1~Samuel 3:2 - CHUYA QELLQA La Biblia en Quechua de Ayacucho 2012

² Huk tutam sacerdote Eliyqa cuartonpi puñuchkarqa, ñawsayayta qallaykuspanmi manaña allintaqa qawakurqañachu.

Quechua Ayacucho Bible 1987

² Huk tutam sacerdote Eliy puñuchkarqa cuartonpi. Paymi ñawsayayta qallaykuspan manaña qawakuytapas atirqañachu.

Chuya Qellqa 1992

² Huk tutam sacerdote Eliyqa cuartonpi puñuchkarqa, ñawsayayta qallaykuspanmi manaña allintaqa qawakurqañachu.

1~Samuel 3:2 Iomraidhean Croise

Génesis 27:1

Isaacmi yuyaqyaruspan rampa-rampallataña qawakurqa, chaymi huk punchaw piwi churinta qayaspan nirqa: Churilláy Esaú, nispa. Esauñataqmi nirqa: ¿Imata taytáy? nispa.

Génesis 48:10

Israelpa ñawinkunam tumpallataña qawakurqa yuyaqña kasqanrayku, chaymi Joseypa churinkuna asuykuptinku Israel abrazaykuspa muchaykarirqa.

Génesis 48:19

Taytanñataqmi mana munaspan nirqa: Yachanim churilláy, Manasespa mirayninpas hatun nacionmi kanqa, ichaqa sullkanmi aswan allin qawasqaqa kanqa, mirayninmantapas achka nacionkunam hatarinqa nispa.

1~Reyes 14:4

Chaymi Jeroboampa warminqa chaynata ruwaspan Silo llaqtapi profeta Ahiaspa wasinman chayarurqa. Ahiasqa llumpay yuyaqña kasqanraykum manaña rikukurqañachu.

Eclesiastés 12:3

Chayamunqam punchaw palaciota waqaychaq runakunapas katkatatanankupaq, qari-qari runakunapas kumuykunankupaq, molinokunapas asllayaruspa wichqakurunankupaq, ventananta qawaqkunapas manaña rikunankupaq.

1~Samuel 2:22

Sacerdote Eliymi llumpay machuña karqa, yacharqam churinkunapa Israel runakunawan millay hucha ruwasqankuta, yacharqataqmi Diosman asuykuna carpapa punkunpi serviq warmikunawan puñukusqankutapas.

1~Samuel 4:15

Eliyqa isqon chunka pusaqniyuq watanpiñam karqa, ñawsayaruspanmi manaña rikukuytapas atirqachu.