1~Samuel 3:17 - CHUYA QELLQA La Biblia en Quechua de Ayacucho 2012

¹⁷ Chaymi sacerdote Elí tapurqa: ¿Imatataq Dios nisurqanki? Ama pakawaspa willaykuway. ¡Diosyá castigasunki imapas nisusqaykita pakawaptikiqa! nispan.

Quechua Ayacucho Bible 1987

¹⁷ Chaymi sacerdote Eliy tapurqa: —¿Imatataq Tayta Dios nisurqanki? Ama pakawaspayá willaykuway. ¡Diosyá llumpayta castigasunki imapas nisusqaykita pakawaptikiqa! —nispan.

Chuya Qellqa 1992

¹⁷ Chaymi sacerdote Elí tapurqa: ¿Imatataq Dios nisurqanki? Ama pakawaspa willaykuway. ¡Diosyá castigasunki imapas nisusqaykita pakawaptikiqa! nispan.

1~Samuel 3:17 Iomraidhean Croise

2~Samuel 14:18

Chaymi chay warmita rey David nirqa: Kunanmi ama pakaykuspa imam tapusqayta willawanki, nispa. Hinaptinmi reyta chay warmi nirqa: Reynilláy, tapuykuwayá, nispa.

2~Samuel 19:13

Amasatapas kaynatam nichimurqa: Qamqa aylluymi kanki. Joabpa rantinpim llapa tropaykunapa capitannin kanaykipaq churasqayki. Mana chaynata ruwaptiyqa Tayta Diosyá llumpayta castigawachun, nispa.

2~Samuel 3:35

Chaymantam Davidta achkillapiraq mikunanpaq ruegarqaku, Davidñataqmi juraspan nirqa: Diosyá castigawachun tantata otaq imatapas manaraq inti seqaykuchkaptin mikuruptiyqa, nispa.

2~Samuel 3:9

Diosyá sinchita castigawachun Tayta Diospa prometesqanman hina Davidta mana yanapaptiyqa.

1~Reyes 22:16

Chaymi reyñataq nirqa: ¿Hayka kutitakamataq nisqayki Tayta Diospa sutinpi cheqapllata niwanaykipaq? nispa.

2~Reyes 6:31

Chaypim rey qaparirqa: Safatpa churin Eliseopa umanta kunanpuni mana kuchuptiyqa Diosyá llumpa-llumpayta castigawachun, nispa.

Jeremías 38:14

Chaymantam Jeremiasta rey Sedequías pusarachimurqa templopa kimsa kaq pationman, hinaspanmi nirqa: Kunanmi tapuptiy imam kaqta niwanki, nispa.

Jeremías 42:4

Chaymi profeta Jeremías nirqa: Allinmi. Mañawasqaykichikman hinam yupaychasqanchik Tayta Diosta mañakusaq, hinaspaymi imam niwasqanta mana pakaspay willasqaykichik, nispa.

Daniel 4:19

Chaymi Beltsasar sutiyuq Danielqa mancharikuspan yaqa huk horata hina pensamientonpa intusqan rikurirurqa. Ñoqa reyñataqmi nirqani: “Beltsasar, imam mosqorusqaywanqa chaynataq imam ninanwanpas ama mancharikuychu”, nispay. Chaymi Beltsasarñataq niwarqa: Señorlláy, imam mosqorusqaykiqa kachun cheqnisuqniki runakunapaqyá, imam ninanpas enemigoykikunapaqyá kachun.

Miqueas 2:7

Jacob castakuna, qamkunam kaynata tanteanakunkichik: ¿Tayta Diospa espiritunchu pisiparun? ¿Kaykunachu ruwayninkuna? ¿Manachum Tayta Diosqa allin ruwaq runata yanapaykun? nispaykichik.

Números 23:17

Balaam kutiruptinmi rey Balacqa lliw kañana sacrificiopa waqtanpi sayachkasqaku, Moab nacionpi kamachikuqkunapiwan kuska. Hinaptinmi rey Balac tapurqa: ¿Imanintaq Tayta Dios? nispan.

Mateo 26:63

Jesusmi ichaqa upallalla karqa. Chaymi sumo sacerdote nirqa: Kawsaq Diospa sutinpim tapuyki: ¿Qamchu Diospa Churin Cristo kanki? nispa.

Rutwan Sutichasqa Libro 1:17

Maypim wañukusqaykipim ñoqapas wañusaq, chaypitaqmi pampakusaqpas. Sichum kawsananchikkama qanmanta rakikuptiyqa Diosyá anchata castigawachun, wañuyllañam qamtawan ñoqataqa rakinawasunchik, nispa.

1~Samuel 14:44

Chaymi churin Jonatanta Saúl nirqa: ¡Diosyá sinchita ñakarichiwachun sichum qam mana wañuptikiqa! nispa.

1~Samuel 20:13

Taytay mana allin ruway munasusqaykita mana willaykamuptiyqa chaynataq hawkalla ayqekunaykipaq mana yanapaptiyqa, Diosyá llumpayta castigawachun. Diosyá yanapasunki imaynam taytaytapas yanapasqanta hina.

1~Samuel 25:22

Chaymi juraspan nirqa: ¡Kunanmi chay enemigoy Nabalpa llapa runankunata wañurachimusaq, manam hukllapas puchunqachu, mana chayna kaptinqa Diosyá llumpayta castigawachun! nispa.

1~Samuel 3:16

Qayas-panmi Samuelta Elí nirqa: Kuyasqay churilláy Samuel, nispa. Samuelñataqmi nirqa: Kaypim kachkani, nispan.