepanchakuruwaspan Sidón llaqtayuq runakunapa yupaychasqan Astoret idolotawan, moabitakunapa yupaychasqan Quemos idolota chaynataq amonitakunapa yupaychasqan Moloc idolotaña yupaychasqanraykum. Payqa manam taytan David hinachu munasqayman hina kawsaspa kamachikuykuna yachachikuykuna qosqayta kasukurqa.

1~Reyes 8:48

Sichum preso kasqanku allpamanta tukuy sonqonkuwan, tukuy almankuwan qanman kutirikamuspanku, ñawpaq taytankuman qosqayki allpaman, akllasqayki llaqtaman chaynataq qampaq ruwachisqay temploman qawamuspanku mañakamusuptikiqa,

2~Reyes 17:39

aswanqa ñoqa Señornikichik Tayta Diosllatam serviwankichik. Ñoqañataqmi enemigoykichikmanta librasqaykichik, nispa.

2~Reyes 23:15

Tuñichirqam Bet-elpi altartapas, chay altartaqa Israel nacionta huchallichiq Nabatpa churin Jeroboammi hatarichirqa. Chaymantam uchpayanankama kañarurqa. Asera idolotapas kañarurqam.

1~Crónicas 22:19

Chaynaqa, tukuy sonqoykichikwanyá Tayta Diosta maskaychik, hinaspayá Tayta Diospa santuarionta hatarichiychik, chaynapi Tayta Diospa pacto ruwasqan Arcatawan paypaq sapaqchasqa serviciokunata Tayta Diospaq ruwasqaykichik temploman apanaykichikpaq, nispa.

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

2~Crónicas 19:3

Ichaqa qanmi allinkunata ruwarqanki, Asera idolokunata kañaruspam kay nacionmanta qechururqanki, hinaspam tukuy sonqoykiwan Tayta Diospa yanapakuyninta maskarqanki, nispa.

2~Crónicas 20:33

Chaywanpas moqokunapi capillakunataqa manam chinkachirqachu, llapa runakuna ñawpaq taytankupa Diosninman mana tukuy sonqowan kutirikusqankurayku.

2~Crónicas 30:19

Dios Taytalláy, ñawpaq taytankupa Diosnin, temploman yaykunankupaq mana chuyanchasqa kachkaptinkupas paykunatayá pampachaykuy, nispa.

Proverbios 16:1

Runaqa tukuy imatapas tanteanmanmi, ichaqa Tayta Dios munaptinmi ruwasqa kanqa otaq manapas.

Isaías 55:7

Mana allinkuna ruwaq runayá mana allin kawsayninta saqechun, millakuypaq yuyaymanaqyá chayna kayninta saqechun. Dios taytamanyá kutirikuchun, payqa llakipayariykunqam, Diosninchikmanyá kutirikuchun payqa kuyapayakuq kayninman hinam pampachaykunqa.

Jeremías 24:7

Tayta Dios kasqayta reqsiwanankupaqmi yachayta qosaq. Paykunam llaqtay kanqa, ñoqañataqmi Diosninku kasaq, chaynaqa kanqa tukuy sonqonkuwan ñoqaman kutirikamusqankuraykum.

Jeremías 36:3

Icharaqpas Judapa mirayninkunaqa tukuy ima castigokuna kachariy munasqayta uyarispanku mana allin kawsayninkumanta wanakunmanku, hinaptinqa mana allinkuna ruwasqankutawan huchankutam pampachaykusaq, nispa.

Jeremías 4:1

Tayta Diosmi kaynata nin: Israelpa mirayninkuna, kutirikamuyta munaspaqa ñoqamanmi kutirikamunaykichik. Sichum qayllaymanta millakuypaq idolokunata wischuspa ñoqamanta mana sapaqchakuspaqa,

Ezequiel 14:6

Chaynaqa, ñoqa Tayta Diospa nisqayta Israelpa mirayninkunaman kaynata niy: Millakuypaq idoloykichikkunatawan mana allin ruwaynikichikta saqespa ñoqaman kutirikamuwaychik.

Ezequiel 18:31

Ñoqapa contraypi mana allinkuna ruwasqaykichikkunata qamkunamanta wischuychik; hinaspa musoq sonqoyuq, musoq espirituyuqña kaychik. Israel miraykuna, ¿imanasqataq wañuyta munankichik?

