1~Samuel 4:19 - CHUYA QELLQA La Biblia en Quechua de Ayacucho 2012

¹⁹ Eliypa llumchuyninmi otaq Fineespa warminmi wiksayuq kaspan onqonan hichpapiña kachkarqa. Diospa Arcanta qechurusqankuta chaynataq suegronpas qosanpas wañukusqanta yachaykuspanmi, wachakuywan hapirachikurqa, hinaspanmi chay ratolla wachakururqa.

Quechua Ayacucho Bible 1987

¹⁹ Llumchuynintañataqmi wachakuy hapirurqa. Chay llumchuyninqa karqa Fineespa warminmi. Paymi wiksayoq kaspan onqonan hichpapiña kachkarqa. Diospa baulnin qechusqa kasqantam uyarirurqa, uyarirurqataqmi suegronpa hinaspa qosanpa wañukusqantapas chaymi kallpanchakuykuspan wachakururqa.

Chuya Qellqa 1992

¹⁹ Eliypa llumchuyninmi otaq Fineespa warminmi wiksayuq kaspan onqonan hichpapiña kachkarqa. Diospa Arcanta qechurusqankuta chaynataq suegronpas qosanpas wañukusqanta yachaykuspanmi, wachakuywan hapirachikurqa, hinaspanmi chay ratolla wachakururqa.

1~Samuel 4:19 Iomraidhean Croise

Génesis 3:16

Warmitañataqmi nirqa: Wiksayakuptikim nanaynikikunata mirachisaq, llumpay nanaywanmi wachakunki. Munakuynikim qosaykipaq kanqa, payñataqmi qampi munaychakunqa, nispa.

Génesis 35:17

Wachakuspa sinchita ñakariptinmi partera nirqa: Ama manchakuychu, kay wawaykipas qarim kasqa, nispa.

1~Reyes 14:1

Chay tiempopim Jeroboampa churin Abías onqorurqa,

Jeremías 26:6

Silo llaqtapi ruwasqayta hinam kay templotapas purmarachisaq. Kay Jerusalén llaqtatapas llapallan nacionkuna qawananpaqmi ñakasaq, nispa.

1~Samuel 4:18

Diospa Arcanmanta willaykuptinmi, Eliyqa tiyasqanmanta punku lawman qepaman wichiykurqa, hinaspam umanta takakuruspam yuyaqña kasqanrayku chaylla wañukurqa. Payqa tawa chunka watam Israel runakunapa kamachiqnin karqa.

1~Samuel 4:20

Wachakuywan wañuy patanpiña kachkaptinmi yanapaqninkuna nirqaku: Ama manchakuychu, qari wawatam wachakurunki, nispanku. Paymi ichaqa manaña imatapas nirqachu nitaqmi musyakurqañachu.