1~Samuel 31:7 - CHUYA QELLQA La Biblia en Quechua de Ayacucho 2012

⁷ Israel tropakunapa ayqekusqanta rikuruspankum chaynataq churinkunapiwan Saúl wañurusqanta yacharuspankum, chay qechwapa waklawninpi yachaq chaynataq Jordán mayupa intipa qespimunan lawninpi yachaq Israel runakuna llaqtankuta saqespa ayqekurqaku. Hinaptinmi filisteokunaña chaykunapi yachakurqaku.

Quechua Ayacucho Bible 1987

⁷ Chay qechwapa waklawninpi *f**yachaq Israel runakunam rikururqaku Israel tropakunaqa ayqekusqankuta. Rikurqakutaqmi Jordan Mayupa chimpanpi yachaqkunapas. Paykunam yacharurqakutaq Saulwan churinkunapas wañukusqankuta chaymi paykunapas yachasqanku llaqtakunamanta ayqekurqaku. Hinaptinmi Filistea runakunaña chayaruspanku chaykunapi *f**yachakurqaku.

Chuya Qellqa 1992

⁷ Israel tropakunapa ayqekusqanta rikuruspankum chaynataq churinkunapiwan Saúl wañurusqanta yacharuspankum, chay qechwapa waklawninpi yachaq chaynataq Jordán mayupa intipa qespimunan lawninpi yachaq Israel runakuna llaqtankuta saqespa ayqekurqaku. Hinaptinmi filisteokunaña chaykunapi yachakurqaku.

1~Samuel 31:7 Iomraidhean Croise

Levítico 26:32

Nacionnikichiktam purmarachisaq hinaptinmi chaypi yachananpaq hamuq enemigoykichikkunapas admirasqallaña qawanqaku.

Levítico 26:36

Qamkunamanta puchuqkunamanñataqmi, enemigonkupa allpanpi kaptinku sonqonkuman manchakuyta churasaq, hinaptinmi sachapa rapin wichiykuptillanpas guerramanta hinaraq ayqenqaku, ayqespankum mana pipa qatisqallan urmanqaku.

Deuteronomio 28:33

Chakraykimanta cosechasqaykikunatawan llamkaspa huñusqaykikunatapas mana reqsisqayki runakunam mikukunqaku. Sarutyasqa kaspam chaylla-chaylla ñakarinki.

Jueces 6:2

Madianitakunam Israelpa mirayninkunata ñakarichirqaku, hinaptinmi Israelpa mirayninkunaqa orqokunapi machaykunapi, qaqakunapi pakakunanku uchkukunata ruwarqaku.

1~Samuel 13:6

Filisteokuna llumpayta atacamuptinmi, Israel runakuna sasachakuypi rikurirurqaku, chaymi machaykunapi, uchkukunapi, qaqakunapi chaynataq chakisqa pozokunapi pakakurqaku.

1~Samuel 13:7

Wakin hebreo runakunañataqmi Jordán mayuta chimparuspa Gad allpaman chaynataq Galaad allpaman pasakurqaku. Saulmi ichaqa hina Gilgal llaqtallapi qeparurqa, tropankunañataqmi llumpay mancharisqallaña karqaku.

1~Samuel 31:6

Chay punchawllapim Saulqa kimsan churinkunapiwan, arman apaq soldadowan chaynataq llapallan runankunapiwan wañururqaku.

1~Samuel 31:8

Paqarinnintin punchawmi wañuqkunapa imantapas hoqarikamunankupaq Filistea soldadokuna lloqsirqaku, hinaspam Gilboa orqopi Saultawan churinkunata pampapi wañusqa chutarayachkaqta tarirurqaku.