1~Samuel 6:2 - CHUYA QELLQA La Biblia en Quechua de Ayacucho 2012

² Chaymi filisteokuna, sacerdotekunata chaynataq qatipaqkunata tapunankupaq qayachirqaku: ¿Imatataq Diospa Arcanwan ruwasunchik? Willaykuwayku, ¿imaynatataq maymi kasqanman kutichichwanchik? nispa.

Quechua Ayacucho Bible 1987

² Filistea runakunam qayachirqaku sacerdotekunatawan adivinokunata hinaspam tapurqaku: —¿Imatataq rurasunchik Tayta Diospa baulninwanqa? ¿Imaynatataq kutichichwanchik maymi kasqanmanqa? —nispa.

Chuya Qellqa 1992

² Chaymi filisteokuna, sacerdotekunata chaynataq qatipaqkunata tapunankupaq qayachirqaku: ¿Imatataq Diospa Arcanwan ruwasunchik? willaykuwayku, ¿imaynatataq maymi kasqanman kutichichwanchik? nispa.

1~Samuel 6:2 Iomraidhean Croise

Génesis 41:8

Chaymi Faraonqa paqarinnintin punchawta llumpay hukmanyasqallaña kaspa, Egipto nacionpi layqakunata chaynataq yachayniyuqkunata qayachirqa. Hinaspam mosqoyninta willakurqa, ichaqa manam mayqanninkupas mosqoyninpa imam ninantaqa willayta atirqakuchu.

Éxodo 7:11

Faraonpas yachaysapa runakunatawan layqakunata qayachiptinmi, Egipto nacionniyuq layqakunapas layqayninkuwan chaynata ruwarqaku.

Isaías 2:6

Diosnilláy, runaykikunatam saqerunki, Jacobpa mirayninkunatam saqerunki. Intipa lloqsimunan lawpi layqakunapa huntasqan kasqanrayku, Filistea llaqta hina qatipaqkunapa huntasqan kasqanrayku, huklaw llaqtayuq runakunawan hukllawakurusqankurayku.

Daniel 2:2

Hinaspam layqakunata, qatipaqkunata, qawaqkunata qayachirqa, qayachirqataqmi Caldea runakunamanta yachayniyuqkunatapas; chaynapim paykunaqa reypa qayllanman hamurqaku.

Daniel 5:7

Chaymi qaparispan qayachirqa qawaqkunata, Caldeapi yachayniyuq-kunata hinaspa adivinaqkunata. Payku-natam nirqa: Wak qellqata leey atiqqa chaynataq imam ninanta willaykuwaqniyqa sumaqllaña grosella pachawan pachachisqam kanqa, kunkanmanpas qorimanta collarwanmi wallqachisaq, munaychakuyniypipas payqa kimsa kaq kamachikuqmi kanqa, nispa.

Mateo 2:4

Chaynapim rey Herodesqa sacerdotekunapa kamachiqninkunatawan Diospa leynin yachachiqkunata qayachispan maypim Cristo nacenanmanta tapurqa.

1~Samuel 5:8

Chaymi Filisteapi kamachikuqkunata qayachispanku tapurqaku: ¿Imatataq Israelpa Diosninpa Arcanwan ruwasunchik? nispanku. Paykunañataqmi nirqaku: Gat llaqtaman aparuychik, nispanku. Hinaptinmi Israelpa Diosninpa Arcanta Gat llaqtaman aparurqaku.

1~Samuel 6:1

Tayta Diospa Arcanmi filisteokunapa allpanpi qanchis killa tarikurqa.