1~Samuel 4:2 - CHUYA QELLQA La Biblia en Quechua de Ayacucho 2012

² Chaymantam filisteokuna rirqaku Israelpa mirayninkunawan guerrapi peleanankupaq. Hinaspam Israelpa mirayninkunata venceruspanku tawa waranqa runakunata wañurachirqaku.

Quechua Ayacucho Bible 1987

² Filistea runakunam kinrayninman chutarikurqaku Israel casta runakunawan peleanankupaq. Peleayta qallaykuptinkum Israel casta runakunata Filistea runakuna vencerurqa. Chay peleasqanku pampapim wañurachirqaku tawa waranqa runakunata Israel castamanta.

Chuya Qellqa 1992

² Chaymantam filisteokuna rirqaku Israelpa mirayninkunawan guerrapi peleanankupaq. Hinaspam Israelpa mirayninkunata venceruspanku tawa waranqa runakunata wañurachirqaku.

1~Samuel 4:2 Iomraidhean Croise

Lamentaciones 3:40

Imaynam kawsasqanchiktayá allinta qawarikusun, huktawanyá Tayta Diosman kutirikusun.

Levítico 26:37

Mana pipas qatichkaptillanmi guerramanta lluptichkaq hina kallpaspanku kikinkupura urmachinakunqaku, manam mayqanninkupas enemigonku kutipakuyta atinqakuchu.

Números 14:45

Hinaptinmi orqopi yachaq amalecitakunawan cananeokuna lloqsiramuspanku chay orqoman riq runakunata pasaypaqta venceramurqaku hinaspam Horma lawkama qatiramurqaku.

Josué 7:12

Chayraykum Israelpa mirayninkunaqa enemigonkuna venceyta manaña atinqakuchu, aswanqa enemigonkupa ñawpaqninmantam ayqenqaku, paykunapas chinkachisqa kanankupaq ñakasqaña kasqankurayku. Sichum qamkuna chay ñakasqa kaqkunata mana chinkachiptikichikqa manam yanapasqaykichikñachu.

1~Samuel 17:21

Hi-naspam Israel tropakuna Filistea tropa-kunawan guerrapi peleanankupaq chimpa-chimpa churakuykurqaku.

1~Samuel 17:8

Goliatmi sayarispan qapariywan Israel tropakunata nirqa: ¿Imapaqtaq guerrapaq hinaraq churakurunkichik? ¿Manachu ñoqaqa kani filisteo runa, qamkunañataq Saulpa serviqninkuna? Chaynaqa, hukkaqnikichiktayá ñoqawan peleananpaq akllaychik.

1~Samuel 4:1

Chay tiempopim filisteokuna huñunakururqaku Israelpa mirayninkunawan guerrapi peleanankupaq, chaymi Israelpa mirayninkuna lloqsispanku carpankuta sayachirqaku Eben-ezerpa hichpanpi. Filisteokunañataqmi carpankuta sayachirqaku Afec llaqtapi.

1~Samuel 4:10

Chaymi filisteokuna peleaspanku Israel runakunata vencerurqaku, hinaptinmi Israel tropakuna kayman chayman ayqekurqaku. Achka-achka runakuna chaypi wañuruptinmi, Israelpa kimsa chunka waranqa chakiwan puriq tropankuna wañururqaku.

1~Samuel 4:3

Chaymi Israelpa tropankuna campamentoman kutiykuptinku ancianokuna nirqaku: ¿Imanasqataq Tayta Diosqa filisteokunawan vencerachiwanchik? Rispanchik Silo llaqtamanta aparamusunchik Diospa contrato ruwasqan Arcata, chaynapi chawpinchikta rispan enemigonchikkunamanta salvawananchikpaq, nispanku.