1~Samuel 6:5 - CHUYA QELLQA La Biblia en Quechua de Ayacucho 2012

⁵ Chaynaqa, ruwaychikyá tumorman rikchakuqta chaynataq chakraykichik tukuq ukuchaman rikchakuqtapas, hinaspayá Israel casta runakunapa Diosninta yupaychaychik, icharaqpas chaynapi qamkunatapas, idoloykichiktapas, chakraykichiktapas mana castiganmanchu.

Quechua Ayacucho Bible 1987

⁵ Chaynaqa ruraychikyá chupuman rikchakuqta chaynataq chakraykichik tukuq ukuchakunaman rikchakuqtapas. Hinaspayá Israel casta runakunapa Diosninta alabaychik, icharaqpas chaynapi qamkunatapas, taytachaykichiktapas hinaspa chakraykichiktapas mana castiganmanchu.

Chuya Qellqa 1992

⁵ Chaynaqa, ruwaychikyá tumorman rikchakuqta chaynataq chakraykichik tukuq ukuchaman rikchakuqtapas, hinaspayá Israel casta runakunapa Diosninta yupaychaychik, icharaqpas chaynapi qamkunatapas, idoloykichiktapas, chakraykichiktapas mana castiganmanchu.

1~Samuel 6:5 Iomraidhean Croise

1~Crónicas 16:28

Llapa llaqtakunapi ayllukuna, Tayta Diosta hatunchaychik, atiyninta reqsikuspa hatunchaychik.

1~Crónicas 16:29

Tayta Diosta pim kasqanmanta yupaychaychik, ofrendakunata apamuspa qayllanman hamuychik, Tayta Diosta chuya wasinpi qonqorakuspa yupaychaychik.

Éxodo 12:12

Chay tutam Egipto nacionninta pasasaq, hinaspam runapa piwi churinkunata, animalkunapa piwi wawankunata wañuchisaq; Egiptopa diosninkunatam juzgasaq. Ñoqa Tayta Diosmi chaynata nini.

Éxodo 8:17

Paykunam chaynata ruwarqaku. Aaronmi tawnanta haywarispan allpapa polvonta waqtarurqa, hinaptinmi usa rikurirurqa, chaymi runakunatawan animalkunata intururqa. Allpapa polvonmi usaman tikrakururqa lliw Egipto nacionpi.

Éxodo 8:24

Chaynatam Tayta Dios ruwarqa. Kachukuq tukuy rikchaq chuspikunam Faraonpa palacionta, serviqninkunapa wasinta chaynataq llapallan Egipto allpapa hawantapas lliw chiparurqa, chaymi Egipto nacionta chay chuspikuna pasaypaqta tukururqa.

Éxodo 8:5

Chaymi Moisesta Tayta Dios nirqa: Aaronta kaynata niy: “Mayukunapa, yarqakunapa hinaspa qochakunapa hawanman tawnaykita haywariy, chaynapi chaykunamanta karyakuna lloqsimuspa Egipto nacionman huntananpaq”, nispa.

Isaías 19:1

Isaiasmi Egipto nacionta imam pasananmanta kaynata nirqa: Qawariychik: Puyupi silladam Tayta Diosqa Egipto nacionman utqayllamanña hamuchkan, llapa idolonkupas paypa qayllanpim katkatatanku, Egipto runakunapas mana kallpayuqñam rikurirunku.

Isaías 42:12

Tayta Diosta hatunchaychik, hatunchasqa kasqanta lamar qochapa patankunapi willakuychik.

Jeremías 13:16

Tayta Diosta yupaychaychik manaraq tutayayta chayachimuchkaptin, tutayaq orqokunapi manaraq mitkaruchkaspa; suyasqaykichik achkitapas manaraq pasaypaq tutayayman tikraruchkaptin.

Jeremías 3:13

Mana allin ruwasqaykitayá reqsikuy, Tayta Diospa contranpim hoqarikurqanki; llaqesapa sachakunapa sikinpim mana reqsisqa runakunawan qanrakurqanki, kamachikuyniykunatapas manam kasukurqankichu. Ñoqa Tayta Diosmi chaynata nini.

Joel 2:25

Ñoqam aqaruwaypa, pinki-pinkipa, utuskurupa mikusqantapas kutichipusqaykichik, paykunataqa ñoqam tropaykunata hina contraykichikpi kachamurqaykichik.

Jonás 3:9

Diosqa icharaqpas llakipayariwaspanchik piñakuyninta sapaqchaykuptin mana puchukaruchwanchu, nispa.

Malaquías 2:2

Qamkunam kasukuspa cheqaptapuni tukuy sonqowan yupaychawanaykichik. Mana kasukuspaqa ñakasqam kankichik. Cheqaptapuni mana yupaychawaptikichikqa, sacerdote kasqaykichikrayku bendecisqa kasqaykichiktapas ñakaymanmi tikrarusaq. Tukuy Atiyniyuq Tayta Diosmi chaynata nin.

Números 33:4

Egipto runakunapa piwi wawa-churinkuta Tayta Dios wañurachiptinmi pampanankukama Israelpa mirayninkuna lloqsimurqaku. Chay punchawpim Egiptopa diosninkunata Tayta Dios penqayman churarqa.

Juan 9:24

Judiokunam musoqmanta qayachimurqaku ñawsamanta sanoyaruq runata, hinaspam nirqaku: Diostayá yupaychay, ñoqaykuqa yachanikum chay runaqa huchasapa kasqanta, nispanku.

Josué 7:19

Hinaptinmi Josué nirqa: Churilláy Acán, Tayta Diostayá, Israelpa Diosnintayá hatunchaspayki yupaychay, hinaspayá ama imatapas pakaykuspa imam ruwasqaykita willaykuway, nispa.

Apocalipsis 11:13

Hina chay ratollataqmi nisyu-nisyu terremoto karurqa, hinaptinmi llaqtapa chunka kaq parten tuñirurqa, chay terremotowanmi qanchis waranqa runakuna wañururqa. Wakinñataqmi hatu-hatunta mancharikuspanku hanaq pachapi kaq Diosta qapaqcharqaku.

Apocalipsis 14:7

Hatunmanta qaparispanmi nirqa: Diostayá manchakuywan qapaqchaychik, juzganan horam chayaramunña, hanaq pachatapas kay pachatapas, lamar qochatapas hinaspa pukyukunatapas unanchaqtayá yupaychaychik, nispa.

Apocalipsis 16:9

Chaymi llapallan runakuna kañasqa karqaku, ichaqa manam Diosmanpas kutirikurqakuchu nitaqmi yupaycharqakuchu, aswanraqmi paykunaqa kay castigokuna apachimuq Diostapas mana allinkunata rimaspanku kamirqaku.

1~Samuel 5:11

Chaymi Filisteapi kamachikuqkuna huñunakuruspanku ninakurqaku: Israel runakunapa Diosninpa Arcanta maymi kasqanman kutichikchik, chaynapi ama llapanchikta wañurachiwananchikpaq, nispanku. Chaynataqa nirqaku runakunata Tayta Dios llumpayta ñakarichiptin nisyuta mancharikusqankuraykum.

1~Samuel 5:9

Ichaqa chay llaqtaman aparuptinkum, Tayta Diosñataq chay llaqtapi yachaqkunata llumpayta chaqwarachirqa, taksamanta hatunkama tumor onqoywan.

1~Samuel 6:8

Chay carretamanmi churankichik Diospa Arcanta, waqtanmanñataqmi huk cajapi churankichik huchaykichikmanta qori alhajakunata, hinaspam aviarunkichik.