1~Samuel 30:8 - CHUYA QELLQA La Biblia en Quechua de Ayacucho 2012

⁸ Tayta Diosta David tapurqa: ¿Qatisaqchu icha manachu chay suwa runakunata? ¿Yaqaraqchu hayparuyman? nispa. Chaymi Tayta Dios nirqa: ¡Qatiypuni, paykunataqa hayparunkim, hinaspam presokunatapas libramunki! nispa.

Quechua Ayacucho Bible 1987

⁸ Davidñataq Tayta Diosta tapurqa: —Taytáy ¿qatisaqchu icha manachu chay saqueaq runakunata? ¿Yaqaraqchum hayparuyman? —nispa. Chaymi Tayta Dios nirqa: —¡Qatiypuni, paykunataqa hayparunkim hinaspam presokunatapas libramunkitaq! —nispa.

Chuya Qellqa 1992

⁸ Tayta Diosta David tapurqa: ¿Qatisaqchu icha manachu chay suwa runakunata? ¿Yaqaraqchu hayparuyman? nispa. Chaymi Tayta Dios nirqa: ¡Qatiypuni, paykunataqa hayparunkim, hinaspam presokunatapas libramunki! nispa.

1~Samuel 30:8 Iomraidhean Croise

Génesis 14:16

Tukuy ima apasqankuta qechumuspanmi kutichimurqa, sobrinon Lotta kapuqninkunatawan, warmikunatawan wakin runakunatapas.

2~Samuel 5:19

Hinaptinmi Tayta Diosta David tapurqa: ¿Risaqchu filisteokunapa contranpi? ¿Paykunataqa vencechimuwankichu? nispa. Chaymi Tayta Dios nirqa: Riypuni, filisteokunataqa makikimanmi churamusaq, nispa.

2~Samuel 5:23

Chaymi Tayta Diosta David tapuptin nirqa: Ama ñawpaqninmantaqa atacaychu aswanqa muyuruspayki qepankumanta atacamuy, bálsamo sachakunapa ñawpaqninmanta.

Éxodo 15:9

Enemigom nirqa: “Haypanaykamam qatisaq, qechusqaytam rakinakusaq, chayraqmi saksasqa hina kasaq, espadayta hurqospam chinkarachisaq”, nispa.

Números 27:21

Sacerdote Eleazarpa ñawpaqninpi Josué sayaykuptinmi paypaq Urim rumintakama Eleazar tapuwanqa. Josueymi Israelpa llapallan mirayninkunaman tukuy ima ruwanankuta kamachinqa, nispa.

Jueces 20:18

Israelpa mirayninkunam Diosta tapukunankupaq Bet-el llaqtaman rirqaku: ¿Mayqanniykutaq Benjaminpa mirayninkunawan peleaq puntata rinqa? nispanku. Chaymi Tayta Dios nirqa: Judá castakunam rinqaku, nispa.

Jueces 20:23

Chaynataqa ruwarqaku Israelpa mirayninkuna tutaykuqkama Tayta Diospa qayllanpi waqasqankuraykum, chaypim Tayta Diosta kaynata tapurqaku: ¿Huktawanchu castamasiyku Benjamín aylluwan peleaq risaqku? nispanku. Hinaptinmi Tayta Dios nirqa: Riychik, nispa.

Jueces 8:4

Gedeonmi kimsa pachak runankunapiwan Jordán mayuta chimparurqaku. Pisipasqa kachkaspankupas enemigonkutam qatirqaku.

1~Samuel 10:22

Hinaptinmi Tayta Diosta huktawan tapurqaku: ¿Chayaramunñachu chay runa? nispanku. Tayta Diosñataqmi nirqa: Payqa cargakunapa chawpinpim pakakurun, nispa.

1~Samuel 14:37

Hinaptinmi Tayta Diosta Saúl tapurqa: ¿Qatikachaymankuchu filisteokunata? ¿Yaqachum makiykuman churaykamunki? nispa. Ichaqa Diosmi chay punchaw mana imallatapas nirqachu.

1~Samuel 23:2

Tayta Diosta tapurqa: ¿Filisteokunawan peleaq riymanchu? nispa. Chaymi Tayta Dios nirqa: Rispa peleamuy hinaspa Keila llaqtata libramuy, nispa.

1~Samuel 23:4

Chaymi huktawan Tayta Diosta David tapurqa. Tayta Diosñataqmi nirqa: “Keila llaqtaman riy, filisteokunataqa ñoqam makikiman churasaq, nispa”.

1~Samuel 28:6

Chaymi Tayta Diosta Saúl tapuptin mana imallatapas nirqachu, musqoypipas, urimnintapas nitaq profetantakamapas.

1~Samuel 30:18

Davidmi Amalec runakunapa tukuy ima apasqankuta chaynataq iskaynin warminkunatapas kutichikamurqa.

1~Samuel 30:19

Chay apasqaku runakunamantaqa manam taksapas hatunpas faltarqachu, tukuy ima suwasqankutapas lliwtam David kutichimurqaku.