1~Samuel 31:1 - CHUYA QELLQA La Biblia en Quechua de Ayacucho 2012

¹ Filistea tropakunam Israel tropa-kunawan pelearqaku, hinaptinmi Israel tropakuna ayqekuyta qallaykus-panku Gilboa orqopi achka-achka wañururqaku.

Quechua Ayacucho Bible 1987

¹ Filistea runakunam pelearqa Israel casta runakunawan Israel runakuna ayqekuyta qallaykuspankum Gilboa Moqopi achka-achka wañururqaku.

Chuya Qellqa 1992

¹ Filistea tropakunam Israel tropakunawan pelearqaku, hinaptinmi Israel tropakuna ayqekuyta qallaykuspanku Gilboa orqopi achka-achka wañururqaku.

1~Samuel 31:1 Iomraidhean Croise

2~Samuel 1:21

Gilboa orqokuna, hawaykimanqa amañayá sullapas nitaq parapas chayamuchunchu, allin ruruq chakrakunapas amañayá kachunchu, chaypim allinnin qari-qari soldadokunapa escudonta saruparurqaku, chaypim Saulpa escudonpa llipipipiynin tukururqa.

2~Samuel 1:6

Hinaptinmi chay joven nirqa: Qonqayta Gilboa moqopi kachkaspaymi, Saulta lanzanpi tawnapakuchkaqta rikururqani chaynataq enemigo tropakunapas carretakunapi caballokunapi paypa kasqanman chayaykuchkaqtaña.

2~Samuel 4:4

Saulpa churin Jonatanpam karqa mana puriy atiq churin Mefi-boset sutiyuq. Mefi-boset pichqa watayuq kachkaptinmi Jezreel llaqtamanta Saulpa hinaspa Jonatanpa wañukusqanku noticia chayaramurqa, hinaptinmi Mefi-bosetpa uywaqnin warmi qepirikuspa utqayman ayqechkaspan chay wawata pampaman kachaykurqa, chaymantapunim suchuña rikurirurqa.

1~Samuel 12:25

Sichum mana allinllapi kawsaptikichikqa, qamkunapas chaynataq reynikichikpas chinkachisqam kankichik.

1~Samuel 28:1

Chay punchawkunapim filisteokuna tropankunata huñururqaku Israel castakunawan peleanankupaq, chaymi Davidta rey Aquis nirqa: Qamqa ñoqawanmi soldadoykikunapiwan guerraman lloqsinki, nispa.

1~Samuel 28:15

Hinaptinmi Saulta Samuel nirqa: ¿Imanasqataq qayachimuwaspayki churmichawanki? nispa. Saulñataqmi nirqa: Filisteokuna contraypi peleaq hamurusqankuraykum ancha sasachakuypi kachkani. Diosmi ñoqamanta karunchakurun, manañam imallatapas niwanñachu, profetantakamapas nitaq musqoypipas. Chayraykum qayachimurqayki imam ruwanayta niykuwanaykipaq, nispa.

1~Samuel 28:19

Kunanmi Tayta Dios qamtawan Israel castakunata filisteokunapa makinman churasunkichik, hinaptinmi churikikunawan kuska ñoqawanña paqarin tarikunki. Israel tropakunatapas Tayta Diosmi filisteokunaman hapiykachinqa, nispa.

1~Samuel 28:4

Filisteokunam huñunakuruspanku campamentonkuta Sunem llaqtapi sayachirqaku. Saulpas Israel runakunata huñuruspanmi campamentonta Gilboapi sayachirqa.

1~Samuel 29:1

Filistea tropakunam Afec llaqtapi huñunakururqaku, Israel tropakunañataqmi campamentonkuta sayachirqaku Jezreel law pukyupa kasqanpi.