1~Samuel 5:6 - CHUYA QELLQA La Biblia en Quechua de Ayacucho 2012

⁶ Tayta Diosñataqmi Asdod llaqtapi runakunata chaynataq muyuriqninpi llaqtakunatapas tumor onqoywan castigarqa, chaymi llapallanku ñakariykurqaku.

Quechua Ayacucho Bible 1987

⁶ Chaymantam Tayta Diosqa Asdod llaqtayoqkunata sinchillataña castigarqa. Manchakuymi yaykururqa Asdod llaqtayoqkunaman chaynataq vecinonkunamanpas. Paykunatam chupupakuy onqoywan hapirachirqa.

Chuya Qellqa 1992

⁶ Tayta Diosñataqmi Asdod llaqtapi runakunata chaynataq muyuriqninpi llaqtakunatapas tumor onqoywan castigarqa, chaymi llapallanku ñakariykurqaku.

1~Samuel 5:6 Iomraidhean Croise

Génesis 41:31

Ñawpaq sumaqllaña cosechakunatapas manañam rikunqakuñachu, llumpay muchuy kasqanrayku.

Jobwan Sutichasqa Libro 31:3

¿Manachum llakikuyqa mana allin runakunapaq? ¿Manachum sasachakuyqa mana allin ruwaqkunapaq?

Éxodo 9:3

ñoqa Tayta Diosmi manchakuypaq peste onqoywan llapallan campopi animalkunata castigasaq, hinaptinmi caballokuna, asnokuna, camellokuna, vacakuna hinaspa ovejakunapas wañunqaku.

Hechos 13:11

Kunanmi Señor castigasunki, ñawsayaruspaykim unay punchawkuna intipa kanchaynintapas mana rikunkichu, nispa. Hinaptinmi chayllapuni tutayaypi rikurirurqa, chaymi manaña rikukuspan, tampikachaspan pipas makinmanta pusaqninta maskarqa.

Deuteronomio 28:27

Tayta Diosqa Egipto runakunata hinam chupuwan, amoqllowan, sarnawan chaynataq seqsipakuykunawan mana hampikuypas atinaykichikkama ñakarichisunkichik;

1~Samuel 5:11

Chaymi Filisteapi kamachikuqkuna huñunakuruspanku ninakurqaku: Israel runakunapa Diosninpa Arcanta maymi kasqanman kutichikchik, chaynapi ama llapanchikta wañurachiwananchikpaq, nispanku. Chaynataqa nirqaku runakunata Tayta Dios llumpayta ñakarichiptin nisyuta mancharikusqankuraykum.

1~Samuel 5:7

Chayta qawaykuspankum Asdod llaqtayuqkuna nirqaku: Israel runakunapa Diosninpa Arcanqa amaña ñoqanchikwanqa kachunchu, llumpaytam ñakarichiwachkanchik, chaynallataq diosninchik Dagontapas, nispanku.

1~Samuel 5:9

Ichaqa chay llaqtaman aparuptinkum, Tayta Diosñataq chay llaqtapi yachaqkunata llumpayta chaqwarachirqa, taksamanta hatunkama tumor onqoywan.