1~Samuel 31:6 - CHUYA QELLQA La Biblia en Quechua de Ayacucho 2012

⁶ Chay punchawllapim Saulqa kimsan churinkunapiwan, arman apaq soldadowan chaynataq llapallan runankunapiwan wañururqaku.

Quechua Ayacucho Bible 1987

⁶ Chaynatamá chay punchawpi Saul wañukurqa, wañukurqataqmi kimsan churinkunapas hinaspa arman apaq soldadowan llapallan runankunapas.

Chuya Qellqa 1992

⁶ Chay punchawllapim Saulqa kimsan churinkunapiwan, arman apaq soldadowan chaynataq llapallan runankunapiwan wañururqaku.

1~Samuel 31:6 Iomraidhean Croise

2~Samuel 1:1

Saulpa wañukusqanpa qepantam, Amalec runakunata vencerusqanmanta David kutiramuspan, iskay punchawña Siclag llaqtapi kachkarqa.

2~Samuel 1:12

Hinaspam Saulpa chaynataq churin Jonatanpa wañukusqanmanta, llumpayta waqaspanku tardeykuqkama ayunarqaku. Waqarqakutaqmi Tayta Diospa tropankuna vencesqa kasqanmantapas chaynataq Israel runakuna guerrapi wañusqankumantapas.

1~Crónicas 10:6

Chay punchawllapim Saulqa kimsan churinkunapiwan hinaspa llapallan ayllunkunapiwan wañururqaku.

Jueces 9:54

Chaymi arman apaq soldadota apurawman qayaspan nirqa: Espadaykita hurqospa wañurachiway, yanqam “Warmim wañurachin ninmanku”, nispa. Hinaptinmi arman apaq soldadonqa, espadawan tuksiruspa wañurachirqa.

1~Samuel 11:15

Chaymi llapa runakuna Gilgal llaqtaman rirqaku, chaynapim Diospa ñawpaqninpi paykunapa reynin kananpaq Saulta chaskirqaku, hinaspam hawkayay sacrificiota Diosman ofrecespanku Saulwan Israel runakuna kuskanku anchallataña kusikurqaku.

1~Samuel 12:17

Yachasqaykichikpi hinapas trigo rutuy tiempoqa manam paramunchu. Ichaqa Tayta Diostam ñoqa mañakusaq rayota toqyachimuspa parata chayachimunanpaq, chayraqmi yachankichik, rey mañakusqaykichikqa Tayta Diospa qayllanpi llumpay mana allin kasqanta.

1~Samuel 12:25

Sichum mana allinllapi kawsaptikichikqa, qamkunapas chaynataq reynikichikpas chinkachisqam kankichik.

1~Samuel 26:10

Tayta Diosraykum jurani, paymi yachan haykapim hinaspa imayna wañunantapas.

1~Samuel 28:19

Kunanmi Tayta Dios qamtawan Israel castakunata filisteokunapa makinman churasunkichik, hinaptinmi churikikunawan kuska ñoqawanña paqarin tarikunki. Israel tropakunatapas Tayta Diosmi filisteokunaman hapiykachinqa, nispa.

1~Samuel 31:5

Arman apaq soldadopas Saulpa wañurachikusqanta qawaykuspanmi espadanwan tuksikururqa, chaynapim paypas wañururqa.

1~Samuel 31:7

Israel tropakunapa ayqekusqanta rikuruspankum chaynataq churinkunapiwan Saúl wañurusqanta yacharuspankum, chay qechwapa waklawninpi yachaq chaynataq Jordán mayupa intipa qespimunan lawninpi yachaq Israel runakuna llaqtankuta saqespa ayqekurqaku. Hinaptinmi filisteokunaña chaykunapi yachakurqaku.