1~Samuel 4:4 - CHUYA QELLQA La Biblia en Quechua de Ayacucho 2012

⁴ Chaynapim runakunata Silo llaqtaman kacharqaku, querubinkunapa chawpinpi tiyakuq Tukuy Atiyniyuq Tayta Diospa contrato ruwasqan Arcata apamunankupaq; Eliypa churin Ofniwan Fineespas Arcawan kuskam hamurqaku.

Quechua Ayacucho Bible 1987

⁴ Chaynapim Silo llaqtaman runakunata kacharqaku. Chay llaqtamantam apamurqaku Llapallan Kamachiq Tayta Diospa contrato rurasqan baulta. Chaypim payqa tiyan querubin sutiyoq angelkunapa chawpinpi. Eliypa churin Ofniwan Fineespas compañarqakum Diospa contrato rurasqan baulta.

Chuya Qellqa 1992

⁴ Chaynapim runakunata Silo llaqtaman kacharqaku, querubinkunapa chawpinpi tiyakuq Tukuy Atiyniyuq Tayta Diospa contrato ruwasqan Arcata apamunankupaq; Eliypa churin Ofniwan Fineespas Arcawan kuskam hamurqaku.

1~Samuel 4:4 Iomraidhean Croise

2~Samuel 15:24

Sacerdote Sadocpas Diospa pacto ruwasqan Arcata apaq Leví ayllukunawan kuskam rirqaku, hinaspam sacerdote Abiatarpa qayllanpi Arcata churaykurqaku, llaqtamanta runakuna lloqsiyta tukunankukama.

2~Samuel 6:2

hinaspam llapallan tropankunapiwan Judá lawpi Baala llaqtaman pasarqaku Diospa Arcanta chay lugarmanta Jerusalenman apanankupaq. Chay Arcapim Diospa sutinta mañakuqku. Chaypitaqmi querubinkunapa chawpinpi Tukuy Atiyniyuq Tayta Diosqa munaychakuq.

2~Reyes 19:15

Tayta Diospa qayllanpi kaynata mañakurqa: Querubinkunapa chawpinpi yachaq Israelpa Tukuy Atiyniyuq Diosnin, qamllam kanki kay pachapi llapallan nacionkunapi munaychakuq Diosqa. Qanmi ruwarqanki hanaq pachatapas hinaspa kay pachatapas.

Isaías 37:16

Querubinkunapa chawpinpi yachaq Israelpa Tukuy Atiyniyuq Diosnin, qamllam kanki llapallan nacionkunapi munaychakuqqa. Qanmi ruwarqanki hanaq pachatapas chaynataq kay pachatapas.

Malaquías 1:9

Chaynaqa, llakipayariwananchik-paq Tayta Diosta kunan mañakuychik. Ichaqa, chayna mana valeq ofrendakunata qochkaspaykichikqa, amayá piensaychikchu Diospas kusikuywanraq chaskiykusunaykichiktaqa. Tukuy Atiyniyuq Tayta Diosmi kaynata nin:

Números 4:15

Santuariopi llapa serviciokunata huklawman apanankupaq Aaronwan churinkuna tapayta tukuruptinkum, Coatpa mirayninkuna yaykuspanku apanqaku. Ñoqapaq sapaqchasqa kaqkunatam ichaqa ama llapchanqakuchu, chaynapi ama wañurunankupaq. Chaynaqa, ñoqaman asuykuwanaykichik carpapi kaq tukuy ima kaqkunatam Coatpa mirayninkuna apanqaku.

Números 4:5

Israelpa mirayninkuna huklawman astakuptinkum, Aaronwan churinkuna carpa rakinaq velota hurqonqaku, hinaspam Arcata chaywan tapanqaku.

Números 7:89

Diosman asuykuna carpamanmi Moisés yaykurqa Dioswan rimananpaq, hinaptinmi chunkantin kamachikuykuna waqaychana Arcapa tapanmanta otaq querubinkunapa chawpinmanta Moisesta Tayta Dios rimapayamuq. Chaynatam Moiseswan Tayta Dios rimaq.

1~Samuel 1:24

Wawata anukaruspanmi, taksallaraq kachkaptin, Silo llaqtapi Diospa wasinman Samuelta pusarqa, aparqataqmi kimsa watayuq torillotapas, iskay chunka iskayniyuq kilo harinatapas chaynataq huk puyñupi vinotapas.

1~Samuel 14:3

Tayta Diospa sacerdotenmi karqa Ahitobpa churin Ahías, paymi efodwan churakusqa karqa. Ahitobqa karqa Icabodpa wawqenmi, Icabodñataqmi karqa Fineespa churin hinaspa Silo llaqtapi Tayta Diospa sacerdoten Eliypa willkan. Manam pipas yacharqachu Jonatanpa pasakusqantaqa.

1~Samuel 2:22

Sacerdote Eliymi llumpay machuña karqa, yacharqam churinkunapa Israel runakunawan millay hucha ruwasqankuta, yacharqataqmi Diosman asuykuna carpapa punkunpi serviq warmikunawan puñukusqankutapas.