1~Samuel 5:9 - CHUYA QELLQA La Biblia en Quechua de Ayacucho 2012

⁹ Ichaqa chay llaqtaman aparuptinkum, Tayta Diosñataq chay llaqtapi yachaqkunata llumpayta chaqwarachirqa, taksamanta hatunkama tumor onqoywan.

Quechua Ayacucho Bible 1987

⁹ Ichaqa chay llaqtaman aparuptinkum paykunata anchallataña Tayta Dios chaqwarachirqa. Chay llaqtapi *f**yachaqkunatam taksamanta hatunkama chupupakuy onqoywan hapirachirqa.

Chuya Qellqa 1992

⁹ Ichaqa chay llaqtaman aparuptinkum, Tayta Diosñataq chay llaqtapi yachaqkunata llumpayta chaqwarachirqa, taksamanta hatunkama tumor onqoywan.

1~Samuel 5:9 Iomraidhean Croise

Amós 5:19

Imaynam leonmanta ayqespan ukumariwan tuparunman, otaq wasinman yaykuspa perqaman tawnapakuykuptin maqta uru kachurunman, chaynapunim chay punchawqa kanqa.

Deuteronomio 2:15

Tayta Diospa piñakuyninmi lliw wañunankukama paykunapa contranpi karqa.

1~Samuel 12:15

Tayta Diospa rimarisqanta mana uyarispa kamachikuyninkunatapas mana kasukuptikichikmi ichaqa, ñawpaq taytaykichikta hina Tayta Dios castigasunkichik.

1~Samuel 5:10

Chaymi filisteokunaqa Diospa Arcanta aparachirqaku Ecrón llaqtamanña, ichaqa chayaruptinkum Ecrón runakuna qaparirqaku kaynata: ¡Israel runakunapa Diosninpa Arcantam aparamuwanchik llaqtantinta wañurachiwananchikpaq! nispanku.

1~Samuel 5:11

Chaymi Filisteapi kamachikuqkuna huñunakuruspanku ninakurqaku: Israel runakunapa Diosninpa Arcanta maymi kasqanman kutichikchik, chaynapi ama llapanchikta wañurachiwananchikpaq, nispanku. Chaynataqa nirqaku runakunata Tayta Dios llumpayta ñakarichiptin nisyuta mancharikusqankuraykum.

1~Samuel 5:6

Tayta Diosñataqmi Asdod llaqtapi runakunata chaynataq muyuriqninpi llaqtakunatapas tumor onqoywan castigarqa, chaymi llapallanku ñakariykurqaku.

1~Samuel 6:11

Hinaspam Tayta Diospa Arcanta carretaman churarqaku chaynataq cofrepi ukuchaman rikchakuq qori alhajakunatawan tumorman rikchakuq qori alhajakunatapas.

1~Samuel 7:13

Filisteokuna chayna humillachisqa karuspankum manaña huktawanqa kutimurqakuchu Israel runakunapa allpanmanqa; Samuelpa wañukunan punchawkamam Diospa makinqa filisteokunapa contranpi karqa.