1~Samuel 4:18 - CHUYA QELLQA La Biblia en Quechua de Ayacucho 2012

¹⁸ Diospa Arcanmanta willaykuptinmi, Eliyqa tiyasqanmanta punku lawman qepaman wichiykurqa, hinaspam umanta takakuruspam yuyaqña kasqanrayku chaylla wañukurqa. Payqa tawa chunka watam Israel runakunapa kamachiqnin karqa.

Quechua Ayacucho Bible 1987

¹⁸ Diospa baulninmanta willaykuptinmi sillamanta Eliy wichiykurqa. Wichiykurqaqa qepan lawmanmi zaguan punkupa ladonpi chaymi llasaq cuerpo machuña kasqanrayku kunkanta pakiruspan wañukurqa. Payqa tawa chunka watapunim Israel casta runakunapa jefen karqa.

Chuya Qellqa 1992

¹⁸ Diospa Arcanmanta willaykuptinmi, Eliyqa tiyasqanmanta punku lawman qepaman wichiykurqa, hinaspam umanta takakuruspam yuyaqña kasqanrayku chaylla wañukurqa. Payqa tawa chunka watam Israel runakunapa kamachiqnin karqa.

1~Samuel 4:18 Iomraidhean Croise

Levítico 10:3

Hinaptinmi Tayta Diospa imam nisqanta Aaronman Moisés kaynata nirqa: Pipas asuykamuwaqniymanqa chuya kasqaytam qawachisaq, llapallan runakunapa qayllanpitaqmi yupaychasqa kasaq, nispa. Chaymi Aaronqa upallalla karqa.

Jueces 15:20

Sansonmi Israel nacionpi iskay chunka wata kamachikurqa, kamachikurqaqa filisteokunapa munaychakusqan watakunapim.

1~Samuel 4:13

Chayaruptinmi sacerdote Eliyqa uyan-uyanlla ñanpa patanpi tiyachkasqa. Paymi llumpay llakisqa kachkarqa Diospa contrato ruwasqan Arcamanta. Chay kallpaq runam llaqtanman chayaruspa willakurqa imam pasakusqanmanta, hinaptinmi llaqtantin runakuna qaparispa waqakurqaku.

1~Samuel 4:17

Hinaptinmi chay willakuqñataq nirqa: Israel runakunam filisteokunamanta lluptikunku, runakunapas achkallañam wañurunku. Churiki Ofniwan Fineespas iskayninkum wañurunku, Diospa Arcantapas filisteokunam qechuruwanku, nispa.

1~Samuel 4:19

Eliypa llumchuyninmi otaq Fineespa warminmi wiksayuq kaspan onqonan hichpapiña kachkarqa. Diospa Arcanta qechurusqankuta chaynataq suegronpas qosanpas wañukusqanta yachaykuspanmi, wachakuywan hapirachikurqa, hinaspanmi chay ratolla wachakururqa.