1~Samuel 30:14 - CHUYA QELLQA La Biblia en Quechua de Ayacucho 2012

¹⁴ Ñoqaykum rirqaniku Neguev lawpi Ceret casta runakunapa, Judá casta runakunapa chaynataq Caleb casta runakunapa tukuy imanta suwamunaykupaq, kañaykamurqanikutaqmi Siclag llaqtatapas, nispa.

Quechua Ayacucho Bible 1987

¹⁴ Arí, ñoqaykum rirqaniku Ceret casta runakunapa *f**yachananpa surlawninta. Rirqanikutaqmi Juda lawtapas chaynataq Caleb casta runakunapa *f**yachanan lawtapas, chaykunapi saqueamuspaykum Siclag sutiyoq llaqtatapas kañaykamurqaniku —nispa.

Chuya Qellqa 1992

¹⁴ Ñoqaykum rirqaniku Neguev lawpi Ceret casta runakunapa, Judá casta runakunapa chaynataq Caleb casta runakunapa tukuy imanta suwamunaykupaq, kañaykamurqanikutaqmi Siclag llaqtatapas, nispa.

1~Samuel 30:14 Iomraidhean Croise

2~Samuel 8:18

Joiadapa churin Benaiam Ceret ayllumantawan Pelet ayllumanta kaq soldadokunata kamachirqa. Davidpa churinkunañataqmi sacerdotekuna karqaku.

1~Reyes 1:38

Hinaptinmi Sacerdote Sadoc, profeta Natán, Joiadapa churin Benaía, rey waqaychaq cereteo soldadokuna, peleteos soldadokuna, Salomonta rey Davidpa mulanpi sillaykachispa Gihón lawman pusarqaku.

1~Reyes 1:44

Hinaspanmi sacerdote Sadocta, profeta Natanta, Joiadapa churin Benaiata, cereteo soldadokunata chaynallataq peleteo soldadokunatapas, kamarachin Salomonwan rinankupaq, paykunañataqmi rey Davidpa mulanpi sillarachinku.

1~Crónicas 18:17

Joiadapa churin Benaiam kamachirqa Ceret ayllumantawan Pelet ayllumanta kaq reyta waqaychaq soldadokunata. Davidpa churinkunañataqmi karqaku ñawpaqninpi yanapaqninkuna.

Ezequiel 25:16

Chayraykum ñoqa Tayta Dios kaynata nini: Atiy-niywanmi filisteokunata castigasaq, Ceret runakunatapas tukuruspaymi lamar qochapa patanpi puchuq runakunatapas llapallanta chinkarachisaq.

Sofonías 2:5

Lamar qochapa patanpi yachaqkuna, Creta llaqtapi yachaqkuna, ¡imallapiraq rikukunkichik! Qamkunapa contraykichikpim Tayta Dios kaynata rimarin: “Filisteokunapa yachanan Canaán llaqta, manaña runayuq kanaykikamam purmachisqayki”, nispa.

Josué 14:13

Chaymi Josueyqa, Jefonepa churin Calebpaq Tayta Diospa bendicionninta mañakuspan Hebrón allpata herencianpaq qoykurqa.

Josué 15:13

Jefonepa churin Calebmanmi tupaqninta Josué qorqa Judá ayllupa allpan ukupi. Tayta Diospa kamachisqanman hinam qorqa Anacpa taytan Arbapa hatarichisqan Quiriat-arba llaqtata. Quiriat-arbapa huknin sutinmi karqa Hebrón.

Josué 21:12

Ichaqa chay llaqtapa chakrankunatam muyuriqninpi taksa llaqtankunatawan Jefonepa churin Calebman qoykurqaku.

1~Samuel 25:3

Payqa karqa Calebpa mirayninmantam, sutinñataqmi karqa Nabal. Chay runaqa pasaypaq rumi sonqo mana allinta kawsaq runam karqa. Warmin Abigailmi ichaqa buenamoza hinaspa yachaywan imapas allin ruwakuq karqa.

1~Samuel 30:1

Kimsa punchawninmanmi runan-kunapiwan Davidqa Siclag llaqtaman chayarurqaku, hinaspam tariykurqaku Amalec runakuna Neguev lawman yaykuruspanku Siclag llaqtata kañaykusqankuta.

1~Samuel 30:13

Chay runatam David tapurqa: ¿Pipa criadontaq kanki? ¿Maylawtaq kanki? nispa. Hinaptinmi chay Egipto nacionniyuq runañataq nirqa: Ñoqaqa Amalec casta runapa criadonmi kani. Onqorusqayraykum yaqa kimsa punchawña patronniy kaypi saqeruwarqa.

1~Samuel 30:15

Chaymi David tapurqa: ¿Yaqachu pusaruwankiman chay suwakunapa kasqanman? nispa. Hinaptinmi chay runa nirqa: Diosrayku mana wañurachiwanaykipaq chaynataq patronniyman mana hapiykachiwanaykipaq juraykuwaptikiqa pusarusqaykim, nispa.

1~Samuel 30:16

Pusaruptinmi chay runakunata tukuy pampapi cheqeruspanku mikuchkaqta, upyachkaqta tarirurqaku; filisteokunamanta, Judá runakunamanta suwakamusqankumanta hatun fiesta ruwachkaqta.