1~Samuel 7:10 - CHUYA QELLQA La Biblia en Quechua de Ayacucho 2012

¹⁰ Samuelmi sacrificiota kañas-pan Tayta Diosman ofrecech-karqa, chayllamanmi filisteokuna chayaramurqaku Israel runakunawan peleanankupaq; hinaptinmi atiyniyuq Diosñataq filisteokunapa contranpi nisyullay nisyu rayota kachaykamurqa, chaymi mancharikuymanta, filisteokuna vencerachikurqaku.

Quechua Ayacucho Bible 1987

¹⁰ Tayta Diosman ofrecesqanta Samuel kañachkaptinmi Filistea runakuna chayaramurqa Israel casta runakunawan peleanankupaq. Tayta Diosmi paykunapa contranpi kachaykamurqa nisyullay-nisyu rayota chaymi llumpay mancharisqallaña kachkaptinku Israel casta runakuna vencerurqa.

Chuya Qellqa 1992

¹⁰ Samuelmi sacrificiota kañaspan Tayta Diosman ofrecechkarqa, chayllamanmi filisteokuna chayaramurqaku Israel runakunawan peleanankupaq; hinaptinmi atiyniyuq Diosñataq filisteokunapa contranpi nisyullay nisyu rayota kachaykamurqa, chaymi mancharikuymanta, filisteokuna vencerachikurqaku.

1~Samuel 7:10 Iomraidhean Croise

Zacarías 4:6

Hinaptinmi chay angelñataq niwarqa: Kaymi Zorobabelpaq Diospa Chuya simin: Manam tropakunawanchu, nitaqmi kallpawanchu, aswanqa espirituywanmi, Tukuy Atiyniyuq Tayta Diosmi chaynata nin.

Deuteronomio 28:7

Tayta Diosmi enemigoykichikkunata vencechisunkichik. Huk ñanllantam contraykichikpi hamunqaku, ichaqa qanchis ñannintam qamkunamanta ayqenqaku.

Josué 10:10

Tayta Diosmi Israelpa mirayninkunapa ñawpaqninpi amorreokunata musparachirqa. Chaymi Israelpa mirayninkunaqa Gabaón llaqtapa hichpanpi anchallataña wañurachirqaku. Bet-horonman riq ñanninta qatispankuñataqmi Azeca llaqtakama chaynataq Maceda llaqtakama wañuparachirqaku.

Jueces 4:15

Barac peleayta qallaykuptinmi, Sisarata chaynataq carretankunatawan llapallan tropankunatapas Tayta Dios cheqerachirqa; Sisarapas carretanmanta uraykuspam mancharisqallaña lluptirurqa.

Jueces 5:20

Cielopi chaskakunam pelearqaku, maymi kasqankumantam Sisarapa contranpi pelearqaku.

Jueces 5:8

Mana reqsisqanku dioskunatam akllakuykurqaku, guerrañataqmi llaqtakunapa punkunpiña kachkarqa, tawa chunka waranqa Israel miraykunapiqa manam chulla lanzallapas rikukurqachu, manataqmi huk escudollapas karqachu.

1~Samuel 12:17

Yachasqaykichikpi hinapas trigo rutuy tiempoqa manam paramunchu. Ichaqa Tayta Diostam ñoqa mañakusaq rayota toqyachimuspa parata chayachimunanpaq, chayraqmi yachankichik, rey mañakusqaykichikqa Tayta Diospa qayllanpi llumpay mana allin kasqanta.

1~Samuel 14:15

Chaymi Filistea tropakunaman, campamentopi kaqkunaman, chakrapi kaqkunapas chaynataq wateqaq soldadokunamanpas llumpay manchakuy yaykururqa; chay punchawmi temblorpas pasarqa, hinaptinmi llapa runakuna llumpayta mancharikurqaku.

1~Samuel 2:10

Tayta Diosmi chinkarachinqa contranpi sayariqkunataqa, hanaq pachamantam rayokunata hawankuman kachaykamunqa. Tayta Diosmi juzganqa kay pachapi runakunataqa; kallpanchanqam akllakusqan reytapas, akllakusqanpa atiynintam hatunchanqa, nispa.

1~Samuel 7:11

Israelpa mirayninkunañataqmi lloqsispanku filisteokunata wañuchistin Bet-car lawpa urayninkama qatirqaku.