1~Samuel 4:13 - CHUYA QELLQA La Biblia en Quechua de Ayacucho 2012

¹³ Chayaruptinmi sacerdote Eliyqa uyan-uyanlla ñanpa patanpi tiyachkasqa. Paymi llumpay llakisqa kachkarqa Diospa contrato ruwasqan Arcamanta. Chay kallpaq runam llaqtanman chayaruspa willakurqa imam pasakusqanmanta, hinaptinmi llaqtantin runakuna qaparispa waqakurqaku.

Quechua Ayacucho Bible 1987

¹³ Chayaruptinmi sacerdote Eliyqa uyan-uyanlla ñanpa patanpi tiyachkasqa sillanpi. Paymi llumpay preocupasqa kachkarqa Diospa contrato rurasqan baulmanta. Chay kallpamuq runamá llaqtanman chayaruspan willaykurqa imam pasakusqanmanta hinaptinmi lliw llaqtantin runakuna qaparispa waqarqaku.

Chuya Qellqa 1992

¹³ Chayaruptinmi sacerdote Eliyqa uyan-uyanlla ñanpa patanpi tiyachkasqa. Paymi llumpay llakisqa kachkarqa Diospa contrato ruwasqan Arcamanta. Chay kallpaq runam llaqtanman chayaruspa willakurqa imam pasakusqanmanta, hinaptinmi llaqtantin runakuna qaparispa waqakurqaku.

1~Samuel 4:13 Iomraidhean Croise

Jeremías 48:19

Aroer llaqtapi yachaqkuna, ñanpa patanpi sayaykuspa qawaychik, wañuymanta lluptimuqkunata imam pasakusqanta tapuychik.

Josué 7:9

Canaán castakunawan kay allpapi yachaqkunachiki uyariruspanku muyuruwanqaku, hinaspachiki sutiykutapas kay pachamanta chinkarachinqaku. Hinaptinqa, ¿imatataq ruwanki ancha reqsisqa sutiki mana penqaypi kananpaq? nispa.

1~Samuel 1:9

Silo llaqtapi kachkaptinkum, Anaqa mikusqanmanta hatarirqa. Sacerdote Eliyñataqmi Diospa templonpa punkunpi tiyachkarqa.

1~Samuel 4:14

Qaparisqankuta uyarispanmi Elí nirqa: ¿Imanasqataq chaynataña qaparichkanku? nispa. Hinaptinmi chay runa utqayllamanña kallpaspan Eliyman willaykurqa.

1~Samuel 4:18

Diospa Arcanmanta willaykuptinmi, Eliyqa tiyasqanmanta punku lawman qepaman wichiykurqa, hinaspam umanta takakuruspam yuyaqña kasqanrayku chaylla wañukurqa. Payqa tawa chunka watam Israel runakunapa kamachiqnin karqa.