1~Samuel 6:17 - CHUYA QELLQA La Biblia en Quechua de Ayacucho 2012

¹⁷ Tayta Diosman filisteokunapa huchankumanta ofrecesqanku, tumorman rikchakuq pichqa qori alhajakunam kay llaqtakunamanta karqa: Asdod, Gaza, Ascalón, Gat hinaspa Ecrón llaqtamanta.

Quechua Ayacucho Bible 1987

¹⁷ Chay chupuman rikchakuq qori alhajakunata ofreceq Filistea llaqtakunam karqa pichqa: huknin qori alhajam karqa Asdod llaqtamanta, hukninñataq Gaza llaqtamanta, hukninñataq Ascalon llaqtamanta, huninñataq Gat llaqtamanta hinaspa hukninñataq Ecron llaqtamanta. Chaynaqa huchankumantamá Tayta Diosman pagarqaku chupuman rikchakuq pichqa qori alhajakunata.

Chuya Qellqa 1992

¹⁷ Tayta Diosman filisteokunapa huchankumanta ofrecesqanku, tumorman rikchakuq pichqa qori alhajakunam kay llaqtakunamanta karqa: Asdod, Gaza, Ascalón, Gat hinaspa Ecrón llaqtamanta.

1~Samuel 6:17 Iomraidhean Croise

2~Samuel 1:20

Gat llaqtapiqa amam willakunkichikchu, Ascalón llaqtapa callenkunapiqa amam willakunkichikchu Filistea warmikunam kusikunmanku, Diosta mana reqsiq warmikunam kusikuymanta pawaykachanmanku.

2~Samuel 21:22

Chay tawankum Gat llaqtayuq Rafa sutiyuq runapa miraynin karqaku. Paykunatam Davidwan soldadonkuna wañurachirqaku.

2~Reyes 1:2

Rey Ocoziasmi Samariapi palacionpa altosninpi ventananmanta wichiykamuspan onqorurqa, chaymi runankunata kamachispan nirqa: Rispaykichik Ecrón llaqtapa diosnin Baal-zebubta tapumuychik, kay onqosqaymanta sanoyasaqraqchu icha manañachu, nispa.

2~Crónicas 26:6

Uziasmi filisteokunawan peleananpaq lloqsispan Gat llaqtapa, Jabnia llaqtapa hinaspa Asdod llaqtapa murallankunata tuñirachirqa; hinaspam Asdod llaqtapiwan filisteokunapa allpanpipas llaqtakunata hatarichirqa.

Jeremías 25:20

Egipto nacionpi huklaw llaqtayuqkunamanpas; Uz nacionpi reykunamanpas, Filistea lawpi kaq Ascalón, Gaza, Ecrón chaynataq Asdod llaqtakunapa reyninkunamanpas;

Levítico 5:7

Sichum chay runapa oveja rantinanpaq mana qollqen kaptinqa ñoqa Tayta Diosmanmi apamuwanqa iskay qoqñuta otaq iskay mallqo palomata. Hukninmi huchan pampachana ofrendapaq kanqa, hukninñataqmi lliw kaña sacrificiopaq.

Amós 1:6

Tayta Diosmi kaynata nin: Gaza llaqtapi yachaqkunatam llumpa-llumpay huchankumanta castigasaqpuni. Llaqtantin runakunata presocharuspa Edom llaqtapi esclavopaq rantikusqankumanta.

Amós 6:2

Calne llaqtanta pasaspayá qawaykuychik, chaymanta Hamat llaqtaman rispayá Filistea nacionpi Gat llaqtaman uraykuychik. ¿Kay nacionkunamanta aswan atiyniyuqchu kankichik? ¿Allpaykichikpas paykunapamanta aswan hatunchu?

Deuteronomio 28:27

Tayta Diosqa Egipto runakunata hinam chupuwan, amoqllowan, sarnawan chaynataq seqsipakuykunawan mana hampikuypas atinaykichikkama ñakarichisunkichik;

Jueces 1:18

Judá ayllukunam Gaza llaqtata Ascalón llaqtata, Ecrón llaqtata chaynataq muyuriqninpi allpakunatapas hapikuykurqaku.

Jueces 14:19

Tayta Diospa Espiritun Sansonman huntaykuptinmi, Ascalón llaqtaman rispan, paykunapa castanmanta kimsa chunka qarikunata wañurachirqa. Paykunamanta qechumuspanmi, watuchipa imam ni-nanta willaqninkunaman fiesta pachakunata qoykurqa, hinaspam llumpay piñasqa taytanpa wasinman kutikurqa.

Jueces 16:1

Gaza llaqtaman Sansón rispanmi, huk chuchumika warmita rikururqa, hinaspam paywan puñurqa.

Jueces 16:21

Filisteokunañataqmi Sansonta hapiruspanku ñawinkunata hurqorurqaku, hinaspam Gaza llaqtaman aparqaku, chaypim broncemanta cadenawan wataruspanku carcelpi kaq molinopi kutachirqaku.

1~Samuel 5:1

Filisteokunam Diospa Arcanta qechuruspanku Eben-ezer sitiomanta Asdod llaqtaman aparqaku.

1~Samuel 5:10

Chaymi filisteokunaqa Diospa Arcanta aparachirqaku Ecrón llaqtamanña, ichaqa chayaruptinkum Ecrón runakuna qaparirqaku kaynata: ¡Israel runakunapa Diosninpa Arcantam aparamuwanchik llaqtantinta wañurachiwananchikpaq! nispanku.

1~Samuel 5:8

Chaymi Filisteapi kamachikuqkunata qayachispanku tapurqaku: ¿Imatataq Israelpa Diosninpa Arcanwan ruwasunchik? nispanku. Paykunañataqmi nirqaku: Gat llaqtaman aparuychik, nispanku. Hinaptinmi Israelpa Diosninpa Arcanta Gat llaqtaman aparurqaku.

1~Samuel 6:4

Hinaptinmi filisteokunañataq nirqaku: ¿Imatataq huchallikusqaykumanta pagasaqku? nispanku. Chaymi paykunañataq nirqaku: Filisteokunapa pichqa kamachiqninkunaman hina, qoychik tumorman rikchakuq pichqa qori alhajakunata chaynataq qorimanta ruwasqa pichqa ukuchakunatapas, chay onqoyllawan lliwpas ñakarisqaykichikrayku.