1~Samuel 31:4 - CHUYA QELLQA La Biblia en Quechua de Ayacucho 2012

⁴ Chaymi arman apaq soldadota Saúl nirqa: Espadaykita hurqospayki tuksiruway, manam munanichu wak mana señalasqa enemigoykuna tuksiruwaspa burlakuwananta, nispa. Ichaqa arman apaq soldadom llumpayta manchakusqanrayku tuksiyta mana munarqachu, hinaptinmi Saulqa kikinña espadanta hapiykuspan tuksikururqa.

Quechua Ayacucho Bible 1987

⁴ Chaymi arman apaq soldadota Saul nirqa: —Espadaykita horqospayki tuksiruway, manam ñoqaqa munanichu wak mana señalasqa enemigoykunaraq tuksiruwananta hinaspa burlakuwananta —nispa. Chaymi llumpayta manchakusqanrayku arman apaq soldadoqa mana munarqachu chay rurayta hinaptinmi Saulqa espadanta hapiykuspan kikinña tuksikururqa.

Chuya Qellqa 1992

⁴ Chaymi arman apaq soldadota Saúl nirqa: Espadaykita hurqospayki tuksiruway, manam munanichu wak mana señalasqa enemigoykuna tuksiruwaspa burlakuwananta, nispa. Ichaqa arman apaq soldadom llumpayta manchakusqanrayku tuksiyta mana munarqachu, hinaptinmi Saulqa kikinña espadanta hapiykuspan tuksikururqa.

1~Samuel 31:4 Iomraidhean Croise

2~Samuel 1:1

Saulpa wañukusqanpa qepantam, Amalec runakunata vencerusqanmanta David kutiramuspan, iskay punchawña Siclag llaqtapi kachkarqa.

2~Samuel 1:14

Davidñataqmi nirqa: ¿Imanasqataq Tayta Diospa akllasqan rey wañurachiyta mana manchakurqankichu? nispa.

2~Samuel 1:20

Gat llaqtapiqa amam willakunkichikchu, Ascalón llaqtapa callenkunapiqa amam willakunkichikchu Filistea warmikunam kusikunmanku, Diosta mana reqsiq warmikunam kusikuymanta pawaykachanmanku.

2~Samuel 1:6

Hinaptinmi chay joven nirqa: Qonqayta Gilboa moqopi kachkaspaymi, Saulta lanzanpi tawnapakuchkaqta rikururqani chaynataq enemigo tropakunapas carretakunapi caballokunapi paypa kasqanman chayaykuchkaqtaña.

2~Samuel 17:23

Ahitofelñataqmi consejasqanta Absalón mana kasukuptin, asnonta caronaykuspa llaqtanpi wasinman ripukurqa. Hinaspam llapa imanta allicharuspa, teqokuruspan wañururqa, chaymi abuelonpa sepulturanpi pamparurqaku.

2~Samuel 21:12

Saulpa chaynataq Jonatanpa tullunkunata David rispan apamurqa Galaad lawpi Jabes llaqtayuq runakunapa kasqanmanta. Paykunam suwarurqaku Bet-sán llaqtapa plazanmanta Saulpa chaynataq Jonatanpa ayanta, llapa filisteokuna Gilboa moqopi venceruspa warkurusqankuta.

1~Reyes 16:18

Zimriñataqmi vencesqaña kasqanta qawakuykuspan palacio ukuman yaykuruspan pakakururqa, hinaspam ukupi kachkaspan palaciota kañaykurqa, chaypim kikinpas ruparuspa wañururqa.

1~Reyes 16:27

Omripa imaynam kawsasqanpas chaynataq atiywan ruwasqankunaqa Israelpi reykunapa vidanmanta willakuq libropim qellqasqa kachkan.

1~Crónicas 10:4

Chaymi arman apaq soldadota Saúl nirqa: Espadaykita hurqospayki tuksiruway, manam munanichu wak qari kaynin mana señalasqa enemigoykuna tuksiruwaspa burlakuwananta, nispa. Arman apaq soldadom ichaqa llumpayta manchakusqanrayku wañuchiyta mana munarqachu, hinaptinmi Saulqa kikinña espadanta hapiykuspan tuksikururqa.

Jueces 14:3

Hinaptinmi tayta-maman nirqaku: ¿Manachu ayllunchikpi otaq nacionninchikpi warmi kan paywanraq casarakunaykipaq? ¿Imanasqataq Tayta Diosta mana reqsiq Filistea warmiwanraq casarakuyta munachkanki? nispanku. Chaymi taytanta Sansón nirqa: Chay sipasmi sonqoyta suwaruwan, casarakunaypaq payta hurqopamuwaychik, nispa.

Jueces 9:54

Chaymi arman apaq soldadota apurawman qayaspan nirqa: Espadaykita hurqospa wañurachiway, yanqam “Warmim wañurachin ninmanku”, nispa. Hinaptinmi arman apaq soldadonqa, espadawan tuksiruspa wañurachirqa.

1~Samuel 14:6

Jonatanmi arman apaq soldadota nirqa: Qari kayninpi mana señalasqa Filis-tea tropakunapa kasqanman chimparusunchik. Tayta Diosqa yanapay-kuwasunmi, Diospaqqa manam sasa-chu, achka runawan otaq asllawanpas salvawananchikpaqqa, nispa.

1~Samuel 17:26

Chaymi waqtanpi kaqkunata David tapurqa: ¿Imatataq wak filisteo runata wañu-chiqman hinaspa Israel tropakunapa penqayninta chinkachiqman qonqaku? ¿Pitaq wak mana señalasqa filisteoqa, kawsaq Diospa tropankunata insultananpaqqa? nispa.

1~Samuel 17:36

Leontapas otaq ukumaritapas kay qawasqayki serviqnikiqa wañuchiqmi kani. ¡Wak mana señalasqa filisteoqa chay animalkuna hinallam kachkan! ¿Imanasqamá payqa kawsaq Diospa tropankunataqa insultanqa?

1~Samuel 26:10

Tayta Diosraykum jurani, paymi yachan haykapim hinaspa imayna wañunantapas.

1~Samuel 31:5

Arman apaq soldadopas Saulpa wañurachikusqanta qawaykuspanmi espadanwan tuksikururqa, chaynapim paypas wañururqa.