1~Samuel 3:11 - CHUYA QELLQA La Biblia en Quechua de Ayacucho 2012

¹¹ Hinaptinmi Samuelta Tayta Dios nirqa: Israelpim hatun manchakuypaqta ruwasaq, chayta uyariqkunapaqqa rinrinkupas chanchanyanqam.

Quechua Ayacucho Bible 1987

¹¹ Chaymi Tayta Dios nirqa: —Israel runakuna ukupim rurasaq huk hatun castigota, chay castigomanta lliw uyariqkunapas muspaypi hinaraqmi rikurirunqaku.

Chuya Qellqa 1992

¹¹ Hinaptinmi Samuelta Tayta Dios nirqa: Israelpim hatun manchakuypaqta ruwasaq, chayta uyariqkunapaqqa rinrinkupas chanchanyanqam.

1~Samuel 3:11 Iomraidhean Croise

2~Reyes 21:12

Israelpa yupaychasqan Tayta Diosmi kaynata nin: “Kunanmi Jerusalenmanwan Judá nacionman hatun sasachakuyta chayachimusaq, chay sasachakuymanta uyariqkunaqa muspaypi hinaraqmi rikurinqaku.

Jobwan Sutichasqa Libro 41:9

Leviatanta hapiruytaqa pipas yanqapaqmi piensan, rikuykuspallaraqmi desmayarunku.

Isaías 28:19

Tutapas punchawpas rikurimuspam, sapa kutilla rikurimuspam haypasunkichik; uyarisqaykichikta yachaykuyllapas qamkunapaqqa paqway manchakuypaqmi kanqa.

Isaías 29:14

Chayraykum huktawan admirakuypaq milagrokunata ruwaspay kay llaqtata yapamanta hukmanyachisaq. Yachaysapa runankunapa yachayninmi tukurunqa, yuyaysapa runankunapa yuyayninmi waspirunqa, nispa.

Jeremías 19:3

kaynata nimunki: Judá nacionpi reykuna, Jerusalén llaqtapi yachaqkuna, Tukuy Atiyniyuq Tayta Diospa nisqanta uyariychik: Israelpa yupaychasqan Tayta Diosmi kayna nin: Kay sitiopa contranpim hatun castigota kacharimusaq, pipas chayta uyariqkunaqa muspaypi hinaraqmi rikurinqaku.

Habacuc 1:5

Muyuriqnikichikpi nacionkunata qawariychik, qawarispa mancharikuychik. Mana creenaykichikpaq kaqkunatam kay punchawkunapi ruwasaq, pipas chaykunamanta willasuptikichikqa manam creewaqchikchu.

Lucas 21:26

Kay pachata imam pasananmanta yuyaymanaspankum runakunapas wañunayanqaku; cielopi atiyniyuqkunapas katkatatanqakum.

Hechos 13:41

“Diospa nisqanmanta asikuqkuna, uyariychik, admirakuspa chinkaychik. Mana creenaykichikpaq kaqkunatam kay punchawkunapi ruwasaq, pipas chaykunamanta willasuptikichikqa manam creewaqchikchu”, nispa.

1~Samuel 3:10

Chaymi Tayta Diosqa asuykuspan puntata hina qayarqa: ¡Samuel, Samuel! nispan. Samuelñataqmi nirqa: Rimapayaykullawayá Diosnilláy, kay serviqnikiqa uyarisuchkaykim, nispan.

1~Samuel 4:10

Chaymi filisteokuna peleaspanku Israel runakunata vencerurqaku, hinaptinmi Israel tropakuna kayman chayman ayqekurqaku. Achka-achka runakuna chaypi wañuruptinmi, Israelpa kimsa chunka waranqa chakiwan puriq tropankuna wañururqaku.