1~Samuel 6:14 - CHUYA QELLQA La Biblia en Quechua de Ayacucho 2012

¹⁴ Chay carretam sayarurqa hatun rumipa waqtanpi, Josueypa chakran patanpi, Bet-semes llaqtapi, chaymi Bet-semes llaqtayuqkunaqa carretata yantaruspanku, vacakunata kañaspanku Tayta Diosman ofrecerqaku.

Quechua Ayacucho Bible 1987

¹⁴ Chay carretamá Bet-semes llaqta lawpi Josueypa chakrankunaman chayaruspan chaypi sayarurqa. Chaypim karqa huk hatu-hatun rumi. Hinaptinmi chay Bet-semes llaqtayoqkuna chay carretata yantapaq chitqarurqaku. Chay vacakunatañataqmi lliwta kañaspa Tayta Diosman ofrecerqaku.

Chuya Qellqa 1992

¹⁴ Chay carretam sayarurqa hatun rumipa waqtanpi, Josueypa chakran patanpi, Bet-semes llaqtapi, chaymi Bet-semes llaqtayuqkunaqa carretata yantaruspanku, vacakunata kañaspanku Tayta Diosman ofrecerqaku.

1~Samuel 6:14 Iomraidhean Croise

2~Samuel 24:18

Chay punchawmi Davidpaman rispan Gad nirqa: Jebús casta Araunapa eranman rispayki chaypi Tayta Diospaq altarta hatarichimuy, nispa.

2~Samuel 24:22

Araunañataqmi nirqa: Reynilláy kayqaya eraqa, munasqaykiman hina ruway, kayqaya torokunapas wañuchispa sacrificanaykipaq, trillanakunapas chaynataq yugokunapas yantapaq.

2~Samuel 24:25

Chaypim altarta Tayta Diospaq hatarichispa animalkunata wañuchispa kañapurqa, qorqataqmi Dioswan allinlla kasqanmanta ofrendatapas. Chaymi Israel nacionpa favorninpi ruegakusqanta uyariykuspan peste onqoyta Tayta Dios tanirachirqa.

1~Reyes 19:21

Kutiruspanmi Eliseoqa iskay yunda torokunata nakarurqa, takllankunawan yugonkunawanñataqmi aychata yanururqa, hinaspam runakunaman mikurachirqa. Chaynata ruwaruspanmi Eliasta qatikurqa paytaña servinanpaq.

Éxodo 20:24

Altarniytaqa allpamantam ruwanki, hinaspam animalkunata wañuchispayki chaypi lliwta kañanki, chaypitaqmi wañuchinki ovejaykikunatawan vacaykikunatapas chaynataq ñoqawan allinlla kasqaykimanta ofrendakunatapas. Ñoqam hamuspay sitiota akllasaq, sutiyta chaypi yuyarinaykichikpaq, hinaspaymi chaypi bendecisqaykichik.

Jueces 21:4

Paqarinnintin punchawmi tutapayta hatariruspanku, altarta chaypi ruwaspanku lliw kañanapaq animalkunatawan allinlla kasqankumanta ofrendakunata ofrecerqaku.

Jueces 6:26

Wak moqopa hawanpi, ñoqa Tayta Diospaq altarta ruwapamuway hinaspa allinnin torota wañuchipuwaspayki kullumanta Asera idolotapas yantaspayki chaywan lliw kañana sacrificiota ofrecemuway, nispa.

1~Samuel 11:5

Chayllamanmi Saulqa chakramanta chayaramurqa torokunata qatirikuspa, hinaspam tapukurqa: ¿Imanasqataq llapa runakuna wa-qachkanku? nispa. Chaymi Saulman Jabes llaqtayuq runakunapa noticia apamusqanta willaykurqaku.

1~Samuel 20:29

kaynata nispa: “Wawqeymi kamachimusqa rinaypaq, hinatayá rirusaq aylluymi sacrificiota Tayta Diosman ofrecenqa, chayraykum mañakuyki ayllukunata huk ratollapas watukaramunaypaq”, nispan. Chaymi payqa reywan mikunanpaq mana hamurqachu, nispa.

1~Samuel 6:13

Bet-semes llaqtayuq runakunam qechwanpi trigota rutuchkarqaku, paykunam qawarispa Arcata rikururqaku, chaymi anchallataña kusikurqaku.

1~Samuel 6:18

Ukuchaman rikchakuq qori alhajakunañataqmi qosqa karqa filisteokunapa pichqantin kamachiqninkupa rantinpi chaynataq hatun llaqtakunapa, mana murallasqa taksa llaqtachakunapa rantinpipas. Tayta Diospa Arcanta churasqanku hatun rumim Josueypa chakranpi tarikun, Bet-semes llaqtapi, chayqa hinallaraqmi kachkan kunankamapas.