1~Samuel 6:21 - CHUYA QELLQA La Biblia en Quechua de Ayacucho 2012

²¹ Hinaspam Quiriat-jearim llaqtapi yachaqkunaman willachimurqaku: Filisteokunam Tayta Diospa Arcanta kutirachimunku, chaynaqa hamuspayá apaychik, nispanku.

Quechua Ayacucho Bible 1987

²¹ Willakuqkunatam kacharqaku Quiriat-jearim llaqtapi *f**yachaqkunaman: —Filistea runakunam kutirachimunku Tayta Diospa baulninta chaynaqa hamuspayá apaychik —nispa.

Chuya Qellqa 1992

²¹ Hinaspam Quiriat-jearim llaqtapi yachaqkunaman willachimurqaku: Filisteokunam Tayta Diospa Arcanta kutirachimunku, chaynaqa hamuspayá apaychik, nispanku.

1~Samuel 6:21 Iomraidhean Croise

2~Samuel 6:2

hinaspam llapallan tropankunapiwan Judá lawpi Baala llaqtaman pasarqaku Diospa Arcanta chay lugarmanta Jerusalenman apanankupaq. Chay Arcapim Diospa sutinta mañakuqku. Chaypitaqmi querubinkunapa chawpinpi Tukuy Atiyniyuq Tayta Diosqa munaychakuq.

Jeremías 26:20

Quiriat-jearim llaqtayuq Semaiaspa churin profeta Uriaspas, Jeremiaspa nisqanta hinallam kay llaqtapa chaynataq kay nacionpa contranpi, Tayta Diospa sutinpi rimarqa.

Jeremías 7:12

Ñawpaq watakunapi yachasqay Silo llaqtaman riychik, Israel runaykunata mana allin ruwasqankumanta imam ruwasqayta qawamuychik.

Jeremías 7:14

Chayraykum kay hapipakunaykichik templotapas, qamkunamanwan ñawpaq taytaykichikkunaman qosqay templotapas, Silo llaqtapi santuariota hina purmachisaq.

Josué 15:60

Quiriat-baal otaq Quiriat-jearim hinaspa Rabá. Iskay llaqtakuna taksa llaqtankunapiwan.

Josué 15:9

chay orqomantam Neftoa pukyukunapa ñawinkama muyumurqa, hinaspam Efrón orqopi llaqtakunapa kasqankama chayaspan Baala llaqtaman kutimurqa. Baala llaqtapa huknin sutinmi karqa Quiriat-jearim.

Josué 18:14

Hinaspam Mediterráneo lamar qocha lawman muyumurqa Bet-horón llaqtapa chimpan orqopa sur lawninta Quiriat-baal llaqtakama otaq Quiriat-jearim llaqtakama. Chay llaqtaqa Judá ayllupam karqa. Chay llaqtakunawanmi intipa seqaykunan lawman tupanakurqa.

Josué 9:17

Chayraykum Israelpa mirayninkuna lloqsiruspanku chay sakri runakunapa llaqtanku Gabaon-man, Cafiraman, Beerotman hinaspa Quiriat-jearimman kimsa punchawpi chayarurqaku.

Jueces 18:12

Judá lawman chayaruspankum Quiriat-jearim llaqtapa hichpanpi otaq intipa seqaykunan lawpim campamentonkuta sayarachirqaku, hinaspam chaypi “Danpa Campamentonwan” suticharqaku, kunankamapas hina chaynam sutin.