Oseas 14:1

Israel castakuna, Tayta Diosman kutirikuychik; huchaykichikraykum qamkunaqa urmarunkichik.

Mateo 15:8

“Kay runakunaqa simillamantam yupaychawanku, sonqonkum ichaqa ñoqamanta karupi kachkan.

Mateo 4:10

Jesusñataqmi nirqa: ¡Kaymanta anchuriy Satanás! Qellqasqam kachkan: “Señor Diosllaykitam hatunchanki, payllatataqmi servinkipas”, nispa.

Mateo 6:24

Manam pipas iskay patrontaqa servinmanchu, hukninta cheqnispanchá huknintañataq kuyanman, otaqmi hukninman hapipakuruspan huknintañataq wischupakunman. Manam Diostawan qori-qollqetaqa serviwaqchikchu.

Lucas 4:8

Chaymi Jesusñataq nirqa: Qellqasqam kachkan: “Señor Dios-llaykitam yupaychankiqa, payllatataqmi servinkipas” nispa.

Juan 4:24

Diosqa Espiritum, chaymi yupaychaqninkunapas Espiritupa yanapasqan yupaychananku, Dios Taytaqa chayna cheqap yupaychanatam munan.

Deuteronomio 10:20

Señornikichik Tayta Diosta kasukuspa payllata yupaychaychik, payllata qatiychik, paypa sutillanpi juraychik.

Deuteronomio 13:4

Señornikichik Tayta Diosta qatispa payllata kasukuychik. Kamachikuyninkunata ruwayman churaychik, nisqankunata kasukuspa payllata yupaychaychik, payllata servispa ama haykapipas qepanchaychikchu.

Deuteronomio 4:29

Sichum maymi kasqaykichikmanta Señornikichik Tayta Diosta tukuy sonqoykichikwan, tukuy yuyaynikichikwan maskaspaykichikqa tarinkichikmi.

Deuteronomio 6:13

Señornikichik Tayta Diostam kasukuspa servinkichik, paypa sutillanpitaqmi jurankichikpas.

Josué 13:31

Paykunapataqmi karqa Galaad allpapa partenpas, Astarot llaqtapas chaynataq Edrei llaqtapas. Chaykunaqa karqa Basán lawpi rey Ogpa munaychakusqan llaqtakunam. Chay allpakunam karqa Manasespa churin Maquirpa wakin ayllunkunapaq haykam kasqankuman hina.

Josué 24:14

Chaynaqa, Tayta Diosta kasukus-payá cheqap sonqowan payta serviy-chik. Eufrates mayupa waklaw chim-panpi chaynataq Egipto nacionpi kachkaspanku ñawpaq taytaykichikkunapa yupaychasqanku idolokunatayá qamkunamanta wischuychik, hinaspayá Tayta Diosllata serviychik.

Josué 24:23

Hinaptinmi paykunata Josué nirqa: Kunanyá hatallisqaykichik idolokunata qamkunamanta wischuychik, hinaspayá tukuy sonqoykichikwan Israelpa yupaychasqan Tayta Diosman kutirikuychik, nispa.

Jueces 10:16

Hinaspam huklaw nacionkunapa diosninkunata chawpinkumanta wischuruspanku Tayta Diostaña servirqaku, chaymi Israelpa mirayninkunapa ñakariyninta qawarispan Tayta Dios llakipayariykurqa.

Jueces 10:6

Israelpa mirayninkunam kaqllamanta Tayta Diospa qayllanpi huchallikuyta qallaykurqaku. Baal idolokunata, Astarot idolokunata, arameokunapa, sidoniokunapa, moabitakunapa, amonitakunapa hinaspa filisteokunapa diosninkunataña yupaychaspankum Tayta Diostaqa manaña servirqakuñachu.

Jueces 2:11

Israelpa mirayninkunam Tayta Diospa qayllanpi mana allinta ruwarqaku, paykunaqa Baal sutiyuq idolokunatañam yupaycharqaku.

Jueces 2:13

Tayta Diosta qepanchakuruspankum Baal chaynataq Astarot idolokunataña yupaycharqaku.

1~Samuel 31:10

Saulpa armankunatam Astarot sutiyuq idolonkupa templonpi churarqaku, Saulpa cuerpontañataqmi Bet-sán llaqtapa murallanman warkururqaku